مافياا ❤️‍🔥🌼

p 24

الحلقة 24 👠

اول ما سمعو صوت رصاص وقفو ملا تفجعت حسام من غير تفكير هز سلاح من ورا كان في حال زامو فك زر الامان سراج كيف وآدم
ملاك: وش كاين هنا
جات ماشية تشوف حكمها حسام من ذراعها بقوة جبدها ورا
حسام: سراج آدم هيا معايا
سراج: بعدو على الشباك ابقاو منخفضين
ملاك: سيبني
تلفت ليها قريب رح يحفر ويدفنها في ارض الصالة
حسام: امشي شوفي ريان بسرعة
بلعت ريقها وهزت حواجبها
ملاك: رجال من جماعتي لي برا هذو
حسام: كي تموتي مش رح ترجع عندك جماعة امشي شوفي ريان وابقاو بعيد على الشباك واذا كشما صرا طلعيها واطلعوا كل لينا في امانتك
كي قال لينا في امانتك فجأة حست حمل كبير تحط على كتافها من جهة حست انو هو يحمي فيها مخلاهاش تخرج و من جهة هو معمل عليها تحميه بأنها تحمي اعز ما عندو هكذا يكونو الإخوة يساندو بعض و واحد ما يخلي خوه يطيح
ملاك : اوكي ديرو بالكم
خرجت طلعت بسرعة عند ريان لي كانت مع لينا والمربية هازة سلاح في يدها وتحط في الرصاصات فيه
ملاك: ريان كلش مليح ؟
ريان: لا لاااا مش مليح شكون وجه الشر لي قاعد يقوص علينا تعرفي بش رقدت لينا شابو شعرات هذو كل و صوت رصاص رجع فيقها اليوم رح ناكلهم بسناني
كملت وجات ماشية حكمتها ملاك
ملاك: شبيك وين هبلتي
ريان: سيبيني انتي شبيك خليني ننزل نشوف وش كاين
ملاك: لا منقدرش ابقاي هنا حتى نفهمو
ريان: سيبيني ملاك حسام تحت وحدو
ملاك: معاه سراج وادم ورجال
ريان: انا لازم نكون معاه سيبيني
ملاك: ريان كون كشما يصير عليك يقتلك و حتى انا خويا و حتى سراج تحت و ادم وكل خايفة عليهم وسمعت كلام حسام وجيت هنا درك نفهمو لي صاير الاول اهداي
وقفو في الباب متخبيين يشوفو في رجال من برا يقوصو على رجال القواة الخاصة
آدم: يخي هذو قوات خاصة نحب نفهم وش الخاص فيهم
طبس سراج نزل
سراج: رح نقرب اكتر
حسام: راني وراك
طبس حتى هو و مشاو خرجو بقاو بعيد على العينين
آدم: واناااا بفففف
حسام: آدم طلع ريان و لينا و ملاك من هنا شكلهم ناويين على شر
قلب عينيه بتذمر
آدم: معرفتش تقلي قبل ما نخرج وراكم تحب نرجع درك بففف
دور على وراه راجع وقت رصاصة جات فوق راسو تماما على الحيط
آدم: واااااو
جبد سلسلة في رقبتو باسها
ادم: عرفتك رح تجيبيلي الحظ
كمل دخل بسرعة للداخل
سراج : شكون هذو
حسام: ن***** رجال مزالو ما وصلوش سراج تعرف الخطة كيفاه ؟
تنهد سراج جبد ڨارو
سراج: انا نقول اليوم يوم حظي
حسام: الأقوى يربح
شعل ڨارو
سراج: الحساب يخلص في 10 اول واحد يوصل يربح
حسام: لا 15 رآهم بزاف
فك زر الامان تع سلاحو و وقف مع الحيط
سراج: ديما نربحك انا في هذي مكانش لي يصوب احسن واسرع مني
حسام: خلينا نشوفو مش بالهدرة نبداو كي نعطيك الإشارة
كمل مشا هكذاك وهو مطبس وقف بعيد وشاف مع سراج وهز يدو فيها 3 اصابع نزلهم 1 2 3 و تحركو في وقت واحد بداو يقوصو على الرجال لي مش معاهم
آدم طلع عند ملاك وريان
ادم : تحركو تحركو لازم نطلعو من هنا
ريان: وش كاين
ادم: منعرفش شكون هجمو علينا جات المربية في يدها لينا
ريان: وحسام وين
آدم: تحت
ملاك؛ ريان هدي روحك توتري فيا اكتر ما راني متوترة
طبس آدم شاف مع لينا
آدم: غطيها وضميها ليك مليح رح تبقاي معايا ريان ملاك سلاحكم معاكم تعرفو تستعملوه؟
