مافياا ❤️‍🔥🌼

74

👠 الحلقة 74 👠
كملت مسحت فمي دقدق الباب
حسام: وصل عشاك الحار
تبسمت وهو راح حكم عليه ورجع حطو قدامي
-تاكل معايا ؟
حسام: ايه راكي كليتي صحني كل حط ليا و ليه هزيت ناكل مممم واش بنين بقيت ناكل من بعد شفتو بعد صحنو
-شبيه ؟
حسام: معجبنيش بزاف
-علاه مليح
حسام: نووو حار بزاف
عوجت فمي و رجعت ناكل مممم صح شوية حار افف دزيت الصحن
-معجبنيش
انا قلت هكذا وهو تقول معرف واش قلت فسخ ضحك حط يديه على وجهو ويضحك عينيا رجعو قلوب عمري شفتو هكذا يضحك حتى صوت ضحكتو يقتل رجعت نتبسم وحدي كي المهبولة وقف الضحك و شاف معايا عض شفتو أي قلبي وقف رح نطيح وشبيا انا حطيت يديا على خدودي وهو باقي يشوف
-واش ؟
حسام: يعني الوحم هكذا يدير فيك ؟
-يدير واش ؟
حسام: مكش فايقة ل روحك ؟
حركت راسي نووو
حسام: هههههه ربي يعطيني صبر
-علاه وش كاين
حسام: مش عارف لي نقول عليه مليح يعجبك ولي نقول عليه نوو ميعجبكش يعني من جهة مليحة عالاقل رجعتي تسمعي كلامي
-لا مكانش منها صح معجبنيش حار حتى ذقت مليح منو بش حسيت
حسام: واللحم
-لي كان عندي معجبنيش خيرت انت احسن قطعة
حسام: اوكي كيما تحبي ههههه
رجع يضحك
-بركا ما تضحك
حسام: مقدرتش هههههه
عوجت شفافي كيف الولاد الصغار
-اقعد وحدك اشبع ضحك
حسام: نو نووو استناي عندك وين رايحة
تلفت ليه مسح فمو ووقف لعندي مرر يدو على شعرو
حسام: عندنا امر لازم نفرزوه واضح نسيتي عليه
-واش هو
حسام: تفضلي من هنا
بعدت شعرات من وجهي و مشيت دروج ينزلو تحت للقبو يعني شكلو مش قبو خلاص احسن من الدار تعنا القديمة مشينا من بعد حل باب غرفة
حسام: ادخلي
دخلت شعل الضو سلاح في كل الحيط من و من الانواع كل من الصغير للكبير حليت فمي باهتة نسمع في واحد تلفت لقيتو لي تحرش بنسمة ضيقت عينيا وتفكرت لي دارو كان مربوط في كرسي فمو مقفول وجهو مدمدم اكيد شبع خبط وضرب شفت مع حسام
-علاه راهو هنا الكلب هذا
ربع يديه لصدرو و يشوف معاه سند ظهرو للحيط
حسام: انتي لي رح تتحاسبي معاه
خزرت فيه ومشيت عندو
-يا كلب يا هامل طفلة صغيرة كيفاه قدرت دير هكذا يعطيك قصة ليديك هذوك
حسام: ههههههههه سلمي على راسو وقوليلو ربي يصلحك احسن
رجعت شفت مع حسام لي جا عندي حط يديه على كتافي و دورني للحيط لي فيه السلاح
حسام: خيري لي يعجبك و استعمليه
بعدت منو وشفت معاه باهتة
-وش قصدك ؟ نقتلو ؟
حسام: ايه
-لااا محال
قلب عينيه ومشا هز سلاح صغير يقلب فيه هك و هك
حسام: هذا m 1911 a نصف الي مصنوع في ايطاليا الطول: 216.9 مم الوزن تاعو وهو مشارجي 1160 غ من 50م تقدري تقوصي
السرعة 375م/ثانية هذا احسن سلاح تقدر تهزو مرا
مفهمت والو من لي حكاه هو مشا لعندي حطو في يدي دورني لعند هذاك جبد صبعي حطو على الزناد رجعت نرجف
حسام: تفكري واش دار
جبد زر الامان و واقف من ورايا يحكي يدو على كتافي
حسام: مسها وهي اكيد كانت تبكي و خافت
الحقد في قلبي غير يزيد وانا نسمع فيه يحكي
حسام: ايماجين كون محكاتش تصوري تمادى معاها اكتر تصوري انك خليتيه يعيش و يروح لغيرها ويمكن يغتصب و يقتل بنات صغار
رجعت نشوف فيه ظلمة مشيت طول لعندو نصيح عليه حطيت السلاح على راسو
-يا كلب نقتلك درك هنا
بعدها هزيت يدي ضربتو كف و كف أخرى و رجعت نبكي حتى حكمني حسام نحالي السلاح من يدي
حسام: لازم تقتليه
صوب السلاح ليه وقتلو ببساطة حطيت يدي على فمي باهتة مش مصدقة رغم اني شفت بزاف لليوم مزال كل مرة يقتلو واحد نتأثر
حسام: لازم ديريها اليوم ولا غدوة تصوري واحد يحب يقتلك و انا منكونش معاك تخليه يقرب عليك
حركت راسي لاااا
حسام: تخليه يدير حاجة تأذي ولدك
حركت راسي لاااا
حسام: خلاص مالا هذا لازم
جبدني لحضنو يهدي فيا و من بعد خرجنا من الغرفة هذيك