" كيف ما احبك وانتي كل ما تشوفه عيوني "

45

قفل امير ودقت الهنوف من جديد واعطى الجوال لسعد : اختك ،
أخذ سعد الجوال ورفعه لأذنه : لبيه؟ ،
الهنوف : فاضي؟ اذا اي تعال ابيك ،
سعد : ليه في شي؟
الهنوف : اي
قفل سعد وقام : قل للعيال بروح واجي
امير : طيب رح انت
راح سعد وراح لسيارته وتوجه للبيت

وقف عند الباب وضرب بوري
طلعت له الهنوف وبيدها الشال تغطي فيه شعرها : نعم؟
سعد ضحك : داقه علي وتقولين نعم امشي اركبي نشوف وش عندك ،
ركبت الهنوف وشبكت يدها ببعض بتوتر : اءء الموضوع يخصك واخاف تزعل علي اذا قلته ،
التفت سعد لها بملامح هاديه : ايش
الهنوف طلعت جوالها : غءءغرور دقت علي اليوم قبل شوي تقريبا وما قالت شي لأني قفلت بوجهها ،
تنهد سعد ومد يده ياخذ الجوال : لا إله إلا الله ،
رفع الجوال للهنوف تأشر له على رقمها : ذا رقمها ،
سجل الرقم عنده ثم اتصل عليها بجوال الهنوف ،
ثواني وردت غرور : هلا ليه قفلتي يا اخت خطيبي ،
شد سعد على يده واشر للهنوف تتكلم : اءء ليه داقه علي؟
غرور : اممم اشتقت ل دودي ،
حس سعد بتوتر الهنوف وسوا نفسه يستفرغ وهمس لها : دوده تدخل ببطنها ان شاء الله ،
ضحكت الهنوف بصوت خفيف ونطقت : سعد ما يبيك ،
غرور بحده : الا يبيني واذا ما رجعتينا مع بعض راح تشوفين الويل يا .........
انصدم سعد وسحب الجوال : خير ان شاء الله؟؟؟
جايه تدقين وتسبين يا قليله الحياء
سكت بصدمه اكبر من نطقت بصوت مايع ودلع : آه دوديي اشتقت لككك ،
الهنوف لاحظت صدمه سعد وخافت تسوء حالته ، سحبت الجوال من يد سعد ونطقت بصراخ : سعد نساك ما درا عنك وحب غيرك فاهمه حبب غيركك ،
سكتت غرور بصدمه وبكت : خير من الي سرق قلب دودي انا الي سرقت قلبه مو هي!!! ،
قفلت الهنوف وطالعت بسعد الي كان بحاله يرثى لها ، ضمت الهنوف وبكت لا اراديا من نطق : يوم نسيتها رجعت لي يوم حبيت رجعت ل..... ،
الهنوف بصعبيه : ما رجعت لك انت لرغد ورغد لك فاهم! ذي المتخلفه الغبيه اتركها ولا تفكر فيها عله وراحت الحمدلله ،
هدء سعد من كلامها وتنهد من رن جواله : نعم؟
سكت بأبتسامه خفيفه من سمع صوت رغد التعبان : وين..ك؟ ،
سعد بضحكه خفيفه : في البيت ليه؟ ،
رغد بحياء : تعال خذني خالي عبيد سحب علي وقال دقي على سعد فاضي ،
اشرت الهنوف له يوافق ونطق : طيب وش صار عليك؟ ، رغد بهدوء : زين بس مو مره ،
نزلت الهنوف بسرعه من شافت سياره معيض : ياويلي النكبه الحين بيجي امير وابتلش فيه

'

نزلت الهنوف بسرعه من شافت سياره معيض : ياويلي النكبه الحين بيجي امير وابتلش فيه
دخلت البيت بسرعه تحت انظار امير ،
حرك سعد السياره وتوجهه للمستشفى غارق بتفكيره

عند رغد بالمستشفى
لمست شعرها الي بدأ يرجع ل لونه الاصلي وصار رصاصي قريب للأبيض : صرت عجوز وانا توي ،
ضحكت بخفه ورفعت نظرها للممرضه الي مدت لها عبايتها : شكرا بس تساعديني اللبسها؟ ،
هزت الممرضه بلا : عبيد قال لا تلمسوها الين يجي واحد اسمه سعد ،
تنهدت رغد بضيق ومشت الممرضه وابتلشت كيف تلبس ويدها فيها ابر : يارب صبرك ،
لبست الشال اول وطالعت بالانبوب بقهر : كيف اللبسس ،
فزت من سمعت صوت سعد يضحك : لحظه لحظه بجيك ،
وافقت رغد بحكم ما تقدر تسوي شي ولحسن حظها كانت لابسه ملابس واسعه وساتره : ربي لك الحمد ، توجه سعد لها واجتاحته ريحه عطرها ،
وقف بمكانه لثواني وقرب ينزع الانبوب بهدوء : اذا اوجعتك امسكي يدي ،
تذكرت رغد شكله يوم احترق يدها وكان يقولها اذا اوجعتك امسكي يدي ،
كتمت ضحكتها من شكله ،
ابتسم سعد بخفه يشوف كف يدها على ضهر يده ،  تجمدت رغد بمكانه لأول مره تلاحظ ريحه عطره الممزوجه مع عود وهمست : توي انتبه ،
سعد سمعها ونطق : وش ،
صدت رغد بخجل وهمست بداخلها : الله يفشلك ،
ما امداها تلف الا وسحب سعد الانبوب بسرعه : اوجعتك؟؟ ،
هزت رغد بلا وضحكت من شكله المفجوع : والله ما اوجعني ،
تنهد سعد بأرتياح ومد لها عبايتها : اللبسي والحقيني انا برا ،
طلع سعد ورفع كف يده الي لصق فيه ريحه عطرها : يا حضك يا سعد ،

