" كيف ما احبك وانتي كل ما تشوفه عيوني "

32

ابتسم بالقوه وهو يشوف يده على راس مشاري ' مشاري حط يد سعد على راسه ونطق : خلك معي حتى لو كنت بأصعب حالاتك ' ربت على راسه بخفه مع ان يده توجعه مع كل حركه ، انتبه سعد لوجه مشاري الي كان غرقان دموع واحمر من قوه الانهيار ونطق بصعوبه : لو دريت انك بتوصل لذي الحاله بسببي لكان حشرت نفسي في البيت وما طلعت ، قال اخر كلامه وضحك بخفه ورجع ينسدح وينام ، دخل الدكتور ومعه ام فهيد وشروق وفهيد والهنوف وشافو منظر مشاري وسعد ، مشاري حاط راسه على صدر سعد وسعد يده فوق راس مشاري ، جلست ام فهيد جنب سرير سعد وباست يده : الله يحفظك ويخليك لنا ، فتح سعد عيونه من جديد ورفع يد امه يبوسها : والله يحفظك ويخليك لي يا قرة عيني يا الغاليه ، شهقت ام فهيد وتبعها شهقه الشروق وتقدمو لسرير سعد ، فهيد ما تحمل منظره وكيف نطق مع ان حالته سيئه ، خرج من الغرفه وجلس على كراسي الانتظار ودموعه مو راضيه توقف ، حس بيد على كتفه ورفع راسه الا هي نفسها " بيسان " كانت تطالع فيه بشفقه : ليه تبكي ؟ ، مشاري مسح دموعه وقام دخل لغرفه سعد ، لحقته بيسان وطالعت لسعد والهنوف بصدمه : هاذا سعد اجل؟؟ ، رفع فهيد راسه بصدمه هو الثاني وقام لها : من وين تعرفين سعد؟ ومن انتي اصلاً ، بيسان بلعت ريقها واستحت تقول من رغد ونطقت : انا صديقه رغد و اعرف الهنوف واذا تسأل كيف عرفت سعد عرفته من الهنوف لأننا قد تقابلنا ، بلعت ريقها بتوتر : وانا بكون ممرضه سعد الى ان يتشافى وارجع مع رغد لسويسرا ، فهيد بهدوء : انتي من سويسرا وتوك جايه نجد كيف توضفتي بذي السرعه ، بيسان رفعت ملفها لفهيد : هاذا دوام جزئي سجلت اليوم عشان بطول هنا لأجل رغد و هاذا ملفي اذا كنت تشك بقدراتي ، اخذ فهيد الملف وبعدت بيسان عنه شوي بعد ما استوعبت انها قريبه منه ، طالع فهيد لسجلها بإعجاب كل شي ممتاز ومتفوق ومده لها : الحين تأكدت ، صد لسعد وهو يجلس جنب امه وماسك يدها ، استغربت بيسان ودخلت الغرفه ، اخذت الابره والقطن ولصقه وجت قدام يد سعد ، مسكت يده وسمت بالله وهي تتفحص مكان العضم والعروق ، دخلت الابره بهدوء وطلعتها بسرعه ، ام فهيد مدت لها القطن واللصقه وغطت مكان الابره ، ابتسمت ام فهيد وطالعت لبيسان : انتي الممرضه؟ ، هزت بيسان بأي : انا ممرضته مؤقتاً الى ان ارجع سويسرا ، ام فهيد : بنت اختي من سويسرا اسمها رغد تعرفينها ، ضحكت بيسان : اي اعرفها صديقتي رغد حسين آل فيصل انا جايه هنا عشانها ، خلص حوارهم وانتبهت بيسان لنظراته الي من يوم دخلت وعيونه عليها : تحتاج شي؟ ، هز فهيد بلا وهم بالخروج ، صحى مشاري على

'

