Slept with a Stranger #Wattys2015

Chapter 45

Prettyelsa... Try to read and support her story guys... thanks

Sa surname ni Miguel sorry kung litong talingong... Dapat talaga Monticello yon, eh may mga past chapter na Montecillo ang nalagay ko... so Montecillo na lang... since mas popular surname naman ito kesa Monticello.... and I guess Montecillo din ata ang prounce niyo sa surname niya.

_________________________

"Sige na Andra Hong Kong na tayo. Ito naman ang kj talaga."

"Preyh, kailan ba ako sumama mag-shopping sa inyo abroad?"

"Before I understand. Pero ngayon, Andra naman kalokohan na wala kang pera. Ang lakas-lakas na ng interior office natin eh." Kanina pa siya nito kinukulit na mag Hong Kong sila para mag-shopping. Kaso ayaw naman ni Andra dahil gastos lang 'yon para sakanya. Lagi siyang sumama noong college day nila, pero simula ng magkaanak siya nawala na sa sistema niya ang mga ganoong bagay.

"Preyh naman, ang laki ng monthly amortization ko. Alam mo naman 'yon diba? House, car, Gelo's trust fund and his educational plan. " Hindi pa naman kasi niya bayad ng buo ang bahay at kotse niya. Sini-secure din niya ang future ni Gelo. At alam 'yon ng mga kaibigan niya na ang future ni Gelo ang priority niya.

Nito lang din naman lumakas ang office niya at hindi rin niya solo ang kita. Kahati niya si Preyh sa kita ng interior office. Hindi naman talaga 50/50 ang hatian, 70/30. 70 sa kanya at 30 kay Preyh. Si Preyh naman ang may gusto ng ganung hatian dahil mas kailangan ni Andra ang pera at isa pa si Andra rin naman talaga ang halos nag-ta-trabaho. Kung baga, si Preyh ay investor lang. Pero tumutulong din naman ito kapag free time nito. May negosyo din kasi ang pamilya nito at doon ito nakatuon.

"Andra naman, secured na ang future ni Gelo. Kaliwa't kanan ang mamanahin niya kapag na deado kayo ni Iñigo." Mabilis na kinuha ni Andra ang nakapatong sa table na makapal na magazine at ipinukpok ang kaibigan sa ulo.

"Andra naman! Makapamukmok ka naman eh." Sabi nito habang himas-himas ang sariling ulo.

"Siraulo ka eh! Sisiguraduhin ko sa 'yong ikaw ang mauunang mamamatay sa 'min."

"Hmp! Ang yaman yaman ng pamilya mo ang kuripot. Tara na nga umuwi na tayo." Tumayo na lang ito at pumunta sa desk niya.

Napangisi na lang si Andra. Ayaw naman niya kasing umasa na sa parents niya. Gusto niya ngayon, lahat pagsisikapan niya. Dahil alam na niya rin kung gaano kahirap kitain ang pera. Halos umiiyak siya gabi-gabi noon dahil sa hirap na dinanas niya para lang mag-survive sila ni Gelo. Kahit pa sabihing tinutulungan siya ng mga kaibigan niya. Isa pa hindi rin talaga siya pwedeng umalis dahil abala talaga sila ni Iñigo sa pag aasikaso sa kasal nila. Nakatakda ang kasal nila tatlong buwan mula ngayon.

"Hay naku Preyh!" Tumayo si Andra at inayos ang mga gamit niya.

"Susunduin ka ba ni Iñigo?"

"Hindi na siguro."

"Tara na" Sabay na silang lumabas ni Preyh at nagtungo sa kanya-kanyang sasakyan.

NASA daan na si Andra ng biglang nag-ring ang cellphone niya. Agad niyang kinuha ang cellphone at sinagot.

"Hello Miguel"

"Hello ma'am, kayo po ba si Cassy?" Bigla namang kinabahan si Andra ng ibang tao ang sumagot ng telepono ni Miguel.

"Y-Yes, I'm Cassy, Cassandra. What happened to Miguel? Where is he?" Sunod-sunod niyang tanong.

"Lasing na lasing po siya ma'am. Pangalan niyo po ang tinatawag eh. Kaya kayo po ang tinawagan ko." Nakahinga siya ng maluwag sa sinabi ng kausap. Akala niya kung may nangyari ng masama dito.