ربيع الفؤاد (متوقفه)

البارت ١٧

كُنت اراهم في عيون القلب
و نسيت بأن القلب اعمى!!!

بقلمي غزالي 💚

꧁꧁꧂꧂

قراءة مُمتعه 💚

لبارت ١٧

...........

تفاحه...

واگفه بالمطبخ اسوي چاي و الفرحه مسايعتني كل شوي اتذكر لي صار وياي البارحه و ابتسم

فزيت على صوت هلاهل التفتت شفت صبيحه جايه گعدت تبوس بيه و تباركلي و اني ميته خجل طلعتني من المطبخ و گالت انتِ عروس لا تتحركين
رحت للصاله و شفت ابو ناصر جاي و بيده ريوك بس شافني اجه باسني فز على صوت صبيحه لعوب
_هاااا خويه بدينا بسوالفك
ابتعد بسرعه و حك رگبته و گال
_جبت ريوك لا تسوين
اخذت العلاليك منه و كال
_يالله نيسان لحگيني للغرفه رحت ورا و صبيحه ظلت تهلهل سديت باب الغرفه و تقدمت بخجل گعدني بحضنه و گال
_اشتاقيتلج ولج شلعبتي بحالي انتِ
_اني هم اشتاقيتلك بعد لا تعوفني دقيقه
ضحك و حك ذقنه بجتفي و گال
_و الشغل اضربه جلاقين مو
_اي خل ناصر و الولد يشتغلون
_بعد وكت مو جاي يدرسون

اندكت الباب و سمعنا صوت صبيحه تگول الاكل جاهز
طلعنا اني ويا و گعدنا نتريك و نسولف و هو كل شوي يكرص خدي يا يحضني و لمن صبيحه تدير وجهه يبوسني
مرت ايام و عايشه بحُبه و دلاله اجمل عيشه بدت المدارس و هو وياي خطوه بخطوه مرات يشرحلي الدروس و بوكت الامتحانات يسويلي اسأله
و صبيحه شايلتني بعيونها متخليني معتازه شي كل يوم تسولي حليب الصبح و عصير باليل و تجبرني اشربهم رغم ما احب طعم الحليب بس ما اگدر اكسر بيها..

..........................

اشجان....

صح الحياة صعبه بس غصبن ما على راسنا لمربع لازم نعيشها و لازم نكون گد كل الاختبارات
دوم اصفن و اگول عشت هواي ضروف و اني بعدني مصاير عمري ١٨ يا ترا بعد مصرت بهل عمر شنو راح يصير بيه بس لاكيده منه راح اكون گد اي اختبار او وضع صعب اتخله بيه لأن اني گدها
قطع مديحي بنفسي و قدراتي الخارقه المزعج ايوب
هو و يدك على جام سيارتي الغالية نزلت الجام و گلت بملل
_خير يا طير
_سيارتي بنچر وصليني للمكتب
ابتسمت بشماته و گلت
_شفت خل تفيدك الرانج مالتك عمي السايبه و بس
فتح الباب لبصفي گعد و گال
_لا تعيرين شجو اصلاً الرانج طلعت من عيني
_زلم ماعدكم وفه حتى للسياره
_هاااا شجو سالمين طلعتيني خاين شنو شايفه عليه ولج بعدين خففي السرعه راح نطير
_فديتها السايبه سريعه توصلك لمشوارك بدقيقه
_توصلني للگبر بدقيقه شجو بروح امج خففي بعدني شاب مشايف شي من الحياة اريد اعرس و اجيب جهال
_لا تزعجني بصوتك الغثيث بعدين مداسوق سريع بس السياره سريعه
_شلون متسوقين سريع و السياره سريعه لعبه هيه بس اوصل بالسلامه اشتكي عليج اگول رادت تكتل محامي
_انتَ ان غبت لا تفتقد و ان حضرت لا تعد