ضارت جيهتو و تمشات حتا وقفات حداه و فرمشة عين جبدها من ذراعها حتا تلاحت على ظهرها و طلع فوقها تيضحك و قال: جاو معاك حوايجي الزين ديالي ...دفعاتو من صدرو : نووض علياا .. نوض بغيت نمشي نتعشا فيا الجووع ...
خشا راسو فعنقها باسها بوسة نساتها فأش كانت تتقول و رجع شاف فيها تيحرك صباعو على حناكها: انا نعشي الزين ديالي حتا تكهم ..
رجع طاح عليها بالبوسان نساها سميتها و كيف كل مرة تيحط عليها ايدو تذوب و كلمة لا و بعد مستحيل تخرح من فمها ...
* الدقان فالباب و نجمة تتحرك ايديها فوق كتافو بتعب... هزات فيه راسها ناعسة فوقو و قالت تتنهج: شكون تيدق عليناا ...
هبطها باسها من فمها حتا تجاوبات معاه و نساو راسهم حتا قفزات تاني من الصونيط مجهد و تهزات عليه تتنهج قلبها تيضرب و ايديها فوق كتافو ظفارها مغروسين فيه .. شافت فيه بتعب و بلا مايزيد عليها نزلها من عليه غطاها و ناض تيلبس فشورطو و تيحرك كتافو بعياء و خرج من البيت ...
سدات عينيها تتنهد و تنهج... هزات عليها الغطا غطات راسها و غمضات عينيها مشات عند الله نعسات بالعيا و الممارسة لي مكانت ضاربة ليها حساب
*حلات عينينها على وجهو تيفيقها و رجعات سداتهم بتعب... جلس حداها تيداعب حناكها و قال بحنان: نجمة... فيقي احبيبة تعشااي نجمة...
حلات عينيها نص حلة و ردت: امم بغيت نعس ..
علي: واخا غا كولي و رجعي نعسي ...
نوضها بزز تيسايس معاها حتا فاقت و حلات عينيها و سعاتهم و الجوع بدا ياكل فيها... نعس حداها و حط جوج بيتزات على رجليه و بدا يهز و يوكلها تيضحك ... كلات حتا شبعات و تكهمات ..حطات راسها على كتفو و قالت بتعب: غادي نبقاو هنااا ...
علي: من الاحسن ...
نجمة: بغيت نبقا فالفيلا .. مبغيتش نعيش راسي ..
ضور ايديه على كتفها عنقها و رد: منعاودوش الهضرة احبيبة .. خليتك على راحتك فالاول ودابا صافي .. بغيت ناخد راحتي معاك ..
هزات فيه عينيها تترمش بالتقال و ردت: خلي غير حتا يدوز رمضان و نجيو هناا .. بغيت ندوزو رمضان مجموعين...
حرك صباعو على ذراعها و رد: نمشيو ندوزو انا و ياك فالفيرمة ..اش بان ليك ...
بتاسمات و قالت: نسيت كاع الفيرمة .. اتكون زوينة ياك ..
علي: نديك ليها شوفيها و بدلي فيها لي بغيتي ..
نجمة: و نديو معانا الحاجة و الحاج و صفاء و حتا مروى نقولوها ليها .. ندوزوه مجموعين صافي ..
ضور راسو حط دوك الباكيات فوق الكوافوز و قال تيجبد الشيشا من المجر: ديري لي بغيتي ..
حلات فيه فمها تتشوف فيه بالعرض البطيئ تيخشيها ففمو و يجبد و يرجع يخرج الدخان لايح كتفو وراها مرتاح .. ضار شاف فيها لقاها حالة فمها و ضحك : مالك .. ؟
خطفاتها ليه من ايديه لاحتها وراها و قالت مغوبشة: ياك قلتي مغاديش تبقا تشيش ...
ضار وراها مد ايديه جبدها و رجع تكا تيضحك: صافي اخر مرة ..
نجمة: مكايناش اخر مرة .. اتحيدها دابا ...
علي: واخا واخا... اجي دابا ترتاحي ..
جبدها عندو عنقها بإيد و تيشيش بإيد و قال بتركيز: علاش مكمليتش فالقانون ... ؟
ساطت من الدخان و قالت : مابغيتش .. كان فاللول عاجبني من بعد مابقيتش بغيتو ..
شاف فيها بطرف عينو و قال تيضحك : تعلمتي من القانون غا تحرميات ماباقي والو ... العقل خاوي ..
ميقات فيه و ردت: امم بعدا نافعيني كيتك ..
تلفت هاز حاجبو بصدمة تيضحك و قال: ويلتي تعايريني ..
هزات كتفها مخرجة عينيها: نتا لي قلتي عقلي خاوي ..فين بان ليك خاوي ...
حرك راسو تيضحك : لا لا انا لي عقلي خاوي اما نتي تبارك الله عليك ...
هزات حاجبها بغرور: اوا هكاااك ..
تلفت تيضحك و يشيش تيطلع المورال .. مد ايديه جبد باكية من جنبو و مدها ليها ... شداتها عرفاتها اشنو فيها و جلسات هازا الغطا على صدرها و قالت: و اخيرا تفكرتيني ...
حلات البكية بالزربة جبدات تيليفون جديد حسن ملي كان عندها .. لاحت البواطة و بدات تضورو فإيديها فرحانة... قربات ليه باستو فحنكو و قالت : شكرااا .. عجبني ..
حرك ايديه على شعرها بحنان و قال: بصحتك احبيبة ...
جلسات تتقلب فيه من هنا و هنا حتا عيات و حطاتو حتا تركب فيه لاكارط ... تكات عليه و قالت بصوت خفيف : عليي..
علي: ا حبيبة ..
نجمة: اممم ... بغيت نمشي عند الطبيبة...
تلفت باستغراب و قال: الطبيبة ! لاش .. اش ضرك؟
نجمة : مضرني والو غير بغيت شي مانع نشربو .. خفت نحمل و باقي الحال...
تنهد و تلفت تيكمل شيشتو و قال: غا خليك هكاك.. بغيت الولاد ...
نجمة: ولكن باقي الحال.. عاد تزوجنا ..
حط الشيشا و جبدها عندو عنقها تيقبل راسها بحنان و رد : بغيت الولاد ماحد باقي عندي الخاطر... جيبي لي شي فنيكيشة تتشبه ليك داك الساعة شربي البيلول حتا تعياي ...
ČTEŠ
نجمة
Romance[ ] قصتي هاد المرة من قاع الخابية حكاية من قلب الواقع فيها معاناة كتيرة بقدر حب استااطع الزمان يتلاعب بيه و يخليه عرضة للناس يتحكمو فيه .. .. من كل فن طرب و لعشاق الحكايات الواقعية هنا اتلقاو راسكم و اتسافرو معايا فبحر الدراما المحبوكة بطريقة شعبية...