"ខ្ញុំមករក Yeonjun!!" Beomgyu និយាយទៅកាន់អ្នកនាងគីមដែលត្រូវជាលេខារបស់រាងក្រាស់។
"ជួបនៅពេលនេះមិនបានទេ ដោយសារលោកប្រធានកំពុងជាប់រវល់" នាងព្យាយាមក្នុងការបកស្រាយប្រាប់Beomgyuក៏ប៉ុន្តែគេមិនខ្ចីខ្វល់ព្រោះកំពុងក្ដៅចិត្ត។
"ទៅប្រាប់គេទៅថាខ្ញុំមានរឿងសំខាន់ដែលចង់និយាយជាមួយគេ!" ទឹកមុខរបស់ Beomgyu ប្រែក្លាយជាស្មេីដែលធ្វេីឲ្យលេខាគីមមានអារម្មណ៍ចម្លែកចិត្តព្រោះរាល់ដង Beomgyu តែងតែស្រស់ស្រាយជានិច្ច។
"ក៏ប៉ុន្តែ លោកប្រធានកំពុងជាប់ប្រជុំ!"
"បេីអ្នកនាងមិនទៅទេ ខ្ញុំនឹងសម្រុកចូលហេីយ!" គេសង្កត់សម្លេងដែលបញ្ជាក់ថាពាក្យគ្រប់ម៉ាត់ដែលគេនិយាយគឺជាការពិត។
ដោយគ្មានជម្រេីសលេខាគីមក៏យល់ព្រមទៅប្រាប់ Yeonjunតាមសម្រួលពីព្រោះមិនចង់ឲ្យ Beomgyuបង្ករឿងរញ៉េរញ៉ៃ។
"លោកប្រធាន! អ្នកប្រុស Beomgyu មានការសំខាន់ដែលចង់និយាយជាមួយ!" លេខាគីមខ្សឹបប្រាប់ Yeonjun ដែលកំពុងស្ដាប់ការធ្វេីបទបង្ហាញក្នុងអង្គប្រជុំ។
"ទៅប្រាប់គេវិញទៅថាខ្ញុំកំពុងជាប់រវល់!"
"ខ្ញុំបានប្រាប់គាត់រួចហេីយប៉ុន្តែគាត់មិនព្រមស្ដាប់នោះទេ! ប្រហែលគាត់មានការបន្ទាន់អ្វីមួយហេីយព្រោះគាត់ថាបេីខ្ញុំមិនមកប្រាប់លោកប្រធានទេគាត់នឹងសម្រុកចូលមករកលោកប្រធានតែម្ដង!"
"តេីជារឿងសំខាន់ប៉ុណ្ណាទៅ?!" Yeonjun និយាយក្នុងចិត្ត បន្ទាប់មកគេក៏ផ្អាកការប្រជុំដេីម្បីចេញទៅជួប Beomgyu ។
"មានរឿងអី?" ប្រយោគសោះកក្រោះបានបន្លឺឡេីងដែលបណ្ដាលឲ្យ Beomgyu ងាកមុខទៅរកម្ចាស់សម្លេង។
"បងកំពុងជាប់រវល់ តេីអូនមករកបងធ្វេីអី?"
"មានរឿងដែលចង់និយាយជាមួយ!"
"តេីវាសំខាន់ខ្លាំងប៉ុណ្ណាទៅ? បងមានអារម្មណ៍ថាអូនចាប់ផ្តើមរំខានបងទៀតហេីយ!!" Yeonjun ខឹងបន្តិចព្រោះ Beomgyu មកបង្អាក់ការប្រជុំរបស់គេ។
"រំខាន??" Beomgyu ផ្ទួនពាក្យ ហើយញញឹមហួសចិត្តព្រោះក្នុងក្រសែភ្នែករបស់ Yeonjun គេគ្រាន់ជាមនុស្សម្នាក់ដែលចូលចិត្តរំខានតែប៉ុណ្ណោះ។
DU LIEST GERADE
សុំទោស មនុស្សរំខាន!! (ចប់)
Fanfictionនៅពេលដែលមិនមានវត្តមានរបស់គេទេីបខ្ញុំដឹងថាគេមានសារៈសំខាន់ប៉ុណ្ណាសម្រាប់ខ្ញុំ ។ ពេលនេះមនុស្សរំខានម្នាក់នោះ គេលែងខ្វល់ខ្វាយពីខ្ញុំទៀតហេីយ...! ខ្ញុំពិតជាសោកស្តាយណាស់ចំពោះទង្វេីដែលខ្ញុំបានធ្វេីទៅលេីគេកន្លងមក ហើយពាក្យដែលខ្ញុំចង់និយាយប្រាប់គេបំផុតនោះគឺ "សុ...