ملاك: لا شرطية نستعمل شلاكة ( 👡👡👡) بش نحكم المجرمين
آدم: يا روحي لي يعرف للشلاكة تحركي
حط يدو على كتاف المربية يمشي وراها هازة لينا و ريان و ملاك قبلها يمشيو
ملاك: منين رح نخرجو
آدم : من شباك الكوزينة مش عالي و بعيد على وين قامت القيامة ابقاو بعيد برك على رصاص لي من شباك
نزلو رصاص مرة على مرة يدخل للداخل مرة في الحيط مرة في vase (🍶 لقيت غير هذا يشبه 😂😂) يكسرو كادر يطيح حتى وصلو للكوزينةماشي في الطريق يضرب بصوابعو على الڤولو متوتر من اللقاء هذا كون مش ملاك أصرت عليه هو اصلا طبيعتو مش اجتماعي بزاف منعزل وميحبش الجديد تنهد كي دخل للطريق لي توصل للفيلا من بعيد لمح طوموبيلات عرفهم تابعين ليه ل جمال وقف ونزل حط يديه على راسو ورجع يجري الطوموبيل هز تيليفون منها
أمير: وينك....اسمع نحكي معاك ..رجال من عند شكون داو الأوامر بش يهاجمو الفيلا في طريق ....... كلمهم قلهم يلغيو ....كيفاه متقدرش ....كلم لي في صفي قلهم يحميو لي في الفيلا .
كمل اتصالو هز سلاحو و مشا للفيلا بين الاشجار لي برا بش ميشوفوهش جاي و في داخل تقلبت الحكاية رجعو كاين رجال من جماعة جمال يقوصو على جماعتهم
حسام: خمسة وين وصلت
سراج : 11يا زح منين رآهم يخرجو هذو تقول لم ولاد دزاير كل جابهم هنا
حسام: بركا ما تزيد من عندك
شاف سراج واحد من بعيد صوب على حسام وهو يحكي مشافوش زرب قوص عليه الرصاصة فاتت قدام وجه حسام
حسام: هبلت
سراج: 12
حسام: مايتحسبش
جا واحد يجري عندهم
-ما تقوصوش راني معاكم راني معاكم
هز حسام سلاح في وجهو
حسام: انت شكون
جماعة جمال بصح رانا معاكم احنا تابعين أمير طلب منا نحميوكم
حسام قلبو تقبض كي سمع اسم جمال كان عارف انو رح يبان ورح يدير حاجة بصح ما توقعش بالسرعة هذي زعمة يكون عرف انو حسام تلاقا باخوتو وشكون يكون خبرو
آدم : ننزل انا اول واحد و اعطيني لينا بعدها انزلوا بالوحدة
خرج رجلو من شباك و بعدها خرج شوية راسو يشوف اذا مكاين حتى حد خرج وتلفت ليهم
آدم: اعطيني هيا
حكمها عليها وريان يدها على قلبها
ريان: دير بالك
آدم: هيا ملاك و بعدها ريان هيا
نزلت ملاك بسرعة هزت لينا من عندو وتخبات مع الحيط ريان حطت رجلها وقت واحد دخل للكوزينة
-وقفو
تلفتو هي والمربية ليه بدا يقوص هزت ريان سلاح حتى هي وترجع عليه تصاوبت المربية وآدم حكمها من رجلها جبدها تحت طاحت زرب نوضها
آدم: يعطيك رصاصة في مخك الحابس يا ريان جبتيهم كل هنا درك يسمعو صوتنا
ريان: لااااا خليناها راهي تصاوبت آدم سيبني
ملاك: ااااادم رآهم جاييين ااااع طفلة في يدي
تمشي و تشوف من و من هزت ساك من عند المرا هذيك خبات فيه السكين و العينة دخلت سيبارات كبيرة supérette تمشي منزلة راسها وشعرها مغطي على عينيها وقفت بعيد تشوف في لي يقضيو لمحت واحد يبان لاباس بيه مشات جهة ادوات التجميل هزت روج حطت منو حركت شفافها على بعض وتلفتت ليه
نجلى: تشوف اللون هذا يليق على لون بشرتي
تبسم وحرك راسو ايه
نجلى: مرسي
زادت مشات هزت شيبس و بقات تبع فيه بعينيها كي شافتو رح يخلص راحت وقفت قبلو بعد ما نزلت كتاف الروب شوية حطت الروج و شيبس على طاولة
نجلى: قداه حقهم ؟
-يطلعو ب 200 دج
نجلى: اوكي
دارت روحها تحوس على دراهم في ساك تعها
-مدام هيا ناس وراك
نجلى: سامحيني ملقيتهمش
تلفتت ليه
نجلى: سامحني خويا دقيقة
