ربيع الفؤاد (متوقفه)

البارت ١٥

قراءه مُمتعه💚🙏🏻
༺༺༺༻༻༻

كيف للقدر ان يلعب لعبتهُ
و كيف تتغير الظروف
هل نحن على الطريق الصواب؟
ام هاذا الطريق المعطوف !!

༺༺༺༺༻༻༻༻

جوري.....

گاعده على الچربايه اباوع على غرفتي لاخر مره قبل
ما اطلع و اتركها
و اترك اجمل و اعز ذكريات على گلبي
كل زاويه چانت شاهده على حُبي الصادق نفسها شهدت على عذابي كل هل شهور بدون فؤاد

رُغم كل هل شي اخلي ابويه و تعبه بعيني
بالأخص هوااي تعبت صحته و سوا عمليه قبل شهر

فزيت على صوت تفاحه
_يالله جوري مالك دينتضرج صار ساعه انسلك من الحر

گمت من مكاني و طلعت من جوا الجربايه جنطه سوده و انطيتها لتفاحه
_تفاحه هاي الجنطه ذبيها
_هسه اذبها بالزباله
_لا لا مو هنا ذبيها براس الشارع
_ليش؟؟
ابتسمت بحزن و گلت قبل ميصير عندي موبايل فؤاد جان يدزلي رسايل بالأوراق
تتذكرين و انتِ چنتي تجيبيهم ظليت محتفضه بيهم كل هل سنين بس لهنا و حدي ما اگدر اخذهم وياي
لا يشوفهم مالك
و اذا ذبيتهم هنا احتمال اهلي يشوفوها و هم ميعرفون بينا رسايل
فذبيهم بالحاويه لبراس الشارع احسن
_هههه واذا واحد من المنطقه قراهم و عرف هذول الج يتصخم وجهج والله
_ميعرفون لان بكل الرسايل فؤاد جان كاتبلي
ربيعي لو وردتي مكاتب اسمي و لا اسمه

هزت راسها و اخذت الجنطه من ايدي نزلت قبلي
و اني مسحت دموعي و عدلت مكياجي القيت نضره اخيره على نفسي و بعدها ودعت غرفتي بالنظره الاخيره  سديت الباب و نزلت شفت اهلي واگفين يم الباب و الف غصه بعيونهم رحت حضنت حيان و نوب امي و بعدها ابويه حاولت ما ابچي و اقوي نفسي
  الحمدلله گدرت اضبط نفسي گدامهم طلعت من بيتنا شفت تفاحه يم الباب حضنتها و همست بأذنها
_مو تنسين ذبي الجنطه
هزت راسها بالموافقه

رگبت بالسياره و بعدني متمسكه بالقوه لحد ممشت السياره نهاريت دموعي صارو شلال بحيث مالك انخبص بيه
شگد ما حاولت اهدي نفسي مگدرت گلبي ديوجعني
كلما نبتعد عن بيتنا و منطقتنا اكثر كلما حلمي بفؤاد دينهار گدامي
وصلنا للمطار و اني كل شويه اباوع على الناس و اشوف فؤاد بيهم
چان عندي امل تصير معجزه و يطلع كل شي حلم
و اصحى منه و اشوف نفسي بفراشي الدافي
لحد ما مالك خله ايده على چتفي و گال
_يالله جوري نادو على رحلتنا

مشيت ويا بدون كلام عيوني خاليه من الاحلام
اسمع الناس فرحانه لان دتسافر و اني الغصه متربعه بصدري
گعدنا بالطياره چان مقعدي يم الشباك لمن طارت الطياره فتحت الشباك و دعيت ربي يوگف وياي و ينسيني فؤاد

༺༺༺༺༻༻༻༻

تفاحه....

گاعده باب بالمطبخ ابچي على جوري و حايره منو الي بعدها ويامن احچي يم منو اروح لمن اضوج
زين هيه شلون راح تعيش ويا رجال متحبه شلون راح تتخطى حبها لفؤاد
نوب فؤاد شلون راح يكمل حياته