ربيع الفؤاد (متوقفه)

البارت الثالث

مثل وجه الصُبح احنا
و بشوفتنا تصبح بخير

                         بقلمي غزه 🫂🌍

*********************

لاتنسون التصويت و التعليقات 🔥
            و متابعة الحساب 🔥 

البارت طويل اريد تفاعل حلو و تعليقات حلوه و كل بارت راح انشر حساب اكثر وحده تعلق و اتابعها و انشر اكثر تعليق يضحك 🔥🔥🔥

            هاذ التعليق من البارت السابق 😂
بسام راح يجلطگم بروده و راح يعدي فؤاد هم 🙂

               
البارت الثالث

************

بسام...

التفتت على صلاح و شفته معصب عبالك شايفنا بوضع مشبوه باوعت على ميسان شفتها خايفه و متوتره
و هو يخزر بيها

صلاح الدين: مو جاي اسأل شعدكم هناااا

بسام: نصي حسك بالأول قابل شنسوي كدامك واكفين نسولف بيها شي

صلاح الدين: بسام امشي وياي برا خل نسولف

بسام: نتغده نوب نسولف
راد يحجي عفته و مشيت و خليته يغلي بس انقهرت على البنت خاف يتعارك وياها

رحت للصاله شفت خالتي و البنات كاعدين كعدت يم خالتي و وعد گدامي شوي و اجه صلاح كعد بس البنيه مأجت عاد خالتي گالت

_وين ميسان ليش مأجت

رند: اني ندهتلها قبل شوي گالت اخلي الچاي عل نار و اجي

ام صلاح: گومي صيحيها خاف تستحي

رادت تگوم جان صلاح يلزم ايدها و يگول

_ميسان مخستگه شوي و صعدت لحجرتها ترتاح

ام صلاح: شجاها من شوي چانت تفتر بالمطبخ چنها البخت

رفع اجتافه بمعنى ما اعرف من هل لحظه تأكدت صلاح يحب ميسان
ابتسمت و هزيت راسي بأسى
هاي بدايتهم هيج منا لسنه تموت البنت من ورا