នៅមុខភូមគ្រិះរបស់Yang Jun, Haoxiangឈប់ឡានងក់ធ្វើឱ្យនាងក្រមុំXuehuaច្រលោតទៅមុខ ដោយមិនបានត្រៀមខ្លួន។
«ណែ៎ ចុះបើឈប់ឱ្យស្រួលទៅវាថី?» នាងស្រែកដាក់គេ ដៃទប់កដែលស្ទើរតែគ្រេច អ្នកកំលោះចុចបើកគន្លឹះទ្វារ ហើយខិតចូលជិតនាង ឈោងទៅបើកទ្វារឡានឱ្យ រួចគេងាកមកចុចស៊ីភ្លេឡានលាន់រំពង ធ្វើឱ្យកូនចៅរបស់Yang Junស្ទុះចេញមកប្រហែលដប់នាក់ជាង។ គេញាក់ស្មាដាក់ស្រីដែលកំពុងសម្លក់គេដោយសារហួសចិត្តនិងភាពព្រហើនរបស់អ្នកកំលោះចិត្តឆៅ។
«ថ្ងៃនេះគាត់ឯងស្លាប់មិនខាន!» នាងខាំធ្មេញហើយចេញពីឡាន បិទទ្វារមួយទំហឹង។ Haoxiangញញឹមចុងមាត់ពេលឃើញYang Wu និងYang Junរត់ចេញមក។ នៅពេលដែលឃើញកូនស្រីភា្លមគេរត់ទៅរកនាង ហើយឱបកូនស្រីសំណព្វជាប់ក្នុងដៃ។
«អ្នកណាសម្លាប់អានេះបានយើងនឹងឱ្យរង្វាន់ភ្លាមៗ!!!!» Yang Junស្រែកខ្លាំងៗ ហើយកូនចៅគេទាំងអស់ស្ទុះមកព័ទ្ធជុំវិញឡាន។
«ធ្វើបែបនេះដាក់កូនប្រសារខ្លួនឯងយ៉ាងម៉េចកើតប៉ាក្មេក?!» គេបើកកញ្ចក់ឡានហើយស្រែកសួរជាមួយស្នាមញញឹមចំអក ធ្វើឱ្យថៅកែYangកាន់តែក្ដៅឡើងមួយទ្វេរជាពីរ។
«ព្រហើន! ពួកឯង ចាប់វាភ្លាម!!!» Yang Junស្រែកដោយកំហឹង។ អ្នកកំលោះញញឹមចុងមាត់ ជាន់ហ្គែរឡានឱ្យរោទិ៍ទ្រហឹង ហើយក្នុងមួយរំពេចភ្នែកគេបញ្ជាឡានឱ្យមុខយ៉ាងរហ័សមើលសឹងមិនទាន់។ កូនចៅថៅកែYangគេចចង់បាក់ក ហើយប្រញាប់ចេញឡានដេញតាមអ្នកកំលោះយើង។
«ចង់លេងមែន? Yan Haoxiangកំដរបានជានិច្ច!» គេរអ៊ូ បន្ថែមល្បឿន អ្នកដែលដើរតាមផ្លូវភ្ញាក់ ហើយជេរគេគ្រប់គ្នា។
«ចាំដោះស្រាយជាមួយប៉ូលីសទៅអានាង!» គេបើកឡានសំដៅផ្លូវដែលមានប៉ុស្ដិ៍ប៉ូលីស ហើយពេលទៅដល់មុខប៉ុស្តិ៍គេស៊ីភ្លេលាន់ផ្អើលក្រុង ធ្វើឱ្យប៉ូលីសប្រកាសអាសន្នហើយដេញតាមឡានដែលបើកដូចហោះ។ Haoxiangស្គាល់ក្រុងដូចបាតដៃ គេដឹងច្រកចេញដែលអាចឱ្យគេគេចខ្លួន ហើយបញ្ឆោតឱ្យឡានកូនចៅថៅកែYangជាប់ខ្នោះរបស់ប៉ូលីស រួចគេបើកឡានត្រលប់ទៅផ្ទះវិញធ្វើព្រងើយ ទុកឱ្យថៅកែYangដោះស្រាយជាមួយប៉ូលីសឡើងក្រពុលមុខ។
YOU ARE READING
បំណុល (The Debt)
Fanfiction«សម្លាប់» សំឡេងរបស់គេស្រាល ទាប និងស្រទន់ តែបើមើលមកមុខរបស់គេវិញគឺពោរពេញទៅគំនុំចងអាឃាត។ មនុស្សប្រុសម្នាក់នេះមិនដែលស្គាល់ទេពាក្យថា 'មេត្តា' ព្រោះគេធំធាត់ឡើងមកក្នុងភ្លើងគំនុំ។ គេស្ពាយវាទៅគ្រប់ទីកន្លែង គេគេងជាមួយវា គេរស់នៅជាមួយវារហូតដល់គេក៏ភ្លេចទៅហើយថាខ...