وقفت وانا جيت ماشية
حسام: انتي ارجعي هنا
رجعت نرجف من الخوف ليوم يندبلي واش جابني علاه درت هكذا فاه كنت نخمم يا ربي خرجت هذيك قفلت الباب وراها قلبي طاح
حسام: واش كاين ؟
بلعت ريقي للمرة الألف
-شي
قلبي وقف كي شفتو جبد الاسهم الصغار تاعو اه ما تقليش راح تعاود واش درت اخر مرة حطهم على المكتب و دزهم عندي
حسام: هزي هذو
-علاه؟
حسام: اذا دخلتي ولو وحدة في النقطة الحمرا مش رح نعاقبك واذا ضيعتيهم في خمسة رح نعاقبك على المقاطعة تاعك لاجتماعي
هزيتهم ويديا يرجفو مشيت وقفت قريب للوح
حسام: وش رايك تحطيهم بيدك مش احسن
تلفت شفت معاه
حسام: ارجعي ورا راكي قريبة بزاف
رجعت خطوات ورا و رميتهم واحد ورا الثاني كلهم ضربو فيه وطاحو مش حتى لصقو عضيت شفتي
حسام: احم يعني العقاب
-بصح منعرفش نلعبها
حسام: مش غير متعرفيش انتي اسوء لاعبة يمكن رح نشوفها في حياتي كل
-وش هو العقاب
حسام: نحي الساعة من يدك
طلعت حاجبي و حليت الساعة نحيتها
حسام: حطيها هنا
حطيتها على المكتب ومزلت نشوف معاه خايفة
حسام: ايه عقابك رح يكون الفصل انتي مفصولة من جماعتنا من اليوم انتي مش منا متحكيش علينا متذكريناش و معندك شي يربطك بينا
حليت فمي من الدهشة رمشت مرات بش نقدر نستوعب لي يحكي فيه وجهي طلع ابيض شفافي يبسو انا كلي يبست مش عارفة نفرح ولا لالا
-تحكي صح
حسام: ايه الفرصة هذي غيرك يحلم بيها المفروض تفرحي
-فرحانة
الحق مكنتش فرحانة انا اصلا مكنتش حاسة كأنو طحت في فراغ
-سراج نقدر نشوفو
عوج حواجبو هز الساعة رماها في سلة المهملات عندو وشاف فيا
حسام: تقدري
نزلت راسي ومشيت زوز خطوات وتلفت
-هذا كل لاني دخلت بلا اذن؟
حسام: ايه
-و بابا
حسام: هذاك موضوع خاص معندوش علاقة رح يكمل يتعالج
-اوكي مرسي تحب نكمل النهار ولا نقدر نروح
حسام: كيما تحبي
خرجت قفلت الباب ورايا وقعدت على الكرسي تاع مكتبي رجليا مش هازيني وين نروح يعني نرجع نسرق ؟ رغم انو فرصتي بش نبعد من هذا كل بصح علاه حاسة هكذا واش كون مش حابة نبعد وقفت خليت كلش اصلا جيت بيديا فارغين ماشية في الرواق هذاك جهامة بلا روح شبيك ريان فرصتك تهربي من هذا علاه حاسة هكذا كنت نحكي مع روحي نحبها تجابوني خرجت من الاوتال ماشية سراج ههه اخيرا هاهو ظهر هنا يوم انا فصلوني مشيت لعندو اول شي حب يعمل روحو مشافنيش بعدها وقف
-صباح الخير
سراج: وش هو الميساج لي بعتيلي مش قلتلك نحبك تبعدي على الحكاية هذي
-علاه متردش عليا ؟ شاك فيا؟
سراج: منيش شاك فيك بصح كل ما نطلب منك حاجة تعملي عكسها وش تستناي ندير قلتلك بعدي على مسيو حسام مش حاب تكوني في اي نوع من الخطر متفهميش و واش تعرفي احكيلي
-منعرف شي قلت هكذا بش تكلمني و راني تفصلت
سكت يشوف
سراج: مفهمتش
هزيت يدي نعتلو فيها
-شوف مكانش ساعة غير تاتو هذا قالي اني مفصولة و ما نعني لهاذ المجموعة شي
سراج: مش من عاداتنا تفصلو
حط يديه على كتافي
سراج: عندك فرصة اذا ضيعتيها رح تندمي حياتك كل بعدي من هنا و ماترجعيش
-وانت ؟
سراج: الاحسن منزيدوش نحكيو
حسيت كلامو كيف سكين في قلبي نزلو دموعي وهزيت يدي ضربتو بكف
-صح ماهو قضيت حاجتك مني واش دير بيا
مشيت نجري خرجت من تم دموعي تجري على خدي مش عارفة واش ندير من اليوم و روح