بقات تحوس و تتفرج مع سكين في ساك
-معليش معليش تفضلي
حط قضيتو على​ طاولة
-احسبيهم عليا
نجلى: لاااا خويا بزاف عليك
-معليش مش حاجة كبيرة
هزتهم تبسمت و خرجت من تم وقفت تاكل في الشيبس و تستنا مقابلة الباب شافتو خارج راحت تجري عندو
نجلى : خويا مرسي بزاف بزاف كي خلصت عليا معلاباليش كيفاه نرد خيرك
ماشي للطوموبيل تاعو وهي تبع فيه وتحكي
نجلى: صدقني ناس كيفك معادش كاين منهم
-لا بلا مزية يعيشك
حل الباب حط القضية وهي رمات الشيبس وحلت ساك خرجت سكين شافت من و من وقربت منو وهو مطبس حطت سكين في جنبو
نجلى: رد بالك تتحرك هذا تغرسو في جنابك نحتاج توصيلة للوسط البلاد
هز يدو مرغوب
-العاصمة ؟
نجلى: ايه
-اوكي كون طلبتي برك نزلي سكين
نجلى: تحرك
مشا طلع وهي طلعت من ورا و بقات تهدد فيه و مشاوقرب أمير من الفيلا من الجهة الأخرى ودخل بش يبقا بعيد على العينين مزال مش فاهم كيفاه جمال هنا وهو كان مسافر اكيد دار هكذا بش يخليهم يرتاحو بغيابو ويضرب ضربتو وهوما على غفلة تفكيرو كل في ملاك بعد ما لقاها كاين فرصة يخسرها
ملاك: اااادم
طل هذاك من شباك قوصو آدم طاح ميت عندهم
آدم: ريان هزي لينا و امشي من هنا اخرجي انا و ملاك رح نعطلوهم حتى تبعدي شوية وبعدها ملاك تلحقك وانتي ابقاي ورايا
هزت ريان بنتها
ملاك: ريان متتهوريش مديري حتى شي مجنون اخرجي وماتشوفي من لا من راني وراك
حركت راسها و مشات تجري آدم جبد ملاك وراه
ادم: ملاك مش شايفتها فرصة تعطيني بوسة خايف نموت وانا عمري جربت بست طفلة
عقدت حواجبها وضربتو
ملاك: ولي كنت دير فيه هذاك النهار
آدم: هي مش انا هههههههه
بداو يقوصو عليهم
آدم: نزلي راسك
حسام و سراج كانو مع رجال تع أمير طبس تخبا هو وسراج ورا طوموبيل لي رجعوها كسكاس من الرصاص
حسام: زح والله كانت تعجبني الطوموبيل هذي
سراج: مستأجرها يا صاحبي كنت حاس رح يصير فيها هكذا الحمد لله ما شريتهاش
جبد حسام نفس طويل
حسام: انا نمشي من هنا وانت من هنا
سراج: لا خليني من هنا نحس الجهة هذي تتوافق مع يدي
مسح حسام على جبهتو
حسام: سراج كون منخرجش حي من هنا ريان و لينا أمانة و حتى ملاك
سراج: رح تخرج دير بالك تموت ندي ريان ونخليك تتعزر في قبرك
حسام؛ ظاهر رح نقتلك بيدي
سراج: نضحك هيا تحرك و ما تموتش منحبش الجنازات
ماشي و يقوص و يضرب حسام مشا مطبس تخبا مع الحيط و في الجهة التانية تاعو أمير واقف متخبي حتى هو
آدم: ملاك شوفي ريان بعدت ؟
تلفت
ملاك: ايه
آدم: هيا حتى انتي روحي
ملاك: منخليكش وحدك
آدم: ملاك يا روحي نعرف تحبيني بصح سايي خلصت بيناتنا تستاهلي لي احسن مني
جات رصاصة في رجلو طاح نزلت عندو تخبي عليه و تقوص
ملاك: نوض يا حمار نوض منخليكش
عاونتو يجبد روحو بعيد وريان كانت خرجت من الجهة الأخرى لقات شوية تع رجال مقتولين لي قتلهم أمير وهو داخل كملت تمشي تشوف من ومن لقات واحد واقف قدامها وهاز السلاح في وجها
نجلى كانت حاطة راسها على الكرسي ودندن مع الغنية لي في الإذاعة وقت صونا تليفون هذاك نقص الصوت
نجلى: شكون ؟
-نقدر نرد ؟ مرتي هذي
هزت حواجبها
نجلى: رد رد على مرتك بفففف
-الو ...يا روحي متخافيش عندي طريق ..منطولش ....لا حد وحدة طلبت نوصلها لوسط البلاد نظن عندها مشكل كبير ....متخافيش من غيرك معندي حد ...اوكي .
