مافياا ❤️‍🔥🌼

الحلقة الاخيرة

لحلقة الأخيرة 👠

بعد ما وصلو نزلو ورجال نزلو الدراهم
حسام: خبيو كلش متخليو حتى دليل
أمير: ايه بش نقسمو ولا كيفاه
سراج: انا منيش معني بالعملية هذي وتعرفو رايي فيها
مشا من غير ما يطلب قسمة منهم
حسام: سراج
تلفت ليه
حسام: متنساش الليلة مع رجال جمال
حرك راسو ايه ومشا جبد تيليفون تاعو كلم ملاك صونا تيليفون تعها مرات ومش تجاوب كان يخمم انو يحكي معاها صار وقت انو يشرح موقفو وهكذا بعد ما يخلص كلش رح يتقدم رسمي ليها لكن كي ما جاوبتش قرر يمشي للفيلا يشوفها
حسام : امير انت رح تكون مع ملاك في المزاد مش هكذا ؟!
امير : امممممم
خرج ڨارو شعلو ويشوف مع دراهم هذوك كل
امير: والله اذا رجعنا كل املاكك شايف متقعدش قسمة لينا انا والجماعة
حسام : رجعولي الاوتال اهم شي و الفيلا فيها ذكريات منحبش يتمحاو
أمير: مش مشكل هيا تشاوو...
نفخ دخان من بين شفافو ومشا بقا حسام مع آدم
ادم : ايه وش درنا في حكايتك
حسام: مزلت نخبرك في الليل على الأسماء انت هز وش تحتاج بش يوجدولي الاوراق وابدا خدم صوابعك هذوك شوية على البيسي امحي سجلات لي عليا وعلى ريان و لينا
آدم: كلمة يعيشك ولا بليز متقتلش يخي علابالك ؟
هز حاجبو
حسام : وسلاحي يقتل يخي علابالك؟
ادم : صحا برك الواحد كي يشوفك برك يجوع نمشي نشوف قيس و كشما ناكل يخي حالة
مشا وخلاه تلفت حسام للرجال
حسام : كيما وصيتكم
- حاضر مسيو حسام
رجع حسام للفيلا بعد ما كلم الرجال و الطريق تأمنت صار وقت بش يودع ريان دخل شاف مع الرجال
حسام : كلشي جاهز ؟؟!
-جاهز مسيو حسام ورح نمشيو في الليل عند اشارتك
حسام: منحب حتى خطأ مفهوم
-رح يكون كلشي كيما تحبو
حسام : اكيد ولا رح تشوفو لي ما تحبوهش
دخل للداخل شاف مع الجدران هذيك نفخ - مليح انو رايحين من هنا
طلع الدروج الاعلى دقدق وفتح الباب كانت لينا تتكعبر فوق السرير قفل الباب ومشا رقد جنبها وهزها يلعب بيها
حسام : يا روحي انتي وش زين هذا طالعة ليا اكيد
قربها منو وباسها وهي تضحك ملا وجها بالبوسات كلاها ماكلة حتى رجعت تبكي
حسام: سايي سايي ااااف
دخلت ريان تجري كي سمعتها لقاتو معاها
ريان : ممممممم هذا انت
قعد وحط لينا قدامو يسند في روحو بيديه على السرير
حسام: وشكون كنتي طامعة تلقاي
ريان : منعرف مثلا لي طمعت نلقاه كي نحل عينيا الصباح وين كنت ؟
حسام: كانو عندي اشغال صغيرة
ريان : يعني صح رجعت
حسام: ريان من فضلك
ريان: شي راني ساكتة مش رح نقول شي
مشات هزت لينا في حضنها تسكت فيها قلبها يوجع فيها دورت وجها منو وتهز في لينا بش تسكت وقف عندها حوطها بيديه من الخلف وباسها على راسها
حسام: وش رايك ترقديها و ترجعي عندي كلام مهم لازم نحكيه معاك
دورت راسها شافت معاه حاط راسو على كتافها طبعت بوسة على خدو
ريان : اوكي دوك نرجع
خرجت مع لينا وهو تمد على سرير يخمم كيفاه يفتح الموضوع وكيفاه رح تتقبلو ريان
سراج حوس على ملاك خبروه انها خرجت مرر يدو على شعرو ووقف يشوف- تكون راحت للدار تعها ؟!
