ربيع الفؤاد (متوقفه)

البارت التاسع

لا تنسون التصويت⭐
التعليقات❤
متابعة الحساب🌷
نشر القصه و مشاركتها🌺

احبكم طراگيع گلبي 🫂

             راح العُمر وياك يا جمرة اشواك
            راح و ترك بيه وعود عشاك
           راح و رحل لبعيد  ما مَر بعد ذاك
          من ذاك لوگت لليوم ذابحني لفراك

                     بقلمي غزه
༺༺༺༺༺༻༻༻༻༻

جمانه....

يونس هو احلى شي صار وياي بكل حياتي

بحياتي كلها محد مهتم بيه مثله يعرف شنو احب شنو اكره

يداريني و ميكسر بيه ابدددد

صح اول حُب بحياتي كان صلاح بس صلاح مبادلني المشاعر

بحُبي لصلاح چنت دوم حزينه و خايفه لا اخسره

بس يونس غيررر يونس حسسني بقيمتي و بأهمية وجودي بحياته

احس نفسي محضوضه لان هو بحياتي

علاقتي بي محد چان يعرف بيها

چنت ناويه بس اتخرج نرجع للعُراق و يخطبني و نتزوج بس لصار ويا صلاح و ميسان خرب عليه كل شي

صرت اهتم بصلاح مو لان عندي مشاعر اتجاهه لا

لان صلاح صديقي من الطفوله و احنا عشرة عمر

گلبي منطاني اعيفه و هو متحطم هيج

ظليت يمهم فتره و يونس تخبل لان يعرف بيه چنت احب صلاح

و لأتعس من هيج چذبت عليه گتله صاير وياهم حادث سياره مگلت حاول يقتلها

رجعنا للسويد اني و وعد
و بهل فتره هوااي تقربت منها علمود اواسيها
بس الصراحه صدمتني بطريقة تفكيرها و تكبرها

رُغم ما اعرف شنو السبب الرئيسي لطلاقها بس بعد معاشرتها تأكدت هي السبب

رحت للشركه حتى اشوف يونس ميدري رجعت

اول مفتت سلمت على زملائي و السكرتيره گالت
هل يومين صاير ميتحاچه و لا ينطاق

قريت الفاتحه و فتت للمكتب جان مرجع راسه ليورا عل كرسي و مغمض عيونه و عاگد حواجبه فديتتتتت طالع يجننن

رحت بهدوء وگفت ورا الكرسي و لزمت خصله من شعري خليتها على رگبته نوب ختلت

كررت الشغله اكثر من مره منطه ردت فعل لطمت وجهي بأيدي لثنين و گلت

_يممممممه يونس محمود راح من ايدي اكيد تأمرو عليه بغيابي

ظليت اضرب على وجهه و اگول

_يونس اكعووود اجيتتتت اني جماااانه يووونس

يمممه راااح يونس مين اتلگاهاااا يا الله منين