همس حسين لمشاري : وش دراك عنه؟
مشاري سكت وناظر للعيال وهمس لحسين : بعلمك بعدين اجلس بس
جلس حسين و كملو العيال سوالفهم
عند البنات
عفاف حطت راسها على رجل حصه : طفشانه
مسحت حصه على راسها وجلست تسولف مع البنات
رغد لفت للدريشه ( شباك ) : بنات شاريكم نطلع برا نتمشى الجو يفتح النفس بس بروح اخذ العود من العيال و اجي
الهنوف : لا تنسين تنزلين العبايه
ما ردت رغد و راحت للعيال ودخلت المجلس ولفت للعيال وشافت العود بيد سعد وتوجهت له : سعد عادي تعطيني العود؟
تصنم سعد مكانه ونطق : ليه؟
ناظر شكلها بالفستان البنفسجي وغض بصره عنها ومد العود لها : اذا خلصتو منه عطوه الهنوف
ابتسمت رغد بفرحهه وطلعت من المجلس وسيده للبنات
سالم لف لسعد بتعجب : اوف تعرف ذي المزه؟ ، قام من من مكانه وراح لسعد : تكفى اطلبك سنابها الله يخليك
رفع سعد حاجبه : احتشم ياولد ترضى ذا على خواتك؟؟
نزل سالم راسه : محشوم بس ماعندي خوات ومزه ياخي شسوي
مشى سعد وطلع برا
شافته الهنوف وركضت له : سعد سعد
لف سعد لها : لبيه؟
الهنوف بترجي : عادي تعطينا مفتاح سيارتك
عقد سعد حواجبه : وليه؟
الهنوف مسكت يده : تكفى مشاعل بتسوق فينا وقمرا بتقولنا قصايد بالعود حقك وحنا بنجلس بالصندوق تكفى!!
حط سعد يده اليمنى على وجهه وفرك عيونه و يده الثانيه بجيبه يطلع المفتاح : هاتس وياويلتس لو صار لها شي
الهنوف بشكر : معليك
راحت الهنوف للبنات : اجهزو جبت المفتاح
مشو البنات الي معها حلويات واكل وعصيرات والي معها اللعاب والي معها جوالات البنات والي معها الزوليه والي معها سماعه ورغد تشرف عليهم : عفاف افرشي الزوليه بالصندوق وميرال الاكل حطيه بالغماره الي ورا ونوال اخذي العصاير و الماء حطي جزء في الغماره وجزء عندنا والجوالات كل وحده تاخذ جوالها وساره السماعه حطيها بالصندوق اذا احتجناها تكون عندنا ، تنهدت بتعب وركبو السياره ، مشاعل تسوق وجنبها حصه والغماره الي ورا فيها نوال و العنود وعفاف
و ميرال و ساره و الهنوف و البندري وليان بالصندوق و رغد راكبه فوق التنده ( سقف السياره ) : حركو حركو يالله
مشت مشاعل بالسياره و تفحط فيهم وحصه تصيح عليها لا ينقلبون والهنوف وميرال يصورون ويحطون ستوري
رغد بصوت عالي : عطوني العود بسرعه
مدت ليان العود لرغد و مشاعل مشت قريب من مجلس العيال ورغد تدق بالعود ووقفتها البندري : لحظه خلنا اول شي نشغل اغاني نرقص وبعدين قولي قصايدك
ليان : شغلي هاذاك الي يقول الله خلق لي نفس تسمو على البوح
شغلت البندري البلوتوث وشغلتها :
الله خلق لي نفس تسمو على البوح
ماهيب لي ضاقت من الهم باحت
على كثر ما شفت ضيقات و جروح
لا الوجهه تغير ولا العين صاحت
'
عند العيال
استغربو من اصوات البنات و الاغاني و طلعو برا شافوهم راكبين الددسن ويفحطون فيها ضحك فراج عليهم وصارخ ينزلون : انزلو...بس وقفو
YOU ARE READING
" كيف ما احبك وانتي كل ما تشوفه عيوني "
Short Storyالسلام عليكم انا الكاتبه رعد آل فيصل شخصياً وهذا حسابي انستا : Xilm1_3i جيتكم بأول روايه لي " كيف ما احبك وانتي كل ما تشوفه عيوني " للبطلين سعد & رغد واتمنى تنال اعجابكم والروايه موجوده في حسابي الانستا اذا ودكم تقرأونه هناك وعالعموم ما...
