" كيف ما احبك وانتي كل ما تشوفه عيوني "

26

حاول يستوعب صدمته ورفع نظره لالهنوف الي مستغربه حاله : سعد علامك؟ ، غطى سعد عيونه وفركها : نادي رغد بس نست شباصتها ، مشت الهنوف من عنده وراحت لرغد الي تاكل من توزيعات العرس : لا ياخبله ذي للعرس بلعتيها يا حماره ، رغد اخذت ورق عنب واكلته : حره على كبدك يا هنّوف ، تنهدت الهنوف وهي تشيل التوزيعات وتحطها عند حصه : خليها عندتس رغد بلعتها ، ضحكت رغد بأنتصار ولفت للهنوف تربت على كتفها : يابنت الحلال عوافي كنهم بياكلون مغير بيتراقصن والاكل لا ، الهنوف ضربت راسها : روحي سعد يبيتس نسيت وش يبي منتس ، استغربت رغد وطلعت لسعد الي جالس ويمسح على وجهه ، رغد : وي شفيك؟ ، سعد طالع لها بحده : يا كذابه طلعتي رغد مو ليان حسبي الله عليتس ، ضحكت رغد وهي تجلس قدامه : والله جت في بالي اسوي فيك مقلب انا وليان عشانك كنت ملخبط بيننا فقلت انا ليان وهي رغد بس والله ما توقعت انك بتصدق وبتقول اني ليان طول الوقت ، سعد مد لها الشباصه وهو يقوم : لاعاد تعيدينا مسحتي مخي ، تعالت ضحكات رغد وهي تاخذ من الشباصه وتلبسها : ياربي ، سعد ابتسم من شافها تضحك وطلع للرجال وهو يجلس جنب عبيد ، عبيد استغرب ابتسامته : يهب علامك؟ ، سعد حط يده ورا راسه واتكأ على المركا وهو مغمض عينه : تخيل بس الي احبها طلعت مو ليان ، عبيد كتم ضحكته وتضاهر الجمود قدامه : من هي؟ ، سعد ناظر قدامه وهو يشوف طيفها وهي تضحك وابتسم ابتسامه واسعه متجاهل سؤال عبيد ، عبيد ضرب راسه بخفه وهو يقوم : قم يا رجال الحب عماك ، ما رد سعد وتنهد عبيد : اقول قم صدق المعازيم جو مشينا نرحب فيهم ، سعد : ياخي تبيني ارحب بقبيله كامله؟ ولي مت قبل يخلصون ، عبيد سحبه من ذراعه : بعيد الشر امش عاد سمجتها ، سعد وهو ناوي على عبيد بالمره : الحب اتعبني ما اقدر اقوم بسببه ، عبيد تركه ومشى وهو يضحك : اقول انقلع انت والي تحبها يا روميو بس ، ضحك سعد هو الثاني وقام يلحقه يرحب بالمعازيم : امزح لا تشدها ، عبيد : روح اللحق مشاري و ناصر و عبد القادر بيبدون العرضه الاولى تراك معهم ، ركض سعد لهم و اخذ السيف من حمزه وتوجهه لمشاري : هلا والله بالذيب ، مشاري : نو انا ارنب ، سعد : اخس اخس بس يا الارنب ذي علومك وين علوم الرجاجيل يالخكري؟ ، مشاري : بشر يا روميو بس ، ضحك سعد وتذكر رغد : عرفت من هي ، مشاري بصدمه : وجع كنت امزح منجدك تحب؟؟؟ ، سعد شد على يد مشاري : اص يالفضيحه تخيل لو احد سمعنا والله لا يخلوني اضحيه عيد الاضحى ، ناصر مشى جنبهم : عادي يابن الحلال انا احب وحده واعشقها عوافي ، ضحك مشاري : فقدت الامل فيكم يارب ، سعد : اقول انطم ياحبيب ميس.. ، سد مشاري فم سعد بحده : اص عاد

'

عبد الحمن توجهه لهم يعلمهم ان العرضه بتبدأ الحين ، سعد بهمس : هي ورع ميسم تحبك بعد ؟ ولا تو ترا لك مده كبيره ما اعترفت ، مشاري : اقول يا شيخ مبارك انت اعترف للي تحبها اول بعدين تعال كلمني ، عدل سعد وقفته يستعد للعرضه وشوي وبدت سعد ضحك يشوف الكاميرا عليه هو ومشاري ومسك يد مشاري ويمشى لقدام بسيفه ويرجع ورا لمشاري الي سوا نفس حركه سعد ورجع له يكمل العرضه مع باقي الرجال