အဂ္ဂါဦးဆီက လျှန်းညီ အဆင်ပြေတယ်ဆိုတဲ့ အကြောင်းကြားမှ သုခေတ် စိတ်သက်သာရာ ရသွားသည်။
နောက်တစ်နေ့ မနက် အလုပ်ကိုရောက်ရောက်ချင်းမှာပဲ ရှယ်လီက သူ့ရုံးခန်းကို ဆိုက်ဆိုက်မြိုက်မြိုက် ရောက်ချလာတယ်။
"နင် သီချင်းဆိုရတာ ငြီးငွေ့နေပြီလား? one championship ဝင် ထိုးတော့မယ်ဆိုရင် ငါ့ကိုလည်း ကြိုပြောဦး "
"ဘာတွေလာပြောနေတာလဲ " သုခေတ်က ကြောင်တက်တက်နဲ့ ပြန်မေး၏။
"ဟိုနေ့ညက မျိုးသီဟနိုင်ကို တွယ်ပလိုက်တာဆို ငါ့ကို ဇွဲခန့်ကို ပြောတယ်"
သိပ်ကို တိကျတဲ့ သတင်းရပ်ကွက်က ကြားလာတာပါလား...
"နေပါဦး အစ်မတို့ နှစ်ယောက်က ဘယ်လိုက ဘယ်လို ဒီလောက် ရင်းနှီးသွားတာလဲ အရင်က မေးထူးခေါ်ပြောလောက်ပဲ မဟုတ်ဘူးလား "
ရှယ်လီက ဟက်ခနဲရီပြီး နှုတ်ခမ်းကို မဲ့သည်။
"ငါတို့ စောင်မြင်ကပ်တဲ့ လူချင်းတူတယ်လေ အဲ့ညက သူ ငါ့ကို အိပ်ပြန်လိုက်ပို့တော့ လမ်းမှာ မျိုးသီဟနိုင်အတင်းတုပ်ရင်း ခင်သွားတာ "
"အော်..."
တစ်ခုခုပြောမလိုနဲ့ ရှယ်လီက ဘေးဘီဝဲရာကို လှမ်းကြည့်ပြီး သုခေတ်နားကို ကပ်လာ၏။
"သူက အဖြောင့်လား "
"အစ်မက လျှန်းညီကို ချိန်နေတာ မဟုတ်ဘူးလား ? "
သုခေတ် စကားကို ရှယ်လီက ခေါင်းတခါခါ လက်တခါခါနဲ့ ငြင်းသည်။
"ပေါက်ပေါက်ရှာရှာဟယ် ဘယ်ကသာ သူ့ကို ရိုးရိုးသားသားခင်တာ...
ပြီးတော့ ငါက ငတုံးလား သူ့နားမှာ အဂ္ဂါဦးရှိနေတာကို "
ဒီတစ်ခါတော့ ငြင်းချက်ထုတ်တဲ့ လူက သုခေတ်ဖြစ်သည်။
"ပေါက်ကရတွေ သူတို့ နှစ်ယောက်က ဘာမှ မဆိုင်ဘူး "
သုခေတ်က အခိုင်အမာ ဆိုတယ်။
"ဟုတ်လား ? ဘာပဲဖြစ်ဖြစ်ပါ. ငါမေးတာဖြေဦး ဇွဲခန့်ကို က ဘယ်လိုလဲ? ငါနဲ့ အဆင်ပြေလောက်လား"
"ကျနော်လည်း မပြောတတ်ဘူး အဲ့ကောင်က ရည်းစားမမြဲတော့..."
"ပွေတာလား "
YOU ARE READING
အသိုက်ထဲက ဆည်းလည်းလေး [COMPLETED]
Romanceကလေးမယူဘဲ နှစ်ယောက်တည်း သီးသန့်ကမ္ဘာလေးမှာ အသားကျနေတဲ့ သူတို့။ သူတို့ ဘဝထဲကိုမှ ဆိုက်ဆိုက်မြိုက်မြိုက်ရောက်ရှိလာတဲ့ ထိုကလေးပေါက်စ။ ကေလးမယူဘဲ ႏွစ္ေယာက္တည္း သီးသန႔္ကမၻာေလးမွာ အသားက်ေနတဲ့ သူတို႔။ သူတို႔ ဘဝထဲကိုမွ ဆိုက္ဆိုက္ၿမိဳက္ၿမိဳက္ေရာက္ရွိလာတဲ့ ထို...
![အသိုက်ထဲက ဆည်းလည်းလေး [COMPLETED]](https://img.wattpad.com/cover/331975493-64-k738340.jpg)