مشا طلع في طوموبيل متوجه لدارهافي هذاك الوقت ملاك كانت محتجزة وتخمم في طريقة تخليها تقرب منهم ولا تنفرد بجمال
جمال كان قاعد مع احمد
احمد : اخ منك خلطتها كاملة
جمال : المهم انت تعمل لي عليك انا نحب نطلع من البلاد من غير ما يحس علينا حد
صونا تيليفون تع احمد رد عليه
احمد : وي ......وشنو وقتاه هذي ؟ شاف مع جمال
جمال : وش كاين
احمد : اوكي صحيتو اهتموا بالموضوع
قص ورجع شاف مع جمال
احمد : المحامي تاعك طلب سحب مبلغ ظخم تقدر تقول تقريبا كلشي تملكو و وقت حضروه دار عملية سطو للبنك ولسوء حظو وقعت منو كارت تاعو
تنفض جمال من بلاصتو
جمال: موحال يعملها
احمد: راهو يقول انو امير هددو بصح التحقيقات الأولية أثبتت انو امير اليومين لي فاتو كان خارج البلاد
جمال : امير دارها منعرفش كيفاه لكن هو و معاه الكلب حسام عندهم آدم يقدرو يديرو كلش يقدر يثبت انو قاعد درك في ميامي بينما هو راهو في البلاد
احمد : المهم اللي تسرق هو مالك وحتى تكمل التحقيقات ويتوصلو للجاني الفعلي التأمين مش رح يوصلك معندكش نفقة لي تخليك تأمن خروجك من البلاد
جمالا : رح نخليهم يخلصو
خرج تيليفون تاعو كلم واحد
جمال ؛ الو....
حسين : اه اه اه عاش من سمع صوتك خويا الصغير
جمال : مليح تعيش وتشوف
حسين : واش خلاك تتفكرني
جمال : تعرف ***** لي يملكو احمد ******
حسين: نعرفو مليح احمد حبيبي هذاك
جمال : وش رايك كون تجي نتلاقاو ونحكيو عندي فكرة رح تعجبك
حسين : مليح حتى انا قريب ليكم متشوق نتلاقاو كيف ايام زمان
جمال : نستناك ...
قص وشاف في احمد
احمد : وش في بالك ؟
جمال : حسين هو الوحيد لي يقدر يقتلهم كلهم خليه يجي من بعد نتفاهمو
ريان رقدت لينا ورجعت لعند حسام كي شافها قعد على حافة السرير
حسام: اقفلي الباب وراك
قفلتو ورجعت شافت معاه مد يدو ليها
حسام: ارواحي
بصوت حنين مكسور
ريان : حسام وش كاين نبرة الصوت تاعك مطمنش
مشات وقفت بين رجليه حكم يديها بين يديه يمسح على ظهر يديها بإبهامو ويشوف تحت
ريان : حسام ؟!
هز يديها باسهم ووقف يفصل بينو و بينها سنتيمترات هز يدو حطها ورا رقبتها وقرب شفافو من راسها طبع بوسة من بعد حط جبهتو على جبهتها خشمو يلامس في خشمها ( نيفو يعني )
حسام: ريان
ريان : امممم
حسام : تعرفي نحبك
ريان : نعرف ومش...
حط ابهامو على شفتها
حسام: اسسس خليني نحكي ...
