🍷🥂خــادمـة الـقاسـي🥂🍷
✦وكأن عيناك في الحسن آية تتلى على قوم كفروا فاهتدوا...!
#نقاااش...!
أريناس كاتاكل ونجمة كاتشوف فيها ....بقات شحال وهي كاتفكر كيفاش تفتح معاها الموضوع...كاتقول الوقت ماشي مناسب يالله تعرضات للإعتذاء وكانت غاتعرض للإغتصاب وهادي يومين ماهضرات ولا كلات...غاتكون نفسيتها مزفتة عليها اللهم تخليها من بعد وتهضر معاها.
أريناس لاحضات باللي باغا تهضر ومتررددة وهي تنطق مسبقاها ليها.
"غير هضري اخالتي نجمة...راني عارفاك شنو باغا تقولي وانا بيخير دابا...قادرة نستقبل هضرتك ونجاوبك"
نجمة( حنحنات): اء...بنتي اريناس انا بغيت....بغيت غير نهضر معاك فموضوعك نتي وكيسر.
أريناس:عارفاك شفتي وسمعتي وغاتكوني تشوشتتي...قولي شنو عندك...!
نجمة:كانشوف باللي من الأحسن...تنساي ولدي كيسر...وتكملي حياتك نتي باقا صغيرة وباقا الوقت قدامك.
اريناس عيونها تغرغرو ....بقات شحال كاتشوف فيها وفالتالي قالت ليها.
"انا سمعتك ولكن قلبي صمك...كيسر مخللط ليا مع الدم وجاري ليا فالعروق فراقو ماشي فيدي ".
نجمة: ديري عقلك أريناس... ماتخلينيش نخسرك ونخسر معاك...نتي بنتي الثانية وعزيزة عليا.
أريناس:حتى نتي اخالتي نجمة فوق راسي وعينيا...ولكن ولدك ديالي وليااا...ماغانديرش عقلي حيت قلبي لي متحكم فيا...!!
ترعدات بغضضضب وقصصححات معاها النبرة بقساوة مخاطباها.
"ولدي قريب يتزوج حلّلي مزيااان هاد الهضرة......فالقريب غا يأسس أسرة ويكوّن مستقبل مع مرا خراا".
أريناس: بغيتي تقولي ...ولدك قريب يتزوج بمراا ماباغيهاش...غايأسس أسرة ويكون مستقبل ...مع وحدة ماشاممهاااش...ماحاملهاااش.... العين فيها ماكايهزهاااش.
بللات حلقهاا وبلعات الريق الجاف فيه وهي كاتزير على قبضة يديها قبل ماتجاوبها بنفس النبرة الصارمة وقساوة القلب لي هي عليها.
"هادشي ماكايبدل والوو ..زواج كيسر ماهو فيدو ولا فيدك ولا فيدناا كلشي بزز مننا وماباليد حيلة تفكناااا اللي عطا الله عطاااه والزواج تقرر ونهار العرس تحدد والكمال عالله".
سكتات شوية كاتجمع نفسها وكملات.
نجمة: واالى مكايبغيهاش غايولي يبغيها.... كلشي مع الوقت كايتبدل..
أريناس:ااه وحتى الى كانت الضروف ضدنا...دابا تولي فصفنا.... راك قلتيها بفمك اخالتي نجمة..كلشي مع الوقت كايتبدل.
#قمع....!!
نجمة:ماتيقيش راسك ا اريناس...نتي ماشي من مستوى عائلتنا باش تحلمي تكوني كنتنا...وماشي من مستوى كيسر باش تحلمي تكوني مرا ليه....عكس ليلى ...!
أنت تقرأ
خادمة القاسي
Teen Fiction🍷🥂خــادمـة الـقاسـي🥂🍷 ✦وكأن عيناكِ في الحسن آية تتلى على قوم كفروا فاهتدوا...! بـأنامـل:•مـلاك هـانسل• 🥂أريناس🥂 قللو منهاا ورفعوها من سننهاا ومن المكان لي جات منوو ...ونساو بلي عمر بنادم يتقاس بأصلو وسسنننو ...وعمر المستقبل ترسسم على...
