Unicode
နှောင်းတေးမာန်ဟာ တစ်ယောက်ပြီးတစ်ယောက်ယှဉ်ပြိုင်တာကို ကြည့်နေရင်းနဲ့ သုတမြဲအလှည့်ကိုရောက်လာတော့သည်၊သုတမြဲဟာ အစတည်းက အွန်လိုင်းမှာ သူရဲ့သီဆိုမှုတွေကို တင်လေ့ရှိတာကြောင့် ပရိတ်သတ်အနည်းအများတော့ရှိပြီးသားပင်၊
နောက်ပြီးတော့ သုတမြဲဟာ တကယ်ကိုပင် အဆိုပိုင်းမှာ ကောင်းလှသည်၊သုတမြဲအသံဟာ ပျားရည်လိုချိုကာ ကြားရသူအဖို့နားဝင်ချိုရုံသာမက သုတမြဲရွေးချယ်သည့်သီချင်းဟာလည်း ငြိမ့်ငြိမ့်လေးနဲ့နားထောင်လို့ကောင်းတဲ့အချစ်သီချင်းဖြစ်သည်၊
သုတမြဲဟာ နှောင်းတေးမာန်ကို လှောင်တဲ့အကြည့်တစ်ချက်ကြည့်လိုက်ပြီးနောက်မှာ ချက်ချင်းချစ်ရည်လူးနေတဲ့အကြည့်တွေနဲ့ ရှေးခေတ်လင်္ကါကိုကြည့်ရင်း ဆိုနေတော့သည်၊
သုတမြဲဟာ ဘီတာတစ်ယောက်ပေမယ့် လှပပြီးချစ်စရာလည်းကောင်း ပါရမီလည်းကောင်းတာကြောင့် အွန်လိုင်းမှာနာမည်ရှိတဲ့သူတစ်ယောက်ဖြစ်ရုံသာမက အယ်လ်ဖာတွေကြားမှာလည်း လူသိများသည်၊
ရှေးခေတ်လင်္ကါသူငယ်ချင်းတွေဟာ ရှေးခေတ်လင်္ကါကို အားကျကြောင်း ဘာညာပြောနေချိန်မှာ သူဟာ သုတမြဲကိုဂုဏ်ယူတဲ့အပြုံးနဲ့ကြည့်နေတော့သည်၊ သူဟာ ဘယ်တုန်းကမှ လူရွေးမမှားခဲ့ပေ၊တေးမာန်မိသားစုကို တစ်နေ့တော့ သူဖျက်စီးပစ်ပြမည်၊
သုတမြဲ သီဆိုမှုပြီးချိန်မှာ လက်ခုပ်သံတွေထွက်ပေါ်လာကာ ဒိုင်တွေကလည်း ချီးကျူးကျတော့သည်၊
ထိုနောက်မှာတော့ နှောင်းတေးမာန်ဖျော်ဖြေသီဆိုမည့်အလှည့်ကိုရောက်လာတော့သည်၊လူတိုင်းဟာ စင်ပေါ်တက်လာတဲ့အလှလေးကို ငေးမောမိသွားသည်၊
နှောင်းတေးမာန်ဟာ ရိုးရှင်းတဲ့ရှပ်အင်္ကျီအဖြူရောင်နဲ့ဘောင်းဘီအနက်ကိုသာဝတ်ဆင်ထားပြီး အညိုရောင်ဂစ်တာကို ပိုက်ကာ တက်လာတော့သည်၊ထိုနောက်မှာ ထုံးစံအရ ဒိုင်တွေနဲ့ကြည့်ရှုသူတွေကို အပြုံးချိုချိုလေးနဲ့နူတ်ဆက်လိုက်သည်၊
အရည်အချင်းက အဓိကတဲ့လား၊သင်တို့မှားတယ် သင်သာ အရည်အချင်းရော ရုပ်ရည်ပါချောမောလှပနေရင် သင်ရဲ့အောင်မြင်မှုက ထိုးတက်သွားမှာ၊လူတွေက ရုပ်ဆိုးတဲ့ပါရမီရှင်ထက် ရုပ်ချောတဲ့ပါရမီကို ပိုအားပေးတယ်၊ အဲ့တာက ကမ္ဘာမြေရဲ့လူသားတွေသဘာဝပဲ၊