سكتت وهو يمرر في يدو على رقبتها غمضت عينيها تستمتع بالإحساس
حسام : انا اسوء واحد في الدنيا و مزلت نفيق ايام ونشوفك انتي ونشوف لينا ونقول وش درت مليح في حياتي بش نستاهل تكونو معايا
ريان : يكفي انك تحبنا
حسام : مش حاب ضيعو من يدي انتم لي رجعتو روحي ليا
هزت يديها مررتهم على طول صدرو
ريان : مش رح نضيعو
حسام: وتعرفي اني سيء تاني في تعبير على وش نحس
تبسمت شبه تبسيمة
ريان: نعرف
حسام: خليني نعبر مالا هكذا
نزل شفافو على شفافها يمرر فيهم يحل حنانة من بعد جبد شفتها بين شفافو وغطس في بوسة مكانتش بوسة تع شهوة كيما كل ليلة ولا بوسة عنيفة كانت أقرب لتعبير عن حب اقرب لواحد يشرح في لي يحب يقولو بالكلام
حسام: انتي قطعة من روحي من يوم شفتك اول ما دفعتيني جهة الحيط تخبي فيا تمنيت نخطفك ليا حاولت كلشي بش ننفي لي نحس فيه معاك مقدرش ومزلت لليوم مش مصدق انو من الدنيا كل اخترتي تكوني معايا
يحكي ويهمس بين شفافها نزل يديها على وسطها حصرها اكتر ليه و باقي يبوس فيها من بعد نزل هزها بين يديه رجليها التفو على وسطو دور نزل على السرير بهدوء وهي تحتو عينيه في عينيها
حسام : وكون يرجع الوقت ورا نمحي كلشي سيء عملتو معاك
حطت يدها على فمو
ريان : اصلا نسيت
حسام : ريان
ريان : نسمع فيك
حسام : عندك ثقة فيا ؟
ريان : اكتر من روحي
نزل يبوس فيها على رقبتها وهي ذابت معاه
حسام : اذا طلبت منك طلب تنفذيه من غير ما تسقسي
حكمت وجهو بين يديها بعدتو شوية بش تقدر تشوف ملامح وجهو عينيه يحكيو على لي يحس فيه قدرت تفهم انو الموضوع مهم وانو لمرة في حياتها لازم تسمع من غير ما تناقشو
ريان : احكي
حسام : لازم نبعد عليك انتي ولينا ايام
شهقت وحركت راسها لاااا
ريان: نوووووو لا لا حسام غير هذي متحكيش فيها البعد مكانش
حسام: ريان ديري فيا ثقة
نزلو دموعها تعرف انها المرة هذي لازم تكون معاه لكن قلبها رافض
ريان : نوووووو حسام
حاكمة وجهو بين يديها دموعها موقفوش وتبوس في كل بلاصة من وجهو
حسام: ريان وعدت نرجع يخي
جبدت شفتها بين سنيها ولفت يديها على رقبتو وجبدتو لحضنها وكبست بكل قوتها تحب تخبيه عندها باش ما يروح لحتى بلاصة
ريان: نقتلك كون تموت نقتلك كون ما ترجعش
حسام: نرجع يا روحي نرجع وعد مني حتى لو كان اخر شي نديرووصل سراج لدار ملاك نزل دقدق الباب مكانش قلق مش عوايدها تختفي هكذا فجأة بدأ يشك انو يكون هو السبب جبد تيليفون تاعو كلم امير
سراج : الو .... وينك
امير : نحوس على ملاك اذا راهي معاك قلها ترد عليا وماذا بيك تبعد شفافك عليها
نفخ قلب عينيه من هدرتو
سراج : انا كلمتك بش نسقسيك ويني
امير: منعرفش كنت نظن هي معاك
سراج : لا مش معايا
امير : اوكي انا نروح نشوف في دارها وانت شوف آدم يمكن راهي معاه
سراج : كنت درك في دراما
امير : رح ننسا وش قلت درك كي نلقاوها عندي حديث طويل معاك
قص عليه سراج ومشا
ملاك كانت في طوموبيل تضرب بكل قوتها تحب تخرج مقدرتش طوموبيل تمشي وهي خايفة وش يمكن يصير فيها
اما ريان كانت تجمع في ثيابها
ريان : يعيشك انتي كملي وانا ننزل نودع ملاك
-حاضر مدام
نزلت تحوس على ملاك ما لقاتهاش سقسات حد ما شافها
ريان : وين تكون راحت هذي
مشات لعند حسام دخلت للمكتب
حسام : كملتي ؟!
ريان : نوو حبيت نودع ملاك مكانش وين هي ؟؟
عوج فمو
حسام : معنديش فكرة يمكن خرجت وين نعرف
ريان : مش عادتها تخرج من غير ما تقول وين
حسام : درك نكلمها انتي جهزي روحك
قربت منو حضنتو وتمرر في شفافها على خدو ولحيتو
ريان : يخي مطولش علينا ؟
حسام : اكيد يا روحي
ريان : اوكي
جات ماشية رجع جبدها لحضنو
حسام : كنت رح نسألك
ريان : وشنو ؟
حسام : وش الاسم اللي تحبيه اكتر شي
ريان : اسم ؟ اسم واش مثلا
حسام : تع رجال
تبسمت
ريان : نحب اسم حسام
حسام : لاااا قصدي تحبيه مش انا اسم اختاري اسم
ريان : حسومتي
حسام : هههههه لاااا ميجيش
ريان : علاه وش دير بيه
حسام : قولي برك
ريان : حوحو هههههههههههه
تبسم وحكم وجها بين يديه وعضها من خدها
حسام : مريضة انتي تع صح
ريان : قلتلك مريضة بيك هههههه
باس يدها وقعد ثواني يتأمل فيها يعشقها خلاتو يعيش المراهقة الحب المجنون اللي عمرو جربو وشافو تعلمو معاها
حسام : خليك ديما هكذا قوية و انتي هي الضحكة تاعي
ريان : طول ما انت معايا انا رح نكون قوية
حسام: حتى لو بعدت عليك نحبك قوية
نزلت راسها
ريان: وش الهدرة هذي
حسام : نحتاج توعديني تبقاي قوية
ريان : اووف متحكيش هكذا نبدا نخاف ونمشي نفرغ الفاليز كل
حسام : ريان !!!
قعد يثبت مع عينيها تنهدت
ريان: نوعدك
رجع حكم وجها باسها على شفافها
حسام: ديري في بالك انو نعشقك
ريان: وانا نموت عليكوقفت طوموبيل حست عليها تكمشت في روحها قلبها يضرب خايفة تحل صندوق الطوموبيل
-انزلي
ملاك : سيبني ااااع
حكمها خرجها من طوموبيل تفرفط وتصيح
حسين : اقفللها فمها مليح هذي وحطها مع جماعتها الليلة يمشيو
ملاك : انا من الشرطة رح تندمو اااااااااا
حسين : كنتي من شرطة درك راكي سلعة عندي
ملاك : انت اسوء من جمال حتى يا كلاب رح تدفع الثمن خواتي رح يطلعو روحك من بين عينيك اكيد تعرفهم
تبسم
حسين : شكون خواتك
ملاك : امير وحسام عبد الكريم رح يلقاوك انت والكلب جمال وأحمد رح يعرفو وش درتو ورح تندمو
حل فمو داهش من لي تحكي فيه
حسين : انتي اخت امير وحسام ؟ ملاك ؟!
سكتت تشوف معاه وقت من بعد جاوبتو
ملاك : ايه بنت جمال انا وكنت عندو بش نقتلو ونطلع بروحو ورح زيد تموت انت تاني
بلع حلقو وشاف مع اللي حاكمها
حسين : اديها لعندي فورا خليها في القبو راني جاي عندي اتصال لازم نديرو
مشا بسرعة هز تيليفونو
ملاك : سيبني يا كلب سيبني والله حسام وامير يعملو فيكم كي يعرفو انا وين سيبني
حسام في هذاك الوقت اتصل بآدم
حسام : وينك
آدم : هذا وين داخل الفيلا وانت وين ؟
حسام : تلقاني تم
دخل آدم يشوف من ومن ومشا يحوس على قيس شافو مع المربية قاعد ومعاهم لينا
آدم : قيس ....
تلفت ليه وضحك
قيس : آااادم .....شوف وش ندير
قرب منو يتفرج مع الرسوم لي رسمها
آدم: وش هذا ؟
قيس : هذا انا ....ماما .....لينا ....
آدم : وانا وين ؟
قيس: ايه نسيت
طبس يرسم فيه
قيس : آدم هذا
حضنو وباسو
آدم : ناكلك طالع حلو كيف باباك ههههه
شاف معاه يمسح على شعرو
آدم : توحشت ماما ؟
قيس : نوووووو
حرك راسو لاااااااا
آدم : علاه
حضنو وكبش فيه
قيس : منروحوش عند ماما حبهاش
آدم : قيس ....
