" كيف ما احبك وانتي كل ما تشوفه عيوني "

10

كملت : الباذنجان و الكوسه و بروكلي و القرنبيط و الجرجير و الخس شوي والفجل و الخوخ و الشمندر اكله عشان طعمه طعم تراب و الكريمه حقت الكيك و التطلي والشقلاطه البيضاء و عجينه السكر و اليقطين و الاوريو
قاطعت مشاعل ليان : وي وي ذول كلهم!!!
ليان هزت راسها بلا : لا لا باقي كثير
نوال بصدمه : وش تاكلين عاد
ليان رفعت كتوفها بعدم معرفه : مدري
الهنوف اشرت على رغد وضحكت : انتي مانتس مثل رغد تاكل الاخضر و اليابس
رغد رفعت حاجبها بأستغراب : صح بس ما احب الطماط و القرع و عجينه السكر و الكريمه و الزبادي مع الرز بس
ميرال بأستغراب : كيف ما تحبون الطماط
رغد : مدري احس لا مو حلو
حصه : عفاف مثلكم ما تاكله

لفو كلهم على عفاف الشارده عنهم

الهنوف : هلو عفافو شفيتس
عفاف بروعه : هلا وش ؟
رغد : شفيك فاهيه
عفاف : مدري بس احس اني ابي اتزوج
ليان : كم عمرك؟
عفاف : بدخل 22 بعد شهر
رغد برفض : احس توك صغيره يعني اذا وصلتي 24 تزوجي
عفاف : لا من 21 وفوق بيجيني الخطاب بس احس محد بيعطيني وجه و بيقبل فيني
وكملت : وانا ابي شخص ينقذني من تفكير الاشخاص ذول المتخلفه
مسكت الهنوف خدود عفاف : مين الكلب الي ما يبيتس انتي كل عيال الدنيا يبونتس
رغد : ادور لك عريس من الحين لعيونك وبتصل على فهود يدورلك واحد من اخوياه
عفاف بتقليد لألهنوف : الحب افعال

'

عند الحريم في المغاسل
الهنوف بتأفف : ياختي ليش دايم في العزايم الترحيب و العزايم العاديه كون العشاء رصيص؟
ساره بتأييد : صح بس حتى ليه الرجال ياكلون العشاء قبل الحريم؟
حصه : اول شي بجاوب على سؤال الهنوف بعدين ساره
نوال : جاوبي عاد ذبحني الفضول
حصه : لأن الرصيص اكله شعبيه بيننا
ساره : وانا؟
حصه : انتي لأن حنا عندنا بعاداتنا وتقاليدنا الرجل اولى من المرأه
رغد بقرف : يع
ليان : لأن حنا اولى منكن يا حريم
ميرال : ايي نفس الي يقوله جاسم يع
ام فهيد : يا بناتي تعالو تعشو
البنات : ابشري
الهنوف : يارب افرجها علي و طلعني من ذي الجماعه الي ما تتسمى
البنات : آمين ويانا يا رب
رنيم من ورا باب الحمام ( عزكم الله ) : ترا الرجال اولى منكن صدز فلا تكابرون!!
ميرال : انتي خلصي وزقي بعدين تكلمي
راحو البنات وجلسو على صنيه العشاء
رغد لجدتها ام امها : كثر الله خيركم
الجده : جعله بالعافيه يا بنيتي
رغد : الله ياعفيتس
مشاعل لميرال : عطيني مرقه
رغد : حطي لي معتس
الهنوف : شفيتس تعودتي على لهجتنا
رغد وهي تحط اللقمه بفمها : ما ابي انجلد
ضحكت الهنوف وكملت تاكل
ميرال بتحسف : احس ابي اكل شي غير الرصيص كل يوم عزيمه و لازم ناكله ولا بنقعد طول اليوم جوعانات
اخذت الهنوف صحن الجريش وقعدت تاكل : سديتي نفسي الله ياخذتس
اخذت رغد لقمه من الجريش الي مع الهنوف
الهنوف وهي تطق يد رغد : وجع قدامتس ميه صحن ليه ما تاكلين منهم!
رغد وهي تبلع لقمتها : ما ابي اكلهم ميرال تحبه
ميرال : اخ حبيتس
كملت بتفكير : احس اني اهدا وحده فيكم
حصه : نعنبوتس تعشي وانطمي مغير تهرجين
نوال بطفش : ابي اجرب اكل بقره
عفاف : مايحتاج ساره موجوده
فزت ساره من سرحانها وناظرت عفاف بحقد : وجع ما لقيتي الا انا
حصه بصداع : الله ياخذكن اكلن جعلكن الدقاق
ساره :انتي ميرعلامتس مغتاضه مننا
حصه: عيب عليتس قعدت اجرب لهجه خالتي موضي
صدت رغد وليان وقامو من العشاء : كثر الله خيركم
حصه : الله يعافيكم شفيكم قمتو؟
ليان : بس شبعنا
قامو البنات معهم وهم مستغربين منهم
الهنوف لرغد : شفيتس يا القمرا قمتي؟
رغد : انسدت نفسي من طاري موضي
عفاف وهي تاخذ مناديل : ليه ؟
رغد : جايه تهدد ليان فيني اذا ما جيت الديره
حصه : لا اله الا الله علامها ذي ما تعقل
الهنوف : بتصك اللثلاثين وهي معوقه

'

رغد وهي تمسح يدها بالمناديل : تكفون وقفو طاريها جابتلي غثه
حصه : ما الومتس
رن جوال رغد والمتصل فهد
رغد : ها؟
فهد : تعالي برا عند مدخل المزرعه
رغد : ليه؟
فهد : اغراضك الي قلتي لي اجيبها معي
رغد : طيب
ليان : وش يبي؟
رغد : بس اغراض لي
طلعت رغد من الخيمه و قعدت تفرفر في المزرعه تدور المدخل
رغد بتفكير : وين المدخل ياربي
شافت باب كبير و توقعت انه المدخل
رغد : يارب انه هو ضعت
راحت له بدون عبايه على بالها ان محد بيجي الباب
لفت يمين و يسار تدور فهد بس ما لقته ودقت عليه
فهد : لبيه؟
رغد : وينك
فهد : في الطريق انتظري شوي بس
رغد : طيب عجّل
قفل فهد و جلست تغني

عند العيال
عبد القادر لسعد : سعد اطلع برا عان العامل حق المسبح برا
سعد : ليه؟
عبد القادر : امي تقول البنات يصيحون يبون المسبح
سعد : منهم
عبد القادر : مدري اعلم الغيب انا
مشاري : يحياه الشقاء
سعد وهو يرمي البلوت و يقوم : شنسوي فيهم عاد

طلع سعد وراح للمدخل ينتظر العامل بس لمح بنت لابسه فستان ابيض جالسه تغني
قرب منها يبي يعرف من هي بس لفت عليه
وشاف بنت في قمه الجمال تبتسم و اخذت قلبه من اول نظره
فز قلبه من شافها وغطا وجهه بعمامته من التوتر وهي نفس الشي من شافته غطت وجهها بفستانها ولفت عنه
سعد : وش مجلستس هنا؟
تنهدت : ممكن تروح ما معي شي اغطي فيه نفسي؟
سعد : من متى بناتنا يتغطون؟
- انا ماني من بناتكم
كانت بتكمل بس سكتت واكتفت انها تلف للمدخل
لف سعد و راح وهو قلبه معها يبي يعرف من هي..........