طلال : معليك منه من تعيسه الحظ الي بتاخذها؟
باسل : باخذ وحده من خوات فهد
شرق فهد و قام رائد يطبطب على ظهره : مالقيت الا خواتي
باسل : انت مشاء الله رجال و كفو واكيد خواتك سنعات
فهد : ماعندي الا اختين وحده اكبر مني متوظفه و وحده توها بتسجل في الجامعه
باسل : باخذ الي توها في الجامعه
فهد بصدمه : الا رغود محد بيتزوجها
باسل : اما هي رغد الي كل ما شافتني حذفتني بالحصيان
فهد : هي بشحمها ولحمها
باسل : عادي اهم شي هي مزه
فهد : اي صح حتى اختك نجود مزززههه
باسل بصدمه : وي وي الا اختي الي ماهي اختي اصلا
فهد : عشان تعرف ما تفتح موضوع فيه خواتي
باسل : طيب دورو لي عروس
رائد : امهاتك حنا؟
باسل : قولو لخواتكم او امهاتكم
وبغصه : ماعندي احد
بدر : ابشر اطلع لك وحده من تحت الارض
فهد : بسأل رغد ولا نوره
باسل : ونعم فيكم من اخوياء
فهد : وين مبارك ومحمد؟
بدر : نايمين عيو يقومون
فهد : طيب بس عندي مشكله ابيكم تساعدوني فيها
بدر وهو يعدل جلسته : ابشر وش طلبت؟
فهد : انا قلت لكم ان رغد بتسجل في الجامعه صح؟
طلال : اي
فهد : مشكلتي هي ان خوالي و عماني بيرفضون انها تدخله لو تموت وحتى لو دخلت باقيه البنات ماراح يدخلون واحس كسرو خاطري
رائد : عدد لنا من الي ماراح يوافقون يدخلون بناتهم وخواتهم الجامعه
فهد : عمي ابو سالم و عمتي ام معيض وخالتي ام حصه وخالي ابو جاسم وولده جاسم وابو نايف وموضي وعاد شيبان الديره كلهم
باسل : كثير مره
فهد : انا اختي رغد ما عندي مشكله بدخلها الجامعه غصب ورا خشمهم كلهم اما الباقيه عاد مدري
رائد : شوف وانا اخوك
فهد : سم
رائد : سم الله عدوك مين افضل ولد عند عمك عصام؟
فهد : عبدالله
رائد : علاقتك مع عبدالله زينه ولا؟
فهد : لا والله زينه بس ما عنده خوات وعمي بيرفض رغد تدخل
رائد : اجل كلمه وحاول تخليه يقنع عمك لصالحه يعني مثلا المكافئه الجامعه حقت رغد بتعطيه له وكذا
فهد : والباقي؟
رائد : عمتك ديم تحب ولدها معيض صح؟
فهد : ما تحبه تعشقه
رائد : تحب من هي
فهد : رنيم وسحاب
رائد : اجل حط مسأله الجامعه في رنيم و عبير وبتقتنع
وخالتك ام حصه سو نفس الشي مع البنت الي تحبها وبتوافق
فهد : بس خالي فرج و ولده جاسم مصيبه
رائد : هاذول خلهم بعدين
اما ابو سامر كلم نايف و مؤيد واكيد نايف بيوافق وان ما وافق ما بكون انا رائد وخالتك موضي اذا دخلت رغد اكيد بتدخل كل البنات عشان يقهرونها او يستفزونها اما شيبان الديره خلهم علي
فهد : والله ما قصرت
رائد : الواجب وانا اخوك
محمد و مبارك وهم طالعين من الغرفه : وش السالفه؟
بدر : بدري بدري
محمد وهو يحك عيونه : وش عاد
باسل : نتناقش في امور عائليه
مبارك : وحنا برا العايله اجل؟
طلال : مالنا شغل انتم من الصبح نايمين
جلس مبارك قدام باسل وبترجي : اسفين اسفين بس وش السالفه؟
باسل : ابي اتزوج وبس
نزل محمد عمامته وقطها على باسل : مباركه على طريقه حمودي
باسل : جعلك الحصبه
بدر : ورع استغفر
باسل : ابشر
مبارك : من بتخطب؟
باسل : مدري العيال بيدورون لي
محمد لفهد : الظاهر انك انت الي بتخطب له
فهد بمزح : اي بدور له وحده مزيونه
مبارك برفعه حاجب : شكله ماسك عليك شي
فهد : اي والله بغا يخطب اختي
محمد وهو يقمز قدام فهد : اجل بخطبها انا!!
لف فهد للمركا و حذفه عليه : انا ما خليت باسل عشان اخليك انت
رائد : ياويلك يا محمد ترا قبل شوي بغا يكسر راس باسل
محمد بصدمه : وه وه كل ذا عشان اخته؟
باسل : تذكر رغد الصغيره الي كانت تحذف علي الحصيان
محمد بتفكير : ايييييهه ذيك المزيونه يالبيه
فهد : وجع ترا اخوها قدامكم
محمد : بس صراحه مزيونه
فهد : الله يلعن بليسكم
YOU ARE READING
" كيف ما احبك وانتي كل ما تشوفه عيوني "
Short Storyالسلام عليكم انا الكاتبه رعد آل فيصل شخصياً وهذا حسابي انستا : Xilm1_3i جيتكم بأول روايه لي " كيف ما احبك وانتي كل ما تشوفه عيوني " للبطلين سعد & رغد واتمنى تنال اعجابكم والروايه موجوده في حسابي الانستا اذا ودكم تقرأونه هناك وعالعموم ما...
