خادمة القاسي

الجزء 34

🍷🥂خــادمـة الـقاسـي🥂🍷
   
✦وكأن عيناك  في الحسن آية تتلى على قوم كفروا فاهتدوا...!

#شعر....!

هي كاتكركر من القلب شادة على كرشها كاتميل بداك السباط دفرعون كيما قال كيسر كي السكايري...وهو  هاز حاجب  وحاط الثاني مامتيقش باللي كاتعيبو .

كيسر:  أفارتان.

أريناس(كاتفراني شوية بشوية):اه اه افارتان...هاديك ههههه.

حرك راسو يمين شمال وتنقل من حداهاا بخطواتو داير يديه على نصووو...رجع لبلاصتوو على الفوطوي وحط رجل على رجل ناطق.

كيسر: خاصك تبدلي ديك المشية  حيت كاتبينك طايحة فالشخصية وبهلولة وعروبية.... شفتي البنات فالمدينة كيفاش كايتمشاو ياك؟!.

أريناس هزات راسها بالإيجاب وملامحها رجعو اكتستهم الجدية ملي شافتو كايهضر بمنطقية.

كيسر(باستفزاز): قلديهم حتى هوما واستافدي منهم...كيما قلدتي هضرتي....!!

بلْلَّات حلقها وبلعات ريقهااا وهي تحط الراس فالأرض..

أريناس:غير  كنت نضحك معاك اسيدي..

كيسر:تمشاي فحالهم...دابا قدامي .

سمعات كلامو وهزات راسها كاتفكر فيه.....وردات عينيها فبلاصتهم وبدات كاتتذكر كيفاش كايتمشاااو وكيفاش غادير تقلدهم ..عضات على اسفل شفتيهااا وبدات كاتحاول تتمشا قدامو غادا جايااا حشمانة...راسها حاطاه فالأرض ويديها جامعاهم قدامها كاتنبش صبعانهم وخطواتها معقودين قصااار ماقادراش تتمشا مطلوقة حيت هازها الخجل منو .

وقف من بلاصتو وقصدهااا .. غي شافتو قريب ليها وقفات وهو وقف حداهاا  داير يديه فجيابووو  وحادر عينيه  المضيقين فيهااا .

كيسر: باش تولي تتمشاي فحالهم....خاصك تعرفي شناهو الفرق بين مشيتك ومشيتهم..وشنو خاصك تحسني فيهااا...!!

اريناس هزات فيه العين وبقات ساكتة كاتشوف فييه وترمش بعويناتهااا ماعارفا ماتقول ولا ديرو.

قرب منها بخطوة خراا حتى ولا قريب ليها  ب بزاف...هي عللات بؤبؤ عينيها الزرق فبؤبؤ عينيه الرمادي وهو بخفة دور يديه من ورا خصرهاا  وخلاها توسسع عينيها مضهشرة...حط يدو الثانية على كرشها من القدام ودفعها باش تخرجج مؤخرتهاا اللور وداكشي لي دارت وهي ماعايقاش .....  طللع يدو من ورا خصرها بشويييية وهي كاتبورش ليه بين يديه...وحطها من ورا صدرها مباشرة ....دفععها لعندو بزربة  باش تدفع صدرها للقدام  وجات لاسقة معاه.

يدو ورا ضهرهاا وهي لاسقة معاه وعويناتها فعينيه والهدوء حكم الوقت والسكات كان رئيس الموقف ....هي تململات فيدو بشوية باش تكسر السهوة لي سهاتها فعيونو المميزة بغموضها وغرابتهااا وشكلها المختالف وهو تنهد بالصوت كي حس بالصهد طلع معاه من شوفات عيونهاا القتالين بشوفاتهم الجذابة وبشكلهم ولونهم الأخاد وبلا مايحركهم منها تكلم وهو مامتافقش مع لسانو حيت بزز منو نطق..