بما اني صرت اسحب على الواتباد فحبيت اصرح اني راح انزل هنا بدري على عكس الانستا ممكن يطول واعذروني اني تأخرت في التنزيل🖤
ضحكت رغد وارسلت الفويس لمعيض ،
حطت الجوال وطالعت فيهم : تصدقون اللعبه سامجه بس لعبت عشان اسلك لكم ،
هزت ساره بأي : صح بس وش رايكم نروح للعيال يلعبون معنا ، ترددو البنات ونطقت ميرال : مدري
مشاعل لفت على رغد : انتي وش رايك؟
رغد بدون ما ترفع نظرها لهم : لا
وقفت ساره قدامها بترجي : خالي عبيد هناك
رغد لعبت بيدها ونطقت : طيب بس بشرط حجابكم يكون معدل زين مو شعر طالع وشعر داخل
هزو البنات بالموافقه وقامو متوجهين لمجلس العيال ، لمحت رغد عبيد ودخلت بعد ما دخلو البنات وهي اخر وحده ،
ساره ابتسمت تشوف استغراب العيال : لا تستغربون ترا طفشانين حنا سبعه وطفشانات ،
ابتسم عبيد من شاف رغد : هلا هلا بحبيبه خالها تعالي اجلسي جنبي واسحبي عليهم
جلست رغد يمينه وباست راسه : من زمان ما سولفنا قشونا هالورعان ،
ضحك عبيد وضمها من جنب : يا زينك ويا زين سوالفك ، ثواني ودخل سعد ومعه ثلاث كراتين دونات وعصير واكواب ،
لمح رغد وارتسمت على ثغره ابتسامه حب : هلا هلا بخالي ،
حط الاغراض على جنب وباس راسه ،
عبيد سحب سعد ليساره واجلسه : انثبر وخلهم يبلعون انت ورغود خلكم جنبي ،
حطت راسها على كتفه وغمضت عينها : ما نويت تعرس؟ ،
لف عليها بضحكه : دوري لي وحده مزيونه
رفعت راسها ولفت عليه : صرت خطابه بس ابشر ادور لك ، سعد صد عنهم بزعل : افا سحبتو علي ،
عبيد ضرب جبين سعد : تخسي اسحب عليك امش انت ورغوده نتمشى ، طالع في العيال والبنات وهم ياكلون : خل ذولي المشافيح ،
طلعو برا وعبيد يسولف ورغد مركزه معه وسعد عينه على رغد ،
رغد لمحت الاسطبل ومسكت يد عبيد : تكفى نروح لهم اشتقت ،
ضحك عبيد : اي اصلا كنت ابي اوديكم هناك عندي مفاجئه لكم ، توجهو للأسطبل ورغد ركضت اول ما شافت الخيل الاسود الي ركبت عليه او ماجت
مسكته تطلعه والابتسامه ما فارقت ثغرها : الله يجنن ، حست بيد تمسك خصرها وترفعها للخيل ،
ما علقت على الموضوع وتمسكت بالخيل بدون ما تشوف من الي رفعها ، انتبهت رغد لسعد الي مد لها الخوذه : لا تدرجمين علينا
عبيد ابتسم بخفه وهو يشوف سعد يرفع رغد للخيل ويمد لها الخوذه ،
توجهه عبيد لسعد وهمس : عرفت من هي حبك؟
سعد طالع برغد الي تحاول تخلي الخيل يمشي : هي قدامي الحين ،
'
ضرب عبيد كتف سعد بقوه وضحك : الله الله يا العاشق الولهان ،
التفتت لهم بزعل : خير ما يتحرك قد ركبته وتحرك ليه الحين ما تحرك؟! ، ت
وجه قدام الخيل ومسح راسه : معليك امش ،
تحرك الخيل ببطء الين ضمت رغد راسه : يا مدري وش اسمك امش يلاا ، سعد : اسمه آدهم ،
