ربيع الفؤاد (متوقفه)

البارت السابع

لا تنسون التصويت +التعليقات +متابعة الحساب 🔥

من البارت السابق و هاي ايووو شهدت على وگعت عدي😂😂

"" "" "" "" "" "" "" "" "" "" "" "" "" "" "" "" ""
        طعنه عن طعنه تختلف مو كل اعدائك سوا
       طعنت العدو تنعرف طعنة المُحب مالها دوا

                    بقلمي غزه🫂🌍

البارت السابع

"" "" "" "" "" "" "" "" "" "" "" """ "" "" "" "" "

صمود....

لحضات من الخوف و الرهبه احس عبالك جبل و وگع على راسي بعدني ممستوعبه الصدمه امي فتحت الباب

بسرعه خليت الاختبار  ورايه تقربت مني و گالت

_شضميتي ولجججج

سكتت و ظليت ابجي بخنگه

جرت ايدي و شافت اختبار الحمل گعدت عل جربايه
و ظلت تلطم نوب گامت ضربتني

بطلوع الروح عافتني گعدت بالگاع تفكر بحل لهل مشكله و كالعاده اتجهت لانسب حل بالنسبه الها

انو تزوجني صلاح ابن خالتي وگفت بغضب و گلت

_مستحيلللل اتزززوج صلااااح ماما لا تعالجين الغلط بالغلط راح اروح لابو سمير لازم يعرف حفيده بطني و غصبن ما على راسهم يتحملون المسؤوليه

_انجبي دماغ سززز تردين تگولين علمود ننفضح هاااااا ولج صاااار شهور هسه يگولون جذب الله ليدري ابن يا نغل بطنج

طلعت بسرعه لبست و حضرت جنطتها و اخذتني وياها حتى ما اروح و اكول لابو سمير رحنا لصلاح الدين گعدتني بيت صديقتها مره وحيده مالها احد
علمود محد ينتبه على بطني و هي راحت لبيت خالتي

بعد مراحت امي ظليت ابچي بقهر ليششش كل هاذ ديصير وياي ياربي شسووويت اني شسووويت الله ياخذك سمير الله ينتقم منك...

"" "" "" "" "" "" "" "

وعد....

گاعده اقرأ بالغرفه اجتي رند و گالت خاله ام بسام اجت

عدلت نفسي و نزلت سلمت عليها انتبهت عليها مو على بعضها شوي و اخذتها لغرفتي علمود ترتاح