صحى مشاري على اصواتهم وفز يتفقد سعد : قامم؟؟ ، مسك سعد يد مشاري وهز راسه بأي : اي قمت ليه اشوفك محمر؟ ، اتجهت كل الانظار لمشاري الي كشر بتجهم : حسافه الي ما ذاق النوم عشانك ، طلع من الغرفه وضحكات سعد تتعالى ، ابتسم مشاري وطلع جواله يدق على " غيث " : ها الخطه جاهزه؟ ، غيث : ابد الرهينه عندي ما تغير من 6 سنوات ما يبي الا اخته ملعان مريض ، مشاري : عواض الله بس انتبه له ، ابتسم غيث بشر : ابشر ، قفل مشاري المكالمه وتوجهه لبيت رغد ، طق الباب وفتح مسلط الباب : هلا شبغيت ، دخل مشاري بدون ما يرد وبدون اي مقدمات دخل على رغد الي كانو البنات معها وغطو نفسهم بالبطانيه ، قامت رغد له وطالعت بعيونه بحده : زواج انساه من راسك فاهم؟؟؟ ، شد مشاري على يده ورفع اصبع بوجهها : قسم بالله لو ما وافقتي على الزواج ان ليان تعيش عذاببب ، فزت ليان وطالعت فيه بصدمه : زواج وش وانا وش دخلني خيررر؟؟ ، مشاري : انتي اسكتي وبس ، قرب مشاري لأذن رغد وهمس : اذا تبين مصلحه ليان وافقي ، رغد : على اي اساس تهددني ؟ ، رفع مشاري جواله وعرض صوره لرغد : على اساس حياته ، شهقت رغد بصدمه ولفت لليان مو قادره تتكلم : حءءيي؟؟؟ ، هزت راسها بلا ونزلت راسها : كذاب ميت ماهو حي ميت ميت ميت ، مشاري ضحك بسخريه وهو بشوف انهيارها : مو مصدقه؟ راضي اوديك له بس بشرط تقبلين بسعد ولا نهايته على يدي راضي اللطخ يدي بدمه عشان سعد فأقبلي احسن لك ووليان وقسم بالله العضيم اني ارجعه لكم بس وافقي وبعد اول يوم زواج راح ارجعه لكم عشان ما يخرب العرس ، لفت رغد لليان والدمع متجمع بعيونها : ضحيتي عشاني كثير والحين راضيه اضحي بنفسي عشانك ، ليان ركضت لرغد وتهز فيها : منجدك انتي وش تتزوجين وبعد ليه بتوافقين؟؟!! ، رغد سكتت وهمست بصوت مبحوح : انا احب سعد بس مو راضيه اتزوج الحين ، ليان : ليه مشاري يجبرك؟؟ ، رغد : سعد بيطلع ومشاري يبي يخلي سعد يخطبني على اساس مفاجئه ، ما اقتنعت ليان لكلام رغد وطالعت لمشاري بقهر ، طلع مشاري والابتسامه شاقه وجه وقبل ما يروح صادف تالين عند الباب توها داخله ، ناظرت تالين فيه بقهر ودخلت للبنات : يع وش يبي ذا الغثيث وييعع؟؟ ، نوفان : كلمتي اسكتي بس ، لين : سدأني لو اعرف هأولك ، ليان سحبت رغد الشارده معقول نهايتها تتزوج سعد معقول بتنجبر تعيش معه تحت سقف واحد عشان ليان تنهدت وطالعت لليان الي تسولف ونطقت بداخلها : والله لو انه مو هو كان رفضت بس سعادتك اهم من سعادتي ، ابتسمت من شافت ليان تبتسم هي القانيه ونطقت : يفداك عمري وروحي وحياتي

'

ابتسمت من شافت ليان تبتسم هي القانيه ونطقت : يفداك عمري وروحي وحياتي ، ضحكت ليان وانسدحت على السرير تطالع فيها : المهرب الوحيد ، ضحكت رغد بخفه وطالعت لجوالها الي يرن بأسم سعد ، تنهدت رغد وقامت من عندهم لغرفه ثانيه : هلا سعد كيفك ان شاء الله بخير؟ ، سعد : اسمعي باقي كم يوم ويطلعوني من المستشفى فبجي وبخطبك؟ موافقه ولا لا؟ ، رغد : ليه؟ ، سعد بإحراج : صراحه من يوم ما شفتك في مزرعه جدي وانا ما نسيتك من بالي والحين ابي اتقدم لك على سنه الله ورسوله واطلب يدك من ابوك بدون لف ودوران والي خلاني اتردد اني اخطبك قبل هو اني ما كنت متأكد من مشاعرك لي لين قال لي مشاري انه كلمك وانك تحبيني بعد ، سكت من حس انها كاتمه ضحكتها : كلامي يضحك صح؟ ، رغد : ابد لا بس وربي ما توقعت ، قفل سعد مو عارف وش يقول ورجع ينسدح وهو يفكر فيها ، رجعت رغد ودورت لعيونها ليان : وينها ، ريان : تكلم الحب خليها ، ضحكت رغد وانسدحت تنام ،

عند ليان

ناصر : اسمعي بكلم امي واتقدم لك ، ليان : طيب خلها بعدين رغد بتنخطب وما ابي اتعكر انا وهي فخلها هي اول بعدين انا ، كملو سوالفهم عن الزواج وافكارهم له ،

عند مجلس ابو فهد دخل ابو بدر ومعه بدر للمجلس وجلسو قدام ابو فهد و فهد : هلا والله من نورنا اليوم ، ابو بدر : بنورك ، عدل ابو بدر جلسته ونطق : والله يا ابو فهد نبي نخطب بنتكم نوره لبدر ولدي وعاد اذا تبي تسأل اسأل الي تبي وتدري ان بدر ممتنع عن الزواج الين توضف واخذ منصب زين عشان ياخذ بنتك نوره ، ابتسم ابو فهد : والله شرف لنا وانا اخوك بس رأي البنت اهم ، ابو بدر : ادري بطول بس ابي اعرف عمر رغد بنتك ووش تدرس ممكن نخطبها لعزام بعد والله نبي القرب منكم ، فهد بضحكه : رغود عمرها 23 وخريجه كليه طب عشان كذا تأخرت عن الجامعه بس بتبدأها السنه ذي ان شاء الله ، ابو بدر : اجل زين بنحجزها من الحين لعزام ، ابتسم ابو فهد وهو يسلم عليه : اجل ابشر نشوف رأي نوره اول بعدين نقرر متى الملكه و الزواج ، راح ابو بدر وتوجهه حسين لنوره : نوري قلبي في واحد من اخوياء فهد تقدم لك وانتي ضني تعرفينه بدر موافقه ولا لا ، نوره تنهدت : بستخير وبعطيكم خبر ، هز ابو فهد راسه وطلع من الغرفه اما نوره دقت علة شروق : اسمعي بننتت انا انخطبت لواحد من اخوياء فهد بتزوج قبلك ، شروق بضحكه : حتى انا انخطبت لحمزه مسوي رومانسي ، نوره : اجل شرايك نخلي زواجنا مع بعض و الملكه بعد احس فله انزف انا وانتي وهم بالطقاق ، شروق : قداممم