👠 الحلقة 72 👠
طلعنا طريق كل وهو ساكت حتى انا عينيا مع الطريق وصلنا نزلت نجري ما استنيتش حتى يحلو الباب دخلت للبناية و طلعت وقفت ندقدق في الباب قبل ما يحكمني يجبدني بعيد و دزني للحيط ظرب ظهري ضيق عينيه و يحكي بصوت يهدد
حسام: اول واخر مرة تنزلي هكذا و تدخلي بلاصة هكذا كون كان واحد هنا كون راكي ميتة درك
تحل الباب مرت بابا بقات باهتة تشوف معاه حاصرني في الحيط بعد شوية شاف معاها
-ريان ؟
عدلت روحي و مشيت لعندها
-راكم ملاح ؟ نسمة وين ؟
-راهي هنا
دخلت للدار و دخل ورايا يشوف من ومن
-وين الرجال لي يعسو عليكم
-راهم تحت نظن
-يمكن كي دخلت نجري مشفتهمش
حسام واقف يديه في الجياب ومرت بابا تشوف معاه من فوق لتحت
-تفضل بني اقعد
-انا نشوف نسمة و نجي
دخلت لعند نسمة كانت ترسم قعدت قدامها ناضت عندي حضنتني
نسمة: ريان توحشتك
-حتى انا توحشتك يا روحي
دقدق الباب وتحل كان واحد من الرجال لي يعسو عليهم
-نسمة جبت الالوان لي قلتلك عليهم
دورت وجها وانا وقفت حكمتهم عليه
-مرسي
مشيت حطيتهم وهي عاقدة حواجبها
-نسمة شبيك عملتي هكذا شرالك الوان عيب علاه مقلتيلوش مرسي
نسمة: منحبوش
هزت الالوان رماتهم بعيد
بقيت نشوف معاها من بعد حكمتها نوضتها وجبتها لحضني و نمسح على شعرها
-نسمة حبيبتي كلش رح يتحل و يروحو متزيديش تشوفيهم
نسمة: نحب يروحو اليوم
جبدتها نشوف مع وجها عابس
-نسمة قوليلي ضربوك ؟
حركت راسها لا
-واش دارو
دورت عينيها بعيد للطرف تشوف مع الارض
-نسمة نحكي معاك واش دارو
نسمة: حاجة مش مليحة
قلبي تقبض
-قوليلي واش
نسمة: حاجة عيب
نفس تاعي تزايد مع غشي يديا رجعو يرجفو من الافكار لي تزاحمت في راسي رجعت نخض فيها
-وش العيب هذا نسمة احكي واش دارو
رجعت تبكي وانا بكلي نرجف الادرينالين يجري في عروقي
-نسمة متخافيش انا اختك احكيلي شكون و وش دار
نسمة: يمسني في بلاصة عيب
قالتها و دموع ملاو عينيها انا الدنيا رجعت نشوف فيها ظلمة
-هذا لي جاب الالوان
حركت راسها ايه سيبتها و خرجت
خرجت نجري حليت الباب ونزلت تحت نحوس عليه نسمع غير في صوت حسام ورايا شفتو واقف رحت نجري لعندو هزيت يدي و ضربتو كف حكمني
-سيبني يا هامل يا صايع
حسام: نزل يديك
صاح حسام عليه يديه نزلو مني و ننزل فيه ضرب انا كلهم يشوفو مش فاهمين حتى حسام واقف يتفرج حتى رجعت نلهث ونبكي حسيت يدين حسام على كتافي
حسام: اسسس هيا
-سيبني خليني نشرب من دمو الكلب
جبدني حكم وجهي بين يديه
حسام: وش دار
-يتحرش بطفلة صغيرة عقدها الكلب الهامج
عوج فمو وشاف معاه حرك راسو برك للجنب حكموه زوز رجال و مشاو طلعو للطوموبيل ناس جيران يتفرجو معانا
حسام: نرجعو لدارنا وحدنا واتفاهمي معاه اوكي ؟
هنا انا مركزتش مع لي قالو غير كلمت دارنا نزلت عينيا و بعدت
-نحب نبقا هنا شوية مع نسمة اذا ممكن
حسام: ممكن اقعدي حتى الليل نرجع نديك رجال راهم هنا اذا كشما كاين رآهم تحت تصرف تاعك
حركت راسي ايه و مشيت رجعت عندهم
