🍷🥂خــادمـة الـقاسـي🥂🍷
✦وكأن عيناك في الحسن آية تتلى على قوم كفروا فاهتدوا...!
#تقدير....!
زدح قلبها بين ضلوعهاا ورجفو عليها عروقها فاش قال هاد الجملة" عندي الحق فيككك وبسييف عليك"...حسات بيه متملكها بزز منهااا وشعوور زوين سرا فجسمهاا وخلا الكلمات تتلف ففمها....بللاات حلقها وبلعات ريقها وهي كاتشوف فيه مكمشة حواجبها بين عيونهااا ومدلية قنيفاتهاا كيلا باغا تبككي حيت تلفات ومابقات عارفة ماتقول ولا ديرووو ...مشاعرهاا تهزو عجاااج والدم فيها هاج... توترات مخربقة ورْتابكات مرونة... حاسة براسها فاهمة ومافاهماش...واش كايهضر صح ولالا ماعارفاش...عاجباها هضرتو وفنفس الوقت ماعاجباهاش وماعارفاش علاش.
حاسة بيه كايعتارف ليهاا بلي باغيهااا واخا ماقالهاش نيشان الرسالة وصلات والبقية واضحة.
كيسر كايكره قوة الهضرة وعزيز عليه السكات والهدوء....كايكره الشرح والتبرير والتوضيح وعزيزة عليه الطريق المختصرة والحاجات الملخصة....ومعاهاا اي حاجة كان كايكرها ولا كايبغيها وبلاصة مايلخص ليها كولشي ف كلمة " باغيك ولا كانبغيك" كيما كايدير كلشي....كان سبيسيااال ماشي فحالهم ...وشرح ليها كووووولشي... بلا مايقول بلي باغيها حيت هادي شوية قاصحة عليه نظرا لشخصيتو القاسية...اعتارف....ولكن بطريقة غير مباشرة فهماتها وفهماتووو ولكن مزالا مصدومة وگاع ماتيقاتواا!!
الحشمة ....الخجل...التوتر...الإرتباك...التردد...الخوف
على گاع هاد الأحاسيس غلب حبهااا لكرامتها وعزتها لأنوثتها وبلا ماتحس نطقات مذكراه باللي نطق بيه لسانو شحال هاداا باش يقارنو مع لي نطق ليه اليوم.
أريناس: ياك ماقبلتيش بيا خدامة عندك حيت قلتي صغيرة ماواصلاش لتمنطاش.؟!...ياك قلتي ليا مانتيقش راسي وننسا شكون انا ونحسب بلي حنا قراب لبعضياتنا غير حيت ساكنين تحت نفس السقف؟! وياك قلتي انا الخدامة ونتا مول الشي وماغايكونش كثر من هادشي؟.
رفعها بنظرة ثقيييلة ورمش بالعرض البطيئ متبسم بطرف شفاهو حيت كاتحاسبو على كلامو لي ضرهااا وشداتو فقلبها حيت ماقداتش فديك الوقت تحاسبو عليه نظرا لمكانتو ومكانتهااا ....ودابا كاتحاسبو عليه حيت مابقاتش حاسبة راسها تحت منو وهو اعلى منها وهادا تطور ملحوووظ عجبو منها.
كيسر: قلتها حيت مابغيتكش تدمري حياتك ونتي صغييرة وتخرجي تخدمي فديور الناس وتخسري الما دوجهك وتعفطي على كرامتك وقيمتك ....حيت شفتك صغيرة وماشي قد تمارة والحفير والدمير...و ماتستاهليش... حيت صغيييرة وحيت بريئة وعفوية ماتستاهليش تكوني خدامة....ولكن هادشي ماكايعنيييييييييش بلي ماتستاهليينيييييش...حيت فهاد الموضوع سننك ماكايهمنيش...!
اريناس(كاتحاول تفيقو من سهوتووو حيت مزال مامتيقاش هضرتو): سيدي ....انا ارينااااس القروية كيما كاتقولياااا ...المكلخة العرووووبية.
أنت تقرأ
خادمة القاسي
Teen Fiction🍷🥂خــادمـة الـقاسـي🥂🍷 ✦وكأن عيناكِ في الحسن آية تتلى على قوم كفروا فاهتدوا...! بـأنامـل:•مـلاك هـانسل• 🥂أريناس🥂 قللو منهاا ورفعوها من سننهاا ومن المكان لي جات منوو ...ونساو بلي عمر بنادم يتقاس بأصلو وسسنننو ...وعمر المستقبل ترسسم على...
