တိတ်ဆိတ်သွားသည့်အခန်းက အပ်ကျသံပင်ကြားနိုင်လောက်၏။
တစ်ဦးနှင့်တစ်ဦးအပြန်အလှန်ကြည့်နေကြသည့်လူနှစ်ဦးလုံးသည် လှုပ်ရှားမှုမရှိဘဲ ကြည့်နေကြသည်မှာ မျက်တောင်မခတ်စတမ်း။
"Lord"
နှုတ်ခမ်းဖျားမှ ခပ်တိုးတိုးဆိုရင်း
အကျင့်ပါနေသည့် အပြုအမူများကြောင့်
ထရပ်ရန်ပြင်မိတော့နာကျင်နေသည့်ခန္ဓာကိုယ်ထက် အနည်းငယ်စူးအောင့်သွားသလို
ကျင်နေသည့်ခြေထောက်များကလည်း
မြဲမြံစွာရပ်တည်နိုင်စွမ်းမရှိခဲ့။မကျန်းမာသေးသည့်ခန္ဓာကိုယ်က
ပြောင်သလက်နေသည့် ဖြူလွှလွှကြွေပြားများထက် ပြုတ်ကျတော့မည့်ပုံပေါ်ခဲ့သော်လည်း ကြွေပြား၏အငွေ့အသက်ကို
မခံစားလိုက်ရ။ပုခုံးနှစ်ဖက်သည် နွေးထွေးသည့်လက်ဖဝါးကြီးများ၏ ဆုပ်ကိုင်ခြင်းကိုခံလိုက်ရကာ
အေးနေသည့် သူ၏ခန္ဓာကိုယ်က ဘေးနားရောက်သည့် lordကြောင့် အပူချိန်များတိုးလာသည်။ပြီးနောက်သူ၏ခန္ဓာကိုယ်ယဲ့ယဲ့အား wheelchairပေါ်
အသာအယာထိန်းကိုင်ပေးကာ
ထိုင်စေလိုက်၏။"အချိန်တိုင်းအရိုအသေပေးနေစရာမလိုပါဘူး။အဆင်ပြေသလိုသာနေ"
"......."
"ကျန်းမာရေးကို ဂရုစိုက်"
"ဟုတ်ကဲ့"
တိတ်ဆိတ်သွားပြန်သည့် အခြေအနေကြား
အနေရခက်မှုကသိသိသာသာ။
Lordကလည်းစကားဆက်ပြောမလာသလို Ianကိုယ်တိုင်ကလည်း ဘာပြောလို့ပြောရမယ်မှန်းမသိ။ကြမ်းခင်းသို့ကြည့်နေသည့် အကြည့်များကို
နေရာလွှဲလိုက်ရင်း ဦးတည်ချက်များက
ဘေးရှိစားပွဲပေါ်သို့ ထိုင်ရုံမျှထိုင်နေသည့် lordထံသို့ရောက်ရှိသွား၏။နံရံတွင်ချိတ်ဆွဲထားသည့် ပန်းချီကားသို့
ငေးကြည့်နေသည့်lordက ပန်းချီကား၏ အဓိပ္ပာယ်ကိုလည်းပုံဖော်နေပုံရသည်။ရှေးခေတ်အပြင်အဆင်များဖြင့် တန်ဖိုးကြီးမားမှုကိုပေါ်လွင်အောင်ရေးဆွဲနိုင်သည့်လက်ရာများနှင့်ပန်းချီကားက တကယ်ကိုအသက်ဝင်လှ၏။
YOU ARE READING
LORD OF ALL {Ongoing}
ActionThe contents of this story are written only with the writer's thoughts and ideas, and do not want to hurt or insult any person or society. Started date - 11.2.2022