مافياا ❤️‍🔥🌼

p 16

الحلقة 16
كملت كلش اليوم وصلت 5 هزيت الاوراق ديتها لمكتب المسؤول على البريد بش يبعتهم رحت لغرفتي رتحت و رقدت شوية كي نضت كانت 7 الليل مشيت دوشت وخرجت من غرفتي بما انو مسموح لي نخرج خرجت برا بعد ما لبست مليح خرجت بعدت شوية بصح مزلت في حدود الاوتال لقيت كراسي على الحافة مقابلة البحر قعدت على كرسي نتفرج مع الموج كي يضرب على صخور وصوتها وريحة تاع البحر في البرد تنعش الروح
حسام: احم
تلفت لقيتو حسام وقفت بسرعة عينيا في الارض
حسام: اقعدي علاه وقفتي
جا جهتي وقعد معايا وانا رجعت قعدت ضميت رجليا لبعض توتر لي راني فيه يعلم بيه ربي بعد لي شفتو مش عارفة كيفاه نتعامل معاه
حسام: واش ديري هنا في البرد هذا
شفت معاه جات عينو في عيني زربت هبطتهم
- قلقت خرجت نرتح راسي شوية
سمعتو كي نفخ
حسام: تقدري تشوفي معايا وتحكي كي نكونو وحدنا
رجعت شفت معاه رمشت مرات
حسام: حتى انا هذي هي بلاصتي المفضلة هنا كل ما نتخنق من الخدمة نجي هنا
-مليحة ايه
قعدنا ساكتين يعني مدة مليحة بعدها نطق
حسام: ساكتة على غير العادة
شفت معاه انا عقلي راهو يغلي بالحكايات الأصح أسئلة بصح كيفاه نحكي معاه
حسام: ريان لي شفتيه الصباح
ركزت معاه نستنا وش راح يقول عينيا خشعو فيه من غير ما نحس
حسام: هذاك لازم حنا هنا كلش يمشي بالاحترام كل واحد يحترم التاني ولي يغلط يسلك ميهمش شكون باه يبقاو الرجال يهابوني ولا ترجع سايبة كل واحد يدير رايو والسفينة لي معندهاش ربان تغرق فهمتي الاحترام و الوفاء هو كلش هنا وثمن حياتك
بلعت ريقي وعينيا متنحاوش منو
حسام: بصح لكان تبقاي تشوفي كيما هكذا متصلحش تكوني سكرتيرة
فقت مع روحي نزلت عينيا تلخلخت
-سامحني مش قصدي نبقا نشوف
حكمني من ذقني هز راسي قابلو عينيا عينيه لي بلون السما
حسام: معنديش مشكل تشوفي
حسيت صوت الموجة هذي بعد كلماتو كأنها بمكبر صوت دم تجمع في خدودي خايفة نبعد يتغشش والله لايشوف واحد في غشو كرشي عصرت عليا وجهو عينيه خشمو لي مرسوم بمثالية لحيتو الخفيفة تفاصيلو مافيه حتى حاجة تخليك تحس بالامان كيف البحر هذا هايج تقرب عليه تغرق طول وانت تتفرج فيه نسمة تاعو تمرضك
حسام: واش رايك ترجعي للاوتال
نحا يدو مني حطها على ظهر الكرسي قلبي يضرب نفس مقدرتش نجبدو
حسام: تبقاي هنا تمرضي
وقفت استأذنت ومشيت ركايبي يخبطو في بعضهم من الخوف وصلت للباب داخلة عرضوني زوز شفت معاهم
-وين
-داخلة سامحني
دزني بعيد
-انتبه لتصرفاتك احسنلك تحترم روحك
-واش ديريلي تجيبي البوس و مسيو سراج
-اذا لزم
هز يدو وضربني بكل قوتو طحت في الارض حسيت خدي طار
سراج :كيما راكم وجهكم للحيط على ركايبكم
حكمت خدي وقفت نشوف معاه في يدو سلاح وخرجو زوز رجال لي ديما يتبعوا فيه حكموهم
سراج: اديهم تحت نجي نتفاهم معاهم
داوهم وانا عينيا ساحو بدموع جا نحالي يدي من خدي يشوف معاه
سراج: علاه ضربوك وش درتي
-مدرت والو باين فيهم مبعوثين لانو قالي شكون رح تجيبيلي مسيو سراج ولا البوس
نحكي ونبكي وهو جبدني لحضنو دور يديه عليا حسيت دفا تع بدنو كل مشا فيا ريحتو احتلت انفاسي
سراج: اسسس اخر مرة تصرا
حسام: وهذا بالضبط علاه قلتلك مكانش معانا نسا هنا وانت كبشت في خليها نحتاجوها عندها 3 ايام هنا هذي ثاني مرة
كان محضني مخبيني عندو نسمع في حسام يحكي زدت كبشت اكتر في سراج
سراج: راح نتصرف معاهم متقلقش
حسام: منيش قلقان
مشا و سراج حكم وجهي بين يديه ويحكي بصوت خافت خايف عليا
سراج: اطلعي لغرفتك بعد شوية نجي
حركت راسي ايه و مشيت نعرف وين رايح اكيد رايح يتفاهم معاهم وصلت الغرفة بلا ما نشعل الضو رميت روحي على السرير كبشت في المخدة غرست وجهي فيها ونبكي
بعد ساعتين يمكن نسمع في الباب وقفت شعلت الضو شفت مع وجهي عدلت شعري ومشيت حليت الباب كان سراج
سراج: نقدر ندخل؟
-اكيد تفضل
دخل للداخل مشا قعد على الفوتاي وقعدت مقابلتو على السرير خدي فيه زروقة من الضربة
************"*

غدوة الصباح كنت في مكتبي بصح تبدلت الامور منيش لابسة الاسود اليوم حطيت يدي على خدي نتذكر في ليلة البارح
سراج: طول ما انتي هنا رح تتعرضي للمضايقات هذي
كنت نشوف معاه و حاسة روحي في دوامة دخلت ومعرفتش نخرج
سراج: كاين حل اذا انتي وافقتي اكيد و نتمنا متعتبريهش اقتراح لاني قاصد صح وش رح نقلك
شفت معاه مستغربة
-واش هو
وقف وجا لعندي حكم يدي وقفت انا تاني حط يدو على خدي مرر صوابعو بلطف غمضت عينيا مع لمسة يدو الحنينة
سراج: مش قادر ننكر انك تعجبيني و على هذا تمسكت بيك مكنتش حاب يقتلك ذكية وحيلية وخسارة كون قتلك
قلبي رفرف مش متعودة واحد يقلي كلام هكذا تبسمت رغم عني وحشمت
سراج: اذا وافقتي تكوني حبيبتي هذا يعطيك رتبة اعلى منهم الكل ومش رح يقدرو يقربو عليك احتراما ليا ما عدا مسيو حسام وخطيبتو وانا نقدرو نوجهولك اوامر و انتي بصح متقدري توجهي حتى امر وشي ما يمشي بتصرف تاعك ببساطة رح تكوني تابعة ليا تحت حمايتي فهمتي
شفت معاه وانا فاهمة كل كلمة من لي قالو تابعة ليا اصلا ياما خدمت في الشوارع تحت كلمة تابعة ليا نسرق و نبيع و هوما يديو كلش ويرميو لفتات ويقولو انتي تابعة لينا