قص تيليفون وهي رجعت قعدت وقربت ليه من ورا تحكي قدام راسو
نجلى: هكذا ببساطة تقلها نوصل في وحدة و ما تحكي شي
-ايه هي تعرفني انا وهي عشرة طويلة وعمري خنتها ولا شفت في غيرها
نجلى: تكذب شفت معايا قبيل
-انتي سألتيني على الروج شفت و جاوبتك
نجلى: قلتلي جاك مليح
-لانو هذا هو الصح
عوجت فمها
نجلى: وعلاه دفعت الفاتورة تاعي كون مش ناوي على شي
-شفتك نسيتي الدراهم محبيتش نحرجك
نجلى: تحب تلعبها مسكين بففف مش معايا هاذ الحكايات
رجعت رقدت على الكرسي
نجلى: نعرف جنسكم انتم الرجال كلكم كيف بعض
-واضح عندك كره كبير لينا
نجلى: مش كره عندي بغض عندي قهر لي نشوفو راجل نحبو يتأذى نحبو يتعذب نحب نرجع عندي سلطة نحب نكون كيف هتلر نحب نطيبكم و نخدم منكم كريم ترطيب البشرة تع رجلي
بهت من كلامها
-ومنين جاك الحقد هذا كل
وقفت شافت من الشباك
نجلى: نزلني هنا وقف
وقف على جنب وهي غرست سكين في ذراعو صاح
نجلى: متسألنيش أسئلة كيف هذي و متزيدش تدفع فاتورة تع مرا حمار
حلت الباب ونزلتجبد نفس-افففف يا ريت نعرف ريان وين زح الواحد ما لقاش حتى وقت يودع كون نموت مش رح نقدر نقلها لي نحسو زح الكلب تع جمال لازم يفسد افففف انشاله ميطلع حتى حد ورا الحيط هذا
أمير حتى هو كان قاعد يقرب بشوية و في نفس اللحضة تقابلو و سلاح في وجوه بعض
سراج تبليسا في كتافو طاح و ملاك كانت مع آدم وريان مزالت واقفة اول شي ما عرفتوش بعدها تذكرتو
ريان: انت ؟.....اه قلبي وقف
-راكي مليحة وين حسام ؟
ريان: مزال في الداخل
-هيا معايا لازم نبعدو من هنا
ريان: و حسام
-اول شي نبعدو من هنا بعدها نرجعلو كي نطمن عليك هو طلب مني ندير بالي عليك اذا كشما يصير و اول ما سمعت بلي هدو عليكم جيت
ريان: مش عارفة حتى هذو شكون
-ولا انا عارف هيا هيا
يمشي و سلاح في يدو يخبي عليها هي و لينا وصلو للطوموبيل تاعو حللها الباب طلعت و طلع هو تاني
ريان: كون حتى استنيناهم
-ريان متخافيش رح نرجع ليه
تنهدت و طبست باست لينا من راسها مزالت مفجوعة و تبكي قعدت تهدي فيها
-فرحت يوم حكالي حسام عليها
ريان: مرسي حسام محظوظ لانو عندو شكون يعتمد عليه في اوقات كيف هذي مزلت مذكرة يوم تصاوب وكلمناك يومها كون مش انت كان حسام مات
-حسام نعرفو من وقت كان صغير و معزتو عندي متتصوريش قدماه
ريان: حتى هو يعزك و ثقتو فيك كبيرة حتى انو طلب مني اذا صار عليه شي نقصدك انت اول واحد
-نعرف حتى انا قالي
ريان: نحسو يعتابرك الأب لي عمرو حضا بيه.
