🍷🥂خــادمـة الـقاسـي🥂🍷
✦وكأن عيناك في الحسن آية تتلى على قوم كفروا فاهتدوا...!
#موقف_اخوي....!
تالفة...تايهة...ساهية ....صابر كايثبتها ويقويها وهو حاااكم بيدو يديهااا...هي الدنيا دايرة بها وهو جنبهااا كايصبرهااا ويرد الوقت بيها.
ساعتاين دالعذاب....فتيحة كاتعددب لداخل وأريناس كاتعدددب برا...الحرقة فالقلوووب شاعلة العافية فالغايب على الوعي وفاللي واعي...ساعتاين دالمحاين...وأخيرا خرج الطبيب كايقلع صباعياتو من صبااعو وتبعوه الممرضات وحدة ورا وحدة.
اريناس برجلين فاشليين قربات ليه وهي كاتشوف ليه فيعينه بعينيها المدمعين ...باغاه ينطق ومابغاهش...خايفة يقول شي حاجة ماتعجبهاش...شي حاجة تزيد تكرهها فالدنيا باللي فيها ويكرهها فالعيشة لي مامنها فايدة ولا فيها معنى.
بلع ريقوو وشاف فصااابر لي سولو بحجبان عينيه المقرونين باستفهام.
" غانتسناوها تفيق....العملية دازت بيخير...وعلى خير...على سلامتها...وسلامتكم".
رجفااات بالفرحةةة وسط دموعها تبسمااات ...شافت فصابر لي تاهو تبسسممم وشدات ليه فيديه كاتستنطق فيه.
"واش سمعتي لي سمعتو اخويا؟! مي بيخيرررر...العملية نجحاااتتت سمعتييه ياككك؟!"
شاكة فمسمع اذنيها..مامتبقاش لي ستقبلوه طبولهم...كاتترععدد بالفرحة والصدمة والخلعة وكاع المشاعر تجمعو عليها مابقات عارفة باش تحس وشمن شعووور تشد فيه.
صابر:الحمد الله...الحمددد الله ييااااربييي...الحمد الله...!!
حمد ربي كثر من مرة...فرحان ليها كثر منهااا...وكيلا هي مو ماشي مهااا.
الدكتور: ماتقدرو تشوفوها حتى تفيق....نتمناااو...تفيق بزربة...حيت هاد النوع من العمليات...غالبا كايساليو بغيبوبة لشهووور...!!
خلاها تستوعب وجرها من بعد خرجها للكافيتيريا دالمستشفى شد ليها ماتاكل وبدا كايبزز عليها تاكل وهي ماباغاش دوز ليها قبل ماتشوف مهاا...ولكن بدا كايصرر وكايزعمها ماتقتلش راسها بالجوووع....وفالتالي كلات شوية ...عالأقل مابقاتش بالجوووع.
وقف معاها وقفة دالرجال...وقفة دالخوووت فالعزا والموت....وقفة دالصحاب كي يتششو الحباب...وقفة صحيحة...!!
أريناس( كاتمضغ بشوية وكاتشوف فيه): ماغانساش ليك هاد الخير...ماغانساش باللي وقفتي معايا وخليتيني نوقف على رجليا ومانفشلش...ماغانساش بللي صبرتيني وثبتتيني وقويتيني ومامشيتيش وخليتيني...حسسيت بيك خويا لي ماعنديش...ماغانساش ليك هادشي...!!
صابر:الله اودي ااختي اريناس...فينما تحتاجيني تصيبيني...مابيناتناش غاشيفووور ومولات الشي...نتي فمثابة ختي الصغيرة
أنت تقرأ
خادمة القاسي
Teen Fiction🍷🥂خــادمـة الـقاسـي🥂🍷 ✦وكأن عيناكِ في الحسن آية تتلى على قوم كفروا فاهتدوا...! بـأنامـل:•مـلاك هـانسل• 🥂أريناس🥂 قللو منهاا ورفعوها من سننهاا ومن المكان لي جات منوو ...ونساو بلي عمر بنادم يتقاس بأصلو وسسنننو ...وعمر المستقبل ترسسم على...
