🍷🥂خــادمـة الـقاسـي🥂🍷
#عتااب..!
هو شرررع فيها عينيه وهي كملات على لي بدات ليه.
" واخا جيت من العروبية للمدينة مانقزتش من الحمارة للطيارة كي سعد لالياتي ...زهري وزهر زهري غير فالحميررر".
هز حاجب وحط الثاني موسسع شوية فموو فيها وفردة فعلهااا وفالقصفة لي عطاتوووو مع كاينبشها مع كاترعععدووو كاع ماعطلاتووو.....رجع جر ابتسامة شبه استهزائية بجنب شفايفوو وكأنه مامصددقش أو بالأصح مصدوووم....ماتسناهاش منهااا.. مولفها سكوتية على حقهااا وعفااطة على نفسها وعلى كرامتها وكبريائهااا وماكاتردش دقتهااا ولا تعارض على شي حاجة كاع ماعجباتهااا ولا تدافع على راسها.
وللف يصدر الأوامر وهي تنفذ بالسكات والخاطر...وللف ينكْر وينكد وهي تساعف وتسايس...وللف ينقص منها ويقلل منها ويطيح بيهااا ويحتاقرهااا وتحني الراااس بالصبر.....ولفها صبارة وخوافة وهشيشة ونية وفاش قمعاتو ماتسرطاااتش ليييه لدرجة مزال مامتيقش مسمع ودنيييه وباقي كايتسناهاا تكذب الشي لي قالتو ليه..... عمر شي بنت المرااا تجرآت ودارتهااا حيت غاتكون هاديك هي نهايتهااا ....وكوون غير كانت شي بنت مراا خراا كان غايعدرهاا بقضية انها بنت عصرية العقلية وبنات هاد الوقت الهضرة ماكاتباتش عندهم فالفم....... ولكن هادي القروية البدوية العروووووبية المكلللخة السكوووتية ...تاهي تحل ليها الفم وطوال لسانها وولات تعرف تقمع وترد اعتبارها.
بصح العود لي تحقروو يعميك...!
كيسر:عاودييي شنو قلتي؟؟!
اريناس(عيونهاا عامرة دموع): كيسسسسرررر نتا ماشي غير ماكاتقدرش تتحكم فالمشاعر ديالك ...نتا ماكاتقدرش حتى تتباذلهم مع غيييييرك.....كاتقول ليا تيقي فراسك حتى كانبغي ندير بنصيحتك وكاتهرسني بمعيووورك وسبانك كاتخليني تانا نحقر راسي ونكره عيبي....(دموعها تسرسبو على خدودهااا).... ماتهزنيش من عمري وتقول برهوشة وصغيييرة ....راني صغر منك وداز عليا لي مادازش عليييك ...محاين الدنيا والدييين شفتهم وجربتهم ....انا خيرلك فالجماعة من الهضرة مع واحد كبييير وبعقلو خاوي.
وماتهزنيش من أصلي وفصلي.... العروبية ماشي عيييب ....العيب هو تكون ولد المدينة وتفكيرك عروووبي....الأمية ماشي عيييب...العيب هو تكون قاري وماواعيششش ولمشاعر الناس ماكاتراعيششش.....العيييب هو يكون ربي رازقك من خيرو والنعم ديالووو وتكون قاري وواعي وخدام ووواصل وواليديك ححداك وتبارك الله فيدهم لي مافيدش غيييرررهممم ولكن مامربيشش على كيفاش تحتارم الناس وكيفاش تبغي وتحن و تعطف على لي محتاج وتشفق على لي مخصوووص وتعاون لي مضرووور و تراعي للمشاعر ولقلوب الناااس الهشاااش.... العيب ماشي فييياااا اكيسسسر العيب فييييككك.....انا كانحتارمك ونتا كاتعيفني......انا نعللي فيك ونتا تطيح مني...انا كاندير ليك الشان ونتا كاديرني جفاااف ...انااا كانكبرر بيك ونتا كاتنقصص مني...انا كانشد بخاااطرك ونتا كاتهرررس ليا خاطري....!
أنت تقرأ
خادمة القاسي
Teen Fiction🍷🥂خــادمـة الـقاسـي🥂🍷 ✦وكأن عيناكِ في الحسن آية تتلى على قوم كفروا فاهتدوا...! بـأنامـل:•مـلاك هـانسل• 🥂أريناس🥂 قللو منهاا ورفعوها من سننهاا ومن المكان لي جات منوو ...ونساو بلي عمر بنادم يتقاس بأصلو وسسنننو ...وعمر المستقبل ترسسم على...
