Lost Control (Zhanyi) ✅

9 කොටස

ලගෙදර එකම සතුටු සාගරයක්... තරඟ තිබ්බ තැන වැඩ ඔක්කොම ඉවර වෙලා ප්‍රින්සිපල් සර්ටත් කතා කරලා අපි ගෙදර එනකොට හවස් උනා.. අක්කා නම් සතුටටම කේශුව තුරුල් කරන් අඬද්දි අයියා වගේම හේලිත් හිටියේ කොල්ලගේ දිනුම ගැන සතුටින්...

"දෙවියන්ටත් මගේ දුක පෙනිලා මගේ නැති වෙලා තිබ්බ සතුට ආපහු ගෙනත් දුන්නා...."

අක්කා මගෙයි කේශුගෙයි අත් දෙක අල්ලන් කියද්දී කේශූ බලන් හිටියේ මගේ දිහා...

"දැන් මල්ලිටයි පුතාටයි වොෂ් එකක් දාගන්න යන්න දෙන්නකෝ සදී... ඒ දෙන්නටම මහන්සි ඇති..."

අක්කා අපි දෙන්නවම අතාරින්න ලෑස්ති නැති නිසා අයියා අන්තිමේ එහෙම කියද්දී මමයි කේශුයි උඩට ආවේ වොෂ් දාන්න..

මගේ මූණ දිහා බැලුවා ඇරෙන්න එයා වචනයක්වත් නොකියා එයාගේ කාමරේට යද්දී මමත් මගේ කාමරේට ආවා....

හිත ගොඩාක් සතුටෙන් පිරිලා... ඒකට එකම හේතුව මගේ කේශුගේ ජයග්‍රහණය වෙනකොට මට එයා ගැන දැනුනේ ලොකු ආඩම්බරයක්... මෙතන ඉඳන් පළාත්, සමස්ත ලංකා යනකන්ම එයාව ඉස්සරහට ගෙනියන්න ඕන කියන එක මගේ ඔලුවේ තියෙද්දි එයා ගැන හිත හිතම මම ඉක්මනට වොෂ් දා ගත්තේ අක්කලා පහළ අපි එනකන් කන්න බලන් ඉන්න නිසයි...

එයාවත් අඬගහගෙනම යනවා.....

ඇඳුමකුත් දාගෙන ඉවර වෙලා තනියම පහළට යන්නේ නැතුව කේශුටත් කතා කරන්න හිතාගෙන මම එයාගේ කාමරේ දොරට තට්ටු කරත් සද්දයක් නැති තැන දොර ලොක් කරලා නැති නිසාම මම දොර ඇරන් ඇතුලට ගියා වගේම එයා බැල්කනි එකේ කියලා තේරෙද්දි හෙමින් හෙමින් මම ඒ පැත්තට ගියා...

"ඔයා මොනාද මේ කියන්නේ සහස්... මමත් ආදරෙයි තමයි දෙයියනේ... පණ තරම් ආදරෙයි...."