ربيع الفؤاد (متوقفه)

البارت ١٢

لا تنسون التصويت ⭐
التعليقات ♥
متابعة الحساب🌺

عتبي عليكم جبير حيل يعني الله يرضها اكتب و اتعب و بالنهايه لا تصويت و لا تفاعل
اني ما ادور مشاهدات عاليه
بس انقهر لمن اشوف التصويت عل بارت الواحد ٢٠
ليش هيج 😑😑

༺༺༺༻༻༻

عشت عُمري بتعب و شبعت طعنات
بكثر ما مليت الوگت صرت احسد المات

بقلمي غزه

༺༺༺༻༻༻

ايوب..

نايم على رجل امي و هي تلوليلي عبالك طفل
و انه مكيف و مرتاح اخخخ شحلات النومه على رجلها
تردك طفل صغير ما بگلبه هموم غير شوكت ينزعو الحفاضه

بعد مخلصت كل لگولات و الاغاني التراثيه گالت
_يمه ايوب شوگت افرح بيك و تعرس
_بعدني صغير
كفختني براسي و گالت
_يا صغير شيخ الشباب انتَ يمه انتَ وحيدي
و اريد افرح بيك و اشوف جهالك و اطمن عليك
گبل ما اموت ليش تخليها حسره بگلبي و تقهرني
_بعد و بعد طلعيني عاق فد مره و مُلحد لان ما اريد اتزوج
_مو لهل درجه بس اريد اطمن عليك
زين گُلي و ما اگول لاحد معقوله متحب وحده منا منا
_چا انه وين شايف بنات من الشغل للبيت و من البيت للشغل
_يمممه راح تف گلبي ادري بالشغل ميجوك بنات صخام

بس گالت هيج وخرت من حضنها و تربعت و گلت
_شايفتيني ناقص غيره اباوع على عرض لوادم
_يمه اذا غايتك حلال باوع
_يمه ما اعرف ما اريد هسه
_زين انه شايفتلك خوش بنيه
_دگولي من الاول منيشنتلج على وحده
صايره خطيره ام ايوب
_انجب و اسمعني البنيت خوش بنيه حبابه و عمرها مناسب الك
_ايي مني هاي المگروده
_يا شگردها صاحبة السعاده هاي راح تتزوج وحيدي
_هسه غير اعرف مني
_ديالا
_ههههههههههههه والله عليج سوالف يمه
_انجب لا تضحك شبيها ديالا لعابه تجنن
_الله يحفضها ان شاء الله بس انه اي بنت اتكفل بيها اعدها مثل خواتي و احلف ما اباوع عليها بنضره مو زينه
_فنك تباوع غير اعميلك عيونك انه اخطبلك وحده بيهم اذا متريد ديالا رحمه هم حلوه هااا نتوكل
_يمه شبيج جاي اگلج مثل خواتي
_يعني شلون افرح بيك هسه و انت هيج معقد السالفه
يا يوم زين انت مشايفلك وحده منا منا معاجبتك
_لو اشوف اگلج گبل لا تفكرين بالسالفه هاي بعد وكت خل اعيش شبابي شطالبتني و تريدين تزوجيني من وكت
_ابقى ابقى نشوف مني تقبل بيك بعد كم سنه..

"" "" "" "" "" "" "" "" "" "" "" "
ميس (ميسان)

طلعت من البيت علمود اتسوگ و اجيب كم شغله للبيت

و اني بنص السوگ شفت ناس ملتمين و اصوات عاليه
مبين صاير عركه فضولي خلاني اتقرب و اشوف شصاير