92

112 3 0

by marwakirat

by marwakirat

👠 الحلقة 92 👠
طريق كل وحنا نسمعو في تهديدات من حسام لي راكب من ورا حتى وصلنا لمبنى مش عارفة واش ولا تابع لشكون وقف سراج حكا مع لي في الباب حلو ودخلنا للداخل نزل سراج وانا تلفت ل حسام لي كان يغلي
-حسام ؟.
حسام: غير متحكيش ريان ...اسكتي احسنلك
حل سراج الباب من ورا
سراج: انزل
حليت الباب ونزلت حتى انا نزل حسام و مشينا هو يخض و يتوعد فينا
حسام: رح نتفاهمو عليها
سراج ماحكى حتى كلمة مشيت وراهم طلعنا في دروج ودخلنا مكاتب و حجرات كيف مركز شرطة بصح مش مبين انو واحد منهم
سراج: رح تبقا هكذا حتى توافق تتعاون معانا
حسام: رح ندمك يا سراج
دخلو لغرفة زنزانة وقفل عليه
حسام: و يديا ؟
سراج: يقعدو هكاك
تبسم على جنب شفت معاه
-سراج ؟!!
حط يدو ورا ظهري عينين حسام قريب كلاوه
سراج: ارواحي نديك لغرفتك و نحكيو
حسام: سراااااج ....
مشينا و خليناه مع انو حسيت بذنب بصح منحبش نتراجع نحب نعيش متهنية بعد هذا مشيت مع سراج لغرفة
سراج: سامحيني على الغرفة رح تبقاو هنا حتى ننقلوكم لدار بعيد وين ما يلقاوكمش
-وحسام اذا رفض يتعاون
سراج: لازم يوافق معندوش خيار
تنهدت وشفت تحت
سراج: مضطر نخليك درك
-اوكي مرسي
الصباح قررت نروح نحكي مع
حسام وافق اخيرا واقتنع وقرر يساعد دخل سراج عندو يتبسم يستفز فيه خلا حسام يزيد ينقم عليه
حسام: هيا حلي يديا
يحكي و تروق جبينو واضحين من الغش
سراج: دور
عملو بصبعو أتلفت جبد المفتاح تلفت حسام بظهرو بش سراج يحل المينوت ورجع شاف فيه حاكم معصم يدو يمسد فيه بصوابعو ويحرك في يدو عاقد حواجبو
سراج: مستعد بش تشاركنا اللي تعرفو
حسام: مستعد بصح كاين حاجة قبل
هز يدو وضرب سراج بونية لوجهو قريب كسرلو فكو
حسام: هذي لانك هزيت سلاح عليا ولانك حطيت يدك على ريان و نظراتك ليها معجبتنيش
وقف سراج حاكم في فكو
سراج: معليش حقك
قلