36

130 3 0

by marwakirat

by marwakirat

الحلقة 36
وقف كي رجع واحد من الرجال بعدو
-هيا تحرك من هنا
رجعنا للاوتال للمكتب وبقيت نخمم في الكلام لي قالي عليه هذاك قعدت بين نارين سراج رافض بصح حياتو لي في اللعب
حسام: صباح الخير يا شمس نهاري
شفت معاه عوجت فمي
-صباح الخير يا ظلام حياتي
حسام: ههههه ونقول علاه تعجبيني متخافيش متحتارميش وتخليني نضحك يعني هذا لي بيناتنا درك ؟
-انا وانت مكانش حاجة بيناتنا
حسام: كاين الكره هذي علاقة الحب و الكراهية في نفس الوقت
-انت متوهم كبير ظن النسا كل كيف لي جات تدي الضريبة
ضرب يدو على المكتب وضحك
حسام: هه قلتلك كاين حاجة بيناتنا ولا مكنتيش تحكي عليها
-ابقا تخيل
حسام: ايه درك كنت نخمم واش يمكن يكون عقابك على صحانية وجهك
بلعت ريقي وشفت معاه ثقوب تاع الاسهم مزالو ما رتاحوش واش ناوي درك اه يا لساني
حسام: واش رايك في خرجة ؟ موعد يعني ؟
-منخرجش في موعد معاك
حسام: ايه صح فكرة مش مليحة يعني اول فكرة خطرت في بالي احسن
-وش هي
حسام: تقدميلي عرض كيف تاع اخر مرة بصح مع موسيقى شوية مؤثرات
يحكي و عينيه ضاقو اكثر
حسام: تعرفيني نقدر نخليك ديري اي حاجة
-اوكي موافقة على خرجة
حسام: ايه اوكي هيا انا نروح و مش راجع اليوم
الصباح نضت بكري درت دوش لبست روب نوار تفتق عدلت شعري مكياج خفيف لبست المونتو تاعي و خرجت سراج كان يستنا فيا كنت متحمسة نعرف واش يحبني نشوف ويحب ياخد رايي فيه كيما يقول شفتو واقف يستنا لابس بلونوي جا عليه يجنن تبسم من بعيد كي وصلت لعندو قرب باسني من خدي خلا وجهي يشعل من السخانة لي حكمتني
سراج: تهبلي كي العادة
حل الباب ومدلي يدو طلعت قفل الباب كيف الجنتل مان ورجع طلع من جهة شوفور مش رايحين معانا رجال تاعو فرحت
سراج: قلت نروحو الاول للسبيطار تشوفي باباك بعدها نمشيو
تلفت ليه حليت فمي
-يااااه هيه والله متمنية نروح نشوفو قالولي ممنوع
سراج: معايا واحد ما يحكي معاك
رحنا لعند بابا طمنت عليه كل مرة يعمللو دوا يحظرو فيه للعملية بعد ما شفتو وطمنت رجعت لعند سراج ورحنا وين المفروض نروحو خرجنا خارج المدينة
-سراج مش رح تقلي وين رايحين
سراج؛ خلي عندك شوية صبر قربنا تنهدت ورجعت نخزر الطريق بعدها حطيت راسي على مسند الكرسي وتتفرج معاه هو عينيه مركزين في الطريق رموشو طويلة تخليني نتبسم وحدي كي نشوف معاهم ترسمت تبسيمة على شفافو و شاف معايا
سراج: هههه رح تكملي طريق تتفرجي فيا هكذ؟
حركت كتافي تع لا مبالات
سراج: ههههه خليني نركز مع الطريق
-ركز شكون منعك
سراج: عينيك
قالها بصوت عميق قصف قلبي ايي وجهي طلع احمر حطيت يديا عليه ودورت
سراج: انتي تحشمي و تلعبي لعب مكش قدو ههههه
كملنا الطريق ضحك و حكايات حتى وصلنا
سراج: رانا وصلنا انزلي
حليت الباب نزلت ارض صغيرة و في وسطها دار بلون ابيض تخطف العقل بقيت باهتة
سراج: عجبتك ؟
-هذي ؟ جبتني نشوف دار ؟
سراج :هيا
حكم يدي و مشينا للدار وانا غير نرمش بعينا داهشة حل الباب ودخلنا واسعة و مضخمة تلفت ليه