ربيع الفؤاد (متوقفه)

البارت ١٤

البارت 14
༺༺༻༻
قراءه مُمتعه  💚

لا تبخلون عليه بتفاعلكم الجميل لان يسعدني💚

༺༺༺༺༺༺༻༻༻༻༻༻
لسه جرحك بگلبي ولا طاب
و بعدك بشر بگلبي ولا طاب 
مُميز غدرك ترك عطاب
حرگ گلبي و عقلي سويه

                           بقلمي غزه 💚
༺༺༺༺༺༺༻༻༻༻༻༻

ديالا...

رحنا اني و رحمه ويا ايوب علمود يسجلنا بالجامعه
بالبدايه اخذ رحمه و سجلها و لمن اجه دوري
فات وحده يحجي ويا فد واحد
رحت يم الباب و عرفت يريد يسجلني كُليه اهلي و على حسابه
انقهرت حيلللل شلون مفكرت كل هل ايام معدلي ميجيب قانون حكومي

رحت وگفت يم رحمه و هو اجه گال يالله تعالي
قويت نفسي و گتله
_ايوب ما اريد اداوم هل سنه

نزع نظاراته و گال
_وليش عيني
_ما اريد ممستعده اريد ارتاح
رحمه: انجبي ديالا انجبي الراحه مموجوده بقاموس حياتنا مو على اساس هيج
_رحمه ما اريد لا تلحين عليه
درت وجهي و عفتهم محچو شي
رجعنا للبيت ايوب وصلنا و راح اول مفتت للبيت رحمه ضربنتي بالماسحه

رحت ختلت ورا اشجان و هي دافعتلي
اشجان: اذا مراه تقربي عليها بالقران اكسر الماسحه على راسج
رحمه: اكول شو متستحين انتِ شهل تجاوز اكبر منج اني
_لا تظربين ديالا احترمج
_بالاول عرفي شمسويه بعدين دافعي عليها
چتفت ايدها و گالت شمسويه يعني
داجوبها و طلعت ميس من الحمام و گالت شبيكم
_الست ديالا مقبلت ايوب يسجلها بالجامعه تريد ترتاح الاميره ديانا
ميس: ليش يا عيني مو خطيه ايوب تبهذل بين ما كمل مستمسكاتكم
ديالا: والله مقدره هل شي و مقدره تعبه ويانا
و لو انطي روحي ما اجازي بس مال اخلي يسجلني كُليه على حسابه هاي واكفه ولكم قصدها يشيب الراس

بس گلت هيج رحمه شهكت و گالت
_عززززه خاف اني هم مسجلني على حسابه
_لا لان احنا فتنا ويا اثناء التسجيل مالتج
بس لمن راح يسجلني مخلانه نفوت بالبدايه و اني رحت ورا و سمعته يحجي ويا واحد و ينتفقون عل فلوس
خل هل سنه ما اقدم و اجمع فلوس سنة الجايه اقدم
اشجان: زين ليش متروحين غير اختصاص
_حبيت القانون و بنتيت عليه احلامي ما اريد اهدمها
صح راح اتأخر بتحقيقها بس اهم شي احققها
ميس: على راحتج
اشجان: عفيه عليج لا تعتمدين على احد

رحمه: بس هيج راح تضيعين سنه من عمرج
_اضيع سنه من عمري ولا اخلي ايوب يدفعلي كل سنه هيج مبلغ خلص اني قررت و ما اريد احد يناقشني

رحت للغرفه صح مقهوره لان مراح اداوم هل سنه
بس فرحانه لان عرفت بالموضوع قبل ما ايوب يدفع القصد...

اشجان....

اني اشجان لي دوم تخفي وجعها بگلبها
عايشه بتمرد ماخذه الدنيا بصوتي العالي
لان اعرف بس اسكت راح اتكفخ و يضيع حقي
اتعلمت انو ماكو سند للانسان غير نفسه
و اذا مجنا اقوياء راح نندثر
حتى بعد معشت ويا البنات معتمدت على ولا وحده بيهم
لكيت شغل بمحل ملابس نسائيه و اروح من الاربعه العصر للعشره بليل
على سيرة الشغل طلعت من البيت و رحت للشغل
و ظلو يجون النسوان يشترون و اني صافنه معقول راح يلبسون هل ملابس
شوي و اجت امنه اخت ايوب و شفت ايوب وگف برا ينتضرها سلمت عليها و ظلت تختار كم قطعه لان عرسها قرب
زين حبابه مو مثل ايوب وجه الچوب
ابد ما اطيقه كلما يجي اتعارك ويا و ميس ترزلني
يمكن موكلها محاميه اله و ما ادري
اختارت كم ثوب مال نوم دور احتارت بين اثنين و سألتني
امنه: اشجان ياهو اختار البصلي لو الرصاصي
_اني بدالج ما اختارهم هم الاثنين شلون تلبسين هل ملابس
_ههههههه لعد شلون نقشمر عل زلم غير بيهم
_ما اعرف بهل سواف اثنينهم فضيحه
_زين ياهو مفضوح اكثر
_البصلي كل فتحه بكبر راسي
_خلي ويا الغراض لعد
هزيت ايدي و گلت
_هلو هلو طلعتي شاخطه
حطيتلها الغراض دفعت لحسابو و اخذتهم
مر الوقت و رجعت للبيت شفت ايوب گاعد يشرب چاي هزيت ايدي و فتت للغرفه ميركد بيتهم اربعه و عشرين ساعه هناا