عند رغد جلست على السرير تطالع بيدها غارقه بتفكيرها : اول ما اشوفه احس بشعور غريب حرفيا غريب كأني زعلانه ما ابي اشوفه؟ ،
هزت رأسها تطرد الافكار وطلعت لسعد ،
ركبت سيارته بتوتر : الهنوف ماجت؟ ،
استغرب سعد سؤالها ونطق : لا كانت تبي تجي بس مدري وش فيها نزلت على طول ودخلت البيت ،
عدلت رغد جلستها وشدت على يدها : طيب ،
ابتسم سعد يشوف توترها : ما جاوبتي على سؤالي تحبيني؟ ،
تقشعر جسد رغد وماردت ،
وقف سعد عند دانكن : وش تبين؟ ،
ما ردت رغد وتنهد سعد ونطق للعامل : دونات ، العامل : اي نوع ،
سعد لف لرغد : جب عشوائي ،
ناظر سعد لرغد الي نطقت : جاوب انت على سؤالي ، عدل سعد جلسته والتفت لها : وش؟ ،
رغد : انت قلت لي انك طالب هندسه ليه تكذب وانت طيار؟ ،
ضحك سعد ومد يده ياخذ الدونات من العامل : انا طيار صح بس استقلت قبل كم اسبوع وصرت اشتغل بشركه جدي ،
رغد : طيب ليه ؟
سعد مد لها دونات : اكلي وافهمك ،
اخذت رغد دونات وطالعت له يكمل

'

سعد مد لها دونات : اكلي وافهمك ،
اخذت رغد دونات وطالعت له يكمل
سعد لف كامل جسمه عليها بعد ما وقف السياره : صراحه افضل شغل شركه جدي على الشغل العادي حتى الورعان يشتغلون فيها مو بس انا واحسن شي اني اذا ما فضيت ولا شي اعطيه لأي واحد من العيال وهو يكمله بدالي على عكس الشغل عند الحكومه لازم اخلص الشغل ولا باخذ دبل فهمتي؟ عشان كذا افضل الشغل عند جدي على عكس الشغل عند الحكومه ،
هزت رغد بالفهم واكلت من الدونات تناظر الجو : ودي اروح لشركه جدي اشوفها ما عمري رحت لها الا مره مدري مرتين مع ابوي ،
سعد : نمرها؟
رفعت رغد راسها بصدمه : منجدك؟
سعد : اي ليه؟
رغد : لا خلها بعدين ما ابي الحين مالي
شغل سعد السياره وحرك لبيت رغد
وقف سعد عند باب البيت ونزلت رغد وتوجهت لباب البيت وطرقته ،
ثواني وفتح فهد واستقبلها بأبتسامه : وينك من اليوم؟
لمح سياره سعد ورا وكشر بعصبيه
انتبهت رغد لعصبيه فهد وقبل تنطق سحبها فهد بقوه وقفل الباب : رغد ليه جايه معه!!
بلعت رغد ريقها بخوف ونزلت عبايتها
تجمعت الدموع بعيون رغد ونطقت : لحظه لحظه
رما فهد العبايه وسحبها للكنب : ردي ليه جايه معه!!
شدت رغد على كفوفه وبكت : اسفه اقسم بالله اسفه
تنهد فهد بقله حيله وضمها : لا تبكين ماني مسويلك شي ،
رغد نزلت طرحتها ليبين شعرها ونطقت : خالي عبيد سوا لي عمليه عشان يرجع لون شعري وجاه ضرف ضروري وراح وقعدت انا بالمستشفى الين دق علي خالي عبيد وقال ان سعد بيجي ياخذني لأن كل العيال ماهم فاضين ،
خلصت كلامها بصعوبه وحضنته ودموعها مازالت مستمره : والله اني اقول الصدق اسأل حتى خالي ،
بادلها فهد الحضن ومسح على راسها : مصدقك لا تخافين بس لا عاد تجين معه بس دقي علي ، هزت رغد بالموافقه وباست راسه ، مشت بأتجاه غرفتها وانسدحت على السرير ضامه نفسها : اللقمي الحين ثقة اخوك فيك راحت ،
فزت من فتح مسلط الباب وتنهدت بضيق : هلا؟
مسلط بعصبيه : قبل شوي شايف سياره سعد هنا وانتي نازله منها؟ ليه؟ ، رجعت تنسدح وغطت نفسها : بس رجعني من المستشفى وكلم فهد بيعلمك كل شي مالي نفس اتكلم ،
طلع مسلط ونزل لفهد : الحين انت راضي تشوف اختك تروح وتجي مع رجال لاهو من محارمها؟ ،
هز فهد بلا ونطق بحده : مستحيل بس هو مرجعها من المستشفى عشان خالي قال له ،
مسلط بصراخ : مصدقها انت خبل؟...اقول والله ان شفتها مقابلته ولا شي اني لا اكسر لها راسها فاهم!! من يوم جت وهي ناويه عليه يا كثر ما شفتها تكلمه ولا معه ، قام فهد بغضب وضرب مسلط كف : لا تتكلم بشرف اختنا اذا ذا تفكيرك رح لاعاد اشوفك ،
صد مسلط بضيق لأول مره فهد يضربه : بصرك بس الي بيندم انت