ربيع الفؤاد (متوقفه)

البارت ٢٠

    قبل انين السنين و الأيام الصعاب
قبل السنوات العجاف و فصول الجفاف
انتُ قدري لي و لي
قلبي لكَ و قلبكَ لي

꧁꧁꧁꧂꧂꧂
بقلمي غزالي 💚🫂🌍

بارت مفاجأه استمتعو بتفاصيله
لا تنسون التفاعل لا تزعلوني 🥺

لا تنسون التصويت +التعليقات +متابعة الحساب

.............................
قراءه مُمتعه 💚🫂🌍
...........................
البارت ٢٠
...........

صمود....

واكفه بالحديقه و عيني على الباب مال شارع
كلما تمر سياره يفز گلبي
مدا اصدك امي اجتي للكويت تشوفني

لمن گالتلي جوري امي راح تجي ويا حيان مصدگت ابدد
بس لمن خابرتني و گالت راح اجي
من ساعتها لحد هسه عيوني مضاكو النوم

صار ثلاث سنين اني مشايفتها روحي لايبه على امي
و تدور ريحتها

شوي و وگفت سياره گبال بيتنا
و جوري گالت وصلو وكفت متصنمه بمكاني
و جوري ركضت حضنت حيان

باوعت على امي نزلت من السياره بطئ
لا لا معقوله هاااي امي عززززه كبرانه ثلاثين سنه فوك عمرها
ضعفانه و متغيره التجاعيد محتله ملامح وجهه
و الانكسار باين عليها

ظليت اباوع عليها بدون ما اتحرك احاول اغالط نفسي و اگول هاي مو امي

فزيت من سهوتي لمن لزمت امتوني بأيدها و حضنتني بقوه و ظلت تبچي
بادلتها لحضن و عاتبتها عتاب سنين و ليالي

عاتبتها لان حرمتني منها و من بسام و دزتني هنا بالغربه
عاتبتها على كل لحظه احتاجيتها بيها وملگيتها يمي عاتبتها على الجريمه لرتكبتها علمود تستر عليه

جوري: صمود خل نفوت جوا امج تعبانه
ابتعدت عنها و فتنا جوا نوب اخذتها لغرفة الضيوف علمود ترتاح رجعت حضنتني و سالتني عن احوالي غصيت و جاوبتها

_يمه تأخرتي بسؤالج هواااي تأخرتي
_ليش رجلج مو زين وياج
_رجلي من يوم ما اجيت للكويت لحد الان ممتقرب مني

بس گلت هيج لطمت صدرها و گالت
_ليش يمه شصاير بينكم
_لا والله كل شي مصاير يمه تحچين صدوك كل هل امور لصارت و بعدج تگولين شصاير
نفسي لعبت من الزواج و من كل شي بهل دنيه
لو ما ابني امير جان منتحره من زمان و خلصانه

_يمه استهدي بالله و گوليلي لا تلوعين گلبي احچي سمير شلونه وياج
شلون يعاملج يضربج لو لا يطلع ويا بنات لو لا

_خاطره مكسور عليه بحيث لمن يحچي وياي ينتقي الكلام يالله علمود ميجرحني
ميريد انصدم و اتأذى اكثر