ربيع الفؤاد (متوقفه)

البارت ١٣

البارت ١٣
༺༻༻
قراءه مُمتعه 💚

ما خافت عمري بيوم بس خفت هسه
من امس ادور عليك وينك ليهسه

                        بقلمي غزه 💚

༺༺༻༻༺༺༻༻

جوري...

بظرف دقايق تغيرت كل حياتي مثل ميتغير الماي بعد منظيف الچاي اله

طلعت من مكتب بابا و صعدت فوگ احس بالگوه شايله نفسي فتحت الشباك و باوعت على بيتهم گلبي انعصر

معقول لي ديصير بعد ما تعبنا لحتى ننجمع نفترق هيج ليش يا الله ليش؟

سديت الشباك و تمددت على لسرير ظليت افكر شلون راح اواجهه و شنو راح تكون ردت فعله

تفكيري اخذني للأصعب شلون راح اعيش بدونه شلوون

ظليت سهرانه و ابجي شوگ عليه من هسه
محسيت بالوكت رفعت راسي شفت الشمس طالعه
و صوت العصافير يزقزق
نهضت من لسرير بتعب و رحت سبحت
طلعت من الحمام شفت ابويه گاعد عل قنفه و ينتضرني
باوع عليه و گال

ابو سمير: جوري انه مربيتج و كبرتج حتى ابيعج
اجوي خطبوج مني شگد دوم ارفض و اريد لج لاحسن
ما اريد تتزوجين بهل طريقه صح الزلمه زين
بس ما اگدر انه ربيتج عل غالي ما اريد اضحي بيج
جوري: ما عدنا حل ثاني بابا انتَ مو گلت خوش زلمه بعد على شنو خايف هاذ نصيبي و هاذ لي الله كتبه الي
بلغهم بالموافقه

باوع عليه بحزن و گال بصوت مهضوم
_اذا تزوجتو راح تروحين لدبي تعيشون هناك

جريت حسره و گلت
_الله كريم

طلع من الغرفه و مشطت شعري و ظليت گاعده شوي
و وصلتني رسائل من فؤاد فتحتهم و ايدي ترجف جان كاتب

_جوري حبيبي وينج ترا صار اليوم الثالث ما اتحمل بعد
اليوم راح احچي ويا ابوج و ننتفق على كل شي ان شاء الله

غلقت الموبايل و خليت ايدي على وجهي و ظليت ابجي بخنگه شلون ياربي شلون اعوفه
اجتي امي مسحت دموعي بسرعه بس هيه انتبهت گعدت گبالي و گالت
ام سمير: ابوج گال وافقتي على مالك

هزيت راسي بالموافقه و دنگت رفعت راسها بأيدي
  باوعت بعيوني و گالت

قبل ثلاثين سنه جنت شابه عُمري ١٨ چنت سابيه شباب المنطقه بجمالي
ابتسمت بحسره و گالت چنت اشبه مريم فخر الدين
كل شباب المنطقه و اصدقاء خوالج و جدج طلبو ايدي للزواج بس ابويه چان مينطيني
مثل ما ابوج انتِ مقبل ينطيج لاي واحد
لمن جان ابويه يرفض الخطابين اكيف تعرفين ليش
لان چنت احب ابوچ
ابوچ چان شاب جنتله و اله هيبته و كل بنات المنطقه ذايبات بي و انه وحده منهم بس غروي و كبريائي مچان يسمحلي ابين حُبي اله
و هو چان لمن يمشي يهز الگاع هز بهيبته و بثگله
رُغم اني هم چنت حلوه بس ابوج محبني و لا چان يباوع عليه و لا يفكر بيه لان چان يحب وحده تعرفين منو