Yaowenទាញកាបូបចេញពីឡានដែលចតនៅចំណតរបស់សណ្ឋាគាមួយនៅកណ្ដាលក្រុង។ គេពាក់កាបូបលើស្មាហើយដើរទៅរកYaxuanដែលកំពុងបើកគូទឡានហើយដកកាបូបហ្គីតារបស់គេចេញមកស្ពាយ អ្នកកំលោះនេះចូលចិត្តស្លៀកពាក់ដូចនិស្សិត ខោខូវប៊យខ្មៅ និងអាវhoodieពណ៌ប្រផេះ។ Yaowenបោះមួកឱ្យYaxuan អ្នកកំលោះមុខស្រស់ក៏ចាប់យកមកពាក់។
«ជាន់ទីប៉ុន្មាន?» Yaxuanសួរពេលចូលក្នុងជណ្ដើរយន្ត។
«១៥»
«ចុះអ្នកម្ខាងទៀត?»
«១០»
«ចម្ងាយ?»
«៣២៥ម៉ែត្រ»
គេទាំងពីរដើរចូលសណ្ឋាគាដូចភ្ញៀវដទៃទៀត ហើយមកឈប់មុខបន្ទប់ខាងចុងគេជាន់ទី១៥។
«ម្ចាស់បន្ទប់មិននៅទេ កុំភ័យ!» Yaowenប្រាប់ពេលឃើញYaxuanធ្វើមុខឆ្ងល់។ Yaowenកំពុងព្យាយាមhackលេខកូដទ្វារបន្ទប់ក្នុងទូរស័ព្ទរបស់ខ្លួន មិនដល់មួយនាទីផងគេក៏បើកទ្វារបាន ហើយចូលទៅខាងក្នុង។
«Eww...» Yaxuanរអ៊ូពេលឃើញសភាពបន្ទប់ ខោអាវនៅពេញកម្រាល មានទាំងខោអាវក្នុងមនុស្សប្រុសស្រីទៀតផង។
«រើសមិនបានទេ មានតែបន្ទប់មួយនេះទេដែលអាចប្រើប្រាស់បាន» Yaowenនិយាយ យកជើងទៅឆ្កិះរ៉ូបស្ដើងពណ៌ក្រហមចេញពីផ្លូវដើរ ហើយអង្គុយចុះលើសាឡុង។ Yaxuanទាញតុមូលតូចមកជិតបង្អួច ហើយបែរមកបើកកាបូបហ្គីតាដែលមិនមានហ្គីតានោះទេតែជាគ្រឿងសម្រាប់តម្លើងកាំភ្លើងវែងទៅវិញ។ គេបើកវាហើយដកយកគ្រឿងមករៀបចេញជាកាំភ្លើងវែងដាក់នៅលើតុ ស្របពេលដែលYaowenដកlaptopរបស់ខ្លួនចេញមក។ គេhackយកCCTVនៅម្ដុំនោះទាំងអស់ នៅតាមផ្លូវ និងនៅក្នុងអាគាធំដែលនៅឈៀងខាងឆ្វេងដែលជាគោលដៅរបស់គេថ្ងៃនេះ។ Yaxuanដាក់ចុងកាំភ្លើងតាមប្រលោះវាំងនន តម្រង់ទៅអាគារនោះហើយ គេក៏អាចមើលឃើញបន្ទប់ប្រជុំជាន់១០ដែលមានបុគ្គលិកកំពុងរៀបចំកន្លែងសម្រាប់ទទួលភ្ញៀវ។
«១០នាទីទៀត»
«Okay» Yaxuanផ្អែកទៅនឹងកៅអី ឱបដៃ បិទភ្នែករងចាំ។ Yaowenមើលតាមឡានដែលជាគោលដៅនៅក្នុងកុំព្យូទ័រ។ គេឱ្យសញ្ញាទៅYaxuan អ្នកកំលោះងើបអង្គុយត្រង់ខ្លួនហើយចាប់កាំភ្លើងភ្លាម។
YOU ARE READING
បំណុល (The Debt)
Fanfiction«សម្លាប់» សំឡេងរបស់គេស្រាល ទាប និងស្រទន់ តែបើមើលមកមុខរបស់គេវិញគឺពោរពេញទៅគំនុំចងអាឃាត។ មនុស្សប្រុសម្នាក់នេះមិនដែលស្គាល់ទេពាក្យថា 'មេត្តា' ព្រោះគេធំធាត់ឡើងមកក្នុងភ្លើងគំនុំ។ គេស្ពាយវាទៅគ្រប់ទីកន្លែង គេគេងជាមួយវា គេរស់នៅជាមួយវារហូតដល់គេក៏ភ្លេចទៅហើយថាខ...