- وحتى انا نعتبرو ابني
نجلى كانت ماشية و تلعب بالساك هذاك في يدها وقفت تتفرج مع الفيلا الصغيرة لي مقابلتها جاية بعيد على المدينة و وحدها عوجت فمها-ايييه نهار كنتي رح تتزوجي جمال كان رح يكتب هذي باسمك بفف زعمة تكون فارغة مممم حابة ندخل نرتاح شوية اكيد جمال مش رح يحوس عليا وانا متخبية عندو مش رح يتوقع هذا
ثواني مرت وهوما يشوفو مع بعض نفس لون العيون نفس الانف ونفس تظاريس الوجه لز على سنيه
حسام: نزل سلاحك يا كلب جمال
أمير شاف معاه من فوق لتحت
أمير: سراج شفتو آدم نعرفو رجالك لبستهم موحدة ماتكون غير حسام لي سمعت عليه بزاف حوايج
حسام: حوايج ملاح ولا لالا
أمير: ملاح
حسام: كذبو عليك
ضيق عينيه ويلز على الكلام
حسام: وينو جمال
أمير: انا أمير اذا سمعت عليا
فجأة ملامح وجهو هدات رجعت فيها تساؤل صح الشبه واضح اما مش اي واحد لون عيونو هكذا رح يكون هو أمير وهذا لي مخلاهش يعرفو معرفش اول شي وش يحكي أمير نزل سلاحو وحط يدو على ظهر سلاح حسام و ينزل فيه بشوية
أمير: منيش هنا بش نقتلك جيت بش نعاون
حسام: صح
رجع هز سلاحو في وجهو و قوص
ملاك كانت مع آدم وقت هدا صوت الرصاص و نقص طبست طلت تشوف في سراج مرمي بعيد على الارض مش يتحرك غارق في دمو
ملاك: سرااااج
جات رح توقف تمشي عندو حكمها ادم رجعها وكبش فيها
آدم: ابقاي متخبية منعرفوش اذا راحو ولا مزالو هنا
ملاك: سيبني آدم سيبني
آدم: يمكن يكون مات وانتي رح تخاطري بروحك بلا فايدة
هزت سلاحها حطتو على راسو
ملاك؛ تسيب ولا نخلي مخك يلصق في الحيط وراك
آدم: مديريهاش
فكت زر الامان
ملاك: جربني
آدم: افففف روحي موتي معاه وانا وش دخلني
سيبها راحت تجري عندو
ريان كانت مع صديق حسام كي قربو يوصلو لفيلا و في نفس الوقت وين كانت نجلى قريبة وقت شافت طوموبيل تع جمال جاية هربت تخبات و طل عليه -افففف الهم وش جابو هنا عرفتك يا جمال بلي ما سافرتش
ضيقت عينيها اكتر -شكون هذي لي معاه راكبة
حطت يدها على فمها وقعدت مذهولة كي دخلت الطوموبيل -ريان وش دير هنا مع جمال وش صاير في الدنيا هذي غبت يومين تقلبت كلرجع هز سلاحو في وجهو و قوص غمض أمير عينيه ثواني ورجع حلهم شاف مع حسام لي رجع نزل سلاحو
حسام: كان رح يقتلك
تلفت أمير على وراه شاف واحد ميت
حسام: وش جابك
أمير: احكي بأدبك جيت لانو ملاك طلبت مني
دز حسام ومشا خلاه
حسام: متمشيش كي نكون نحكي
أمير: ويني ملاك
وقف ورجع شاف مع حسام
أمير: ويني
حسام: وشبيك تحكي معلي صوتك اعرف مع شكون تحكي
دور يشوف من ومن دارو مجزرة رجال جمال نفخ ورجع مشا في وجه حسام لي هبل
أمير: ملااااك
ملاك كانت مع سراج لي تصاوب
ملاك: سراج تسمع فيا سرااااج
حل عينيه بشوية يتوجع
سراج: اي..ه
حطت يدها تشوف الجرح وتبسمت
ملاك؛ رح تعيش ههههه متخافش
طبست عليه باستو من شفافو بوسة حنينة
ملاك: خوفتني عليك
هزت راسها تشوف في زوز واقفين بقات طالعة حتى وصلت لوجوهم حسام و أمير
حسام: واااش هذا وش قاعدة تبوسي انتي
أمير: هذا مات ولا مزال
جبد سلاحو وصوبو ليه
ملاك: أمير
حسام: خلي عليك انا نقتلو
وقفت ليهم
ملاك : شبيكم هبلتو راجل قاعد يموت وانتم شوف فش تحكيو
جا آدم يمشي و يعوج برجلو
آدم: انا تاني كنت قاعد نموت و ما باستنيش مخليتهاش اقتل اقتل
أمير: هكذا نخليها معاك بش تخليها دير هكذا
حسام: اعرف وش تحكي يااااااا وسمك
ملاك: اااااي والله متوقفوش غير انا نقتل روحي
حسام: ويني ريان
ملاك: هربت
حسام: نمشي نشوفها وين احسن
خزر في أمير من فوق لتحت و مشا وامير بقا يتبع فيه بعينيه
أمير: بفففف شايف روحو