شاف مع المربية هزت حواجبها
آدم : ماما ضربتك ؟
-مسيو ادم كاين اثار ضرب وحروق على بدنو كي بدلتلو محكيت لحد قلت حتى نقلك
عض شفتو وكبس عليه في حضنو دمعة محصورة في عينو
دخل حسام
حسام : واش سي شباب انا نستنا فيك وانت هنا تحضن وتبوس
دخل هز رسمة تع قيس
حسام : ياه شوف يعرف يرسم خير عليك هههههههه
خطفها ادم من يدو
حسام : شكون هذو ؟
قيس : انا ....ماما ......لينا ... آدم
حسام : ااااه بلعقل وش لينا تطلع كي باباك والله تكحل عليها نقتلك
آدم: ايييه تلقا كيفو وتقول لا
طلع حسام حاجبو
حسام : ديجا نوض نوض قبل ما نقلق امشي نحكي معاك
آدم: دير بالك عليه
خرج مع حسام
حسام : وش درت في حكايتي
آدم: سايي رانا فريناها
حسام ؛ ولقيت شكون ينتحل هويتي
آدم: ايه كاين
حسام : مليح خلي الاسماء كلها كيف ماهي والي رح يهز اسمي اقتلوه و تأكد من أنك شوهتو بحيث واحد ما يتعرف عليه
طبطب على كتافو وجا ماشي نزلت ريان
ريان : خير انتم الزوز وش تتهامسو
آدم : كنت نقلو وقت غذا ....مش هكذا ؟
ريان : ههههه حتى ولدك طالع كيفك كل شوية يحب ياكل يجنن يخي وين كنت مخبيه علينا هههه
حسام : وش لي يجنن نتي تاني
قربت حضنتو
ريان: انت تجنن اكتر
شبح وجهو يتظاهر بالقوة قدام آدم
حسام : ريان وش حكينا
آدم : هههههههه ملعيش كلنا علبالنا ريان هي البوس هنا ههههههههههه
ضربت كفها في كف آدم
ريان : صحيت هههههههه
حكم حسام يدو عوجها
حسام : اخر مرة تحط يدك في يدها ....شكون البوس احكي
آدم : ههههه انت سايي
ريان : اكيد انت يا روحي سيبو
سيب يدو وجبدها لحضنو
حسام : واذا عندك شك هيا نأكدلك شكون لي يحكم
تبسمت بخبث
ريان : انت لي تحكم هههههههه
آدم: جماعة غرفتكم فوق هنا كاين ولاد قل على 18
دزو حسام وعينيه مزالو في عينين ريانآدم: اوكي رح تروحو تفريوها درك بش نرجع من بعد نحكي مشكلتي ولا تحبو نحكي من بعد تتناقشو فيها وانتم تفريو فيها فوق خخخخخخ
دورو شافو معاه
ريان : ايييييييييع
حسام : وش مشكلتك نتا
آدم: قيس .....
ريان : شبيه قيس
آدم: نظن كان يتعرض لسوء المعاملة ومش عارف وش ندير راني في الوقت الحالي منقدرش نكون اب ليه و منيش حاب نمدو لدار الايتام راهو لحد الآن شاف بزاف
ريان : شكون قالك
آدم: سألتو على امو قال ميحبهاش والمربية قالت كاين اثار ضرب وحرق على بدنو
حطت ريان يدها على فمها
ريان : يا روحي مسكين
حسام : شكون ال..... امو هذي وين هي
آدم: سافرت منعرفش وين
ريان : خليه معاك آدم
آدم: حياتي داخلة بعضها منقدرش
حسام : خليه مع ريان احسن شي
شاف معاها وحكم يدها
حسام : رح تكون المربية معاك
باس يدها
حسام : وش رايك
آدم : حتى نظم اموري وحياتي
ريان : ايه اكيد اصلا عاقل و يجنن معنديش مشكل
آدم : مرسي
حسام: ايه هيا نفريوها درك
سحبها وراه وهي وجها طلع احمر