នៅក្នុងបន្ទប់របស់លោកស្រីYiling ម្ដាយរបស់Xiuyu គាត់កំពុងអង្គុយទល់មុខJuan Haoជាប្ដី។ គាត់មានទឹកមុខតានតឹង សម្លក់សម្លឹងប្ដីខ្លួនឯងថ្មែរ។
«កុំថាឡើយមកផ្ទះ សូម្បីទៅធ្វើការក៏មានអ្នកតាមវាដែរ ចង់ហៅចេញមក មិនមែនជារឿងងាយនោះទេ!» លោកស្រីនិយាយ Juan Haoជ្រួញចិញ្ចើមគិត។
«តែបើធ្វើមិនបានទេ មុខរបររបស់បងនឹងរលំរលាយមិនខាន! អ្នកនាងQianfeiមានចិត្តជួយហើយ យើងគ្រាន់តែលួងវាមកសោះមានអីពិបាក»
«តែ...ទោះជាយើងហៅវាចេញមកបាន យើងធ្វើម៉េចហ៊ានចាប់វា...»
«រឿងហ្នឹងអ្នកនាងQianfeiចេះរៀបចំហើយ» គេញញឹម រួចទាញទូរស័ព្ទរបស់ខ្លួនចេញមកខល។
«Xiuyu ម៉ាក់របស់ឯងសន្លប់! ឆាប់មកផ្ទះឱ្យលឿន!» គេធ្វើជានិយាយបែបបារម្ភ និងស្លន់ស្លោ ហើយបិទទូរស័ព្ទមុននឹងនាងអាចសួរដឹងរឿង។
Xiuyuឯណោះស្ទុះងើបពីសាឡុងហើយស្ទុះចូលទៅក្នុងបន្ទប់ដើម្បីយកកាបូប។
«ចង់ទៅណា?» Jiaqiដែលនៅក្នុងបន្ទប់ធ្វើការស្រែកសួរ
«អ្នកផ្ទះខលមកប្រាប់ថាម៉ាក់ខ្ញុំសន្លប់ ខ្ញុំទៅមើលគាត់បន្តិច!» Jiaqiងើបឈរ ហើយដើរតាមនាងពីក្រោយ។
«Juan Xiuyu ឱ្យYinជូនទៅ!» គេប្រាប់ នាងងក់ក្បាល ពាក់ស្បែកជើងរួចរត់ចេញទៅក្រៅ។ Yinប្រញាប់បើកទ្វារឡានឱ្យនាង ហើយគេចូលឡានរួចបើកចេញយ៉ាងលឿន។
គ្រាន់តែមកដល់ផ្ទះភ្លាមនាងរត់តម្រង់បន្ទប់របស់នាងម្ដាយដោយក្ដីបារម្ភ អ្នកស្រីពុតធ្វើជាគេងលើគ្រែ Juan Haoឈរក្បែរនោះតែស្រីមិនខ្ចីមើលមុខ។
«ម៉ាក់យ៉ាងម៉េចហើយ? មិនស្រួលត្រង់ណា?» នាងសួរ ចូលទៅស្ទាបថ្ងាសគាត់ ហើយពេលដែលស្រីភ្លេចខ្លួនបុរសពីរនាក់ចូលមកចាប់នាងពីក្រោយជាប់។
«អេ៎ ធ្វើអីហ្នឹង? ម៉ាក់? នេះជាស្អី?!» នាងសួរ ប្រឹងរើបម្រាស់តែមិនរួច ហើយគេចងស្រីជាប់ បណ្ដើរចេញពីផ្ទះ។ នាងនៅភាំងមិនដឹងថាត្រូវធ្វើអ្វីព្រោះវាលឿនពេក។ ចេញមកដល់ក្រៅនាងស្រក់ទឹកភ្នែកជោគថ្ពាល់មួយរំពេចពេលដែលឃើញYinដេកក្នុងថ្លុកឈាមក្បែរឡាន។
YOU ARE READING
បំណុល (The Debt)
Fanfiction«សម្លាប់» សំឡេងរបស់គេស្រាល ទាប និងស្រទន់ តែបើមើលមកមុខរបស់គេវិញគឺពោរពេញទៅគំនុំចងអាឃាត។ មនុស្សប្រុសម្នាក់នេះមិនដែលស្គាល់ទេពាក្យថា 'មេត្តា' ព្រោះគេធំធាត់ឡើងមកក្នុងភ្លើងគំនុំ។ គេស្ពាយវាទៅគ្រប់ទីកន្លែង គេគេងជាមួយវា គេរស់នៅជាមួយវារហូតដល់គេក៏ភ្លេចទៅហើយថាខ...