نزلت رغد السرج والخوذه ورمتهم : ما ابيهم ،
توجه سعد اخذ السرج ورفع راسه لها : انتبهي على آدهم ،
رغد مشت فيه شوي ووقفت : لحظه تعرفه انت؟
سعد هز بأي وهو يرجع السرج لمحله : ذا اصلا خيلي
كمل وهو يتقدم لخيل ثاني : تسابقيني؟ ،
هزت رغد بأي ونزلت من الخيل : لحظه بس ، دخلت غرفه الملابس تطلع لها اي لبس عشان فستانها بيضايقها ، لبست بلوزه وكانت شبه مكشوفه من ورا لأن ماكان فيه غيرها وبنطلون ابيض ،
نادت على عبيد وتقدم لها : لبيه
رغد طالعت ببشته على الكرسي ( هو سافر ورجع عشان كذا ماكان له حس في البارتات الي فاتت والجد فهيد سوا حفله ولبسه البشت ) : عطني بشتك وعمامتك ،
راح عبيد اخذهم ومده لها : ليه؟ ،
قفلت رغد الباب ولبستهم بحيث ان حجابها بيطير فلبست عمامه عبيد وبشته بحيث ما يبان الفتحه الي في ضهرها ،
طلعت برا الغرفه بعد ما عدلته اللثمه وبانت عيونها فقط ،
توجه عبيد لها ومسح على راس العمامه : ودلبسسس ،
ضحكت رغد وشافت السرج على آدهم : ما ابي السرج؟ ،
عبيد : لا تبينه ما ابيك تطيحين ، هزت رغد بالموفقه وركبت الخيل ،
تقدمت رغد جنب سعد الي ضحك من شكلها : جايه تحررين الاندلس ، ناظرت رغد فيه بحده وكتم ضحكته ،
عبيد : الي يوصل للأستراحه اول ويرجع هو الفايز ،
كانت رغد بتتكلم بس قاطعها اصوات البنات والعيال ، تقدمو البنات لها بصدمه ونطقت نوال : يمهه وش مسويه بنفسك ،
نزلت رغد البشت من ورا شوي بحيث البنات يشوفونها ، فهمو البنات عليها وبدو يشجعونها : بتفوزين عليه اكيدد ،
مشاري توجه لسعد وضرب كفه : يلا لا تفوز عليك
رغد جلست على جنب وناظرتهم : وانتم وش جابكم؟ ،
اشرت مشاعل على عبيد : دق علينا يقول تعالو ،
ماردت رغد واشرت لعبيد يبدأ : واحد اثنين ،
رفع عبيد السلاح فوق وطلق : ثلاثه ، ركضت رغد بآدهم وسعد بخيل عبيد ، تقدم سعد على رغد والعيال يصارخون بأسمه والبنات بأسم رغد ، خففت رغد سرعتها واتجهت لطريقه ثاني ، استغرب سعد تغيير اتجاهها وثواني رغد صارت قدمه بمسافه شبه قصيره ، صارخو البنات بفرحهه يوم سبقته ،
حست رغد بأن العمامه بتنفك مع ذلك تجاهلتها وابتسمت ابتسامه جانبيه وهي تشوف الاستراحه قدامها وعبيد معه العيال ويلحقهم بالسياره ، تقدم سعد لجنب رغد وابتسم : حريفه ، تقدمت رغد بتجاهل بعد ما تقدمها هو بشوي ، بدأت العمامه تنفك ورغد ماسكه الحبل بيد
YOU ARE READING
" كيف ما احبك وانتي كل ما تشوفه عيوني "
短篇故事السلام عليكم انا الكاتبه رعد آل فيصل شخصياً وهذا حسابي انستا : Xilm1_3i جيتكم بأول روايه لي " كيف ما احبك وانتي كل ما تشوفه عيوني " للبطلين سعد & رغد واتمنى تنال اعجابكم والروايه موجوده في حسابي الانستا اذا ودكم تقرأونه هناك وعالعموم ما...
