သုခေတ် ဒေါ်မေသူနှင်းနဲ့ ဖုန်းပြောပြီး အောက်ထပ်ဆင်းလာတော့ ဘုန်းမြတ်ဖြိုးက သူထွက်မသွားခင်တုန်းက အတိုင်းပဲ ဆိုဖာပေါ်မှာ ထိုင်လျက်ရှိနေဆဲ ဖြစ်သည်။
ဘုန်းမြတ်ဖြိူက သူ့ကို လှမ်းကြည့်ကာ...
"အဆင်ပြေရဲ့လား "
"ကြေငြာချက်ကိစ္စကတော့ ပြေပါတယ် မပြေတာက မြတ်မင်းခ ကိစ္စ..."
ဘုန်းမြတ်ဖြိုးက သူပြောလာမယ့် စကားကို ဂရုတစိုက်နားထောင်သည်။
မြတ်မင်းခက သူ့ကလေးမဟုတ်ဘူးဆိုတဲ့ စကားကို ဘုန်းမြတ်ဖြိုးကိုပြောဖို့ သုခေတ် ဆုံးဖြတ်ထားပေမယ့် သူ ထုတ်မပြောခင် တစ်ခုခုပြောင်းလဲသွားဖို့ မျှော်လင့်နေသေးသည်။ ဥပမာ သူ့အမေဆီက ထို စစ်ဆေးချက် မှားယွင်းနေခြင်းသာဖြစ်တယ်ဆိုတဲ့ ဖုန်းဆက်လာတာမျိုးပေါ့။
"မြတ်မင်းခက ငါ့ ကလေးမဟုတ်ဘူးတဲ့ "
ဘုန်းမြတ်ဖြိုးသည် အဓိပ္ပာယ်မရှိတဲ့ စကားလို့ တွေးမိသွားသော်လည်း စက္ကန့်အနည်းငယ်အတွင်း၌ပင် သူ့အတွေးကို ထိန်းချုပ်လိုက်သည်။
"ဘယ်လိုဖြစ်ပြီးတော့လဲ "
သုခေတ်ဆီက ကိစ္စအလုံးစုံကြားပြီးတဲ့ အခါ ဘုန်းမြတ်ဖြိုးသည်လည်း အံ့အားသင့်မှုကို မျက်နှာမှာ မဖုံးကွယ်နိုင်ခဲ့ပေ။
"DNA စစ်ဆေးထားတဲ့ အဖြေက ဘယ်မှာလဲ "
"အမေ့ဆီမှာ "
မြတ်မင်းခက သုခေတ်နဲ့ သွေးသားမတော်စပ်ဘူးဆိုတဲ့ စကားက ဘုန်းမြတ်ဖြိုးကို အံ့အားသင့်စေရုံမျှသာ သက်ရောက်သော်လည်း ယနေ့ သုခေတ်အမေ ထုတ်ပြန်လိုက်တဲ့ သတင်းနဲ့ တွဲစပ်ကာ တွေးကြည့်လိုက်တော့ ဤကိစ္စရဲ့ အဆုံးသတ်က ဘယ်ဆီကို ဦးတည်နေလဲဆိုတာ ဘုန်းမြတ်ဖြိုး မှန်းဆနိုင်သွားသည်။
အနှေးနဲ့ အမြန်ဆိုသလို မြတ်မင်းခက Figure 9 ရဲ့ ဆက်ခံသူ အဖြစ်ကနေ ပစ်ပယ်ခံရတော့မည်ပင်။
"အဲ့တော့ အန်တီက ဘယ်လိုလုပ်ဖို့ တွေးထားတယ်တဲ့လဲ "
"သူက သူ့မြေးအစစ်ကို ရှာဖို့ပဲ စိတ်ရောက်နေတာ "
သုခေတ်က ဆိုသည်။
"ငါကတော့ မြတ်မင်းခကို ဘယ်လိုပဲဖြစ်ဖြစ် ငါ့ မျက်စိရှေ့မှာပဲ ကြီးပြင်းစေချင်တယ် "
CZYTASZ
အသိုက်ထဲက ဆည်းလည်းလေး [COMPLETED]
Romansကလေးမယူဘဲ နှစ်ယောက်တည်း သီးသန့်ကမ္ဘာလေးမှာ အသားကျနေတဲ့ သူတို့။ သူတို့ ဘဝထဲကိုမှ ဆိုက်ဆိုက်မြိုက်မြိုက်ရောက်ရှိလာတဲ့ ထိုကလေးပေါက်စ။ ကေလးမယူဘဲ ႏွစ္ေယာက္တည္း သီးသန႔္ကမၻာေလးမွာ အသားက်ေနတဲ့ သူတို႔။ သူတို႔ ဘဝထဲကိုမွ ဆိုက္ဆိုက္ၿမိဳက္ၿမိဳက္ေရာက္ရွိလာတဲ့ ထို...
![အသိုက်ထဲက ဆည်းလည်းလေး [COMPLETED]](https://img.wattpad.com/cover/331975493-64-k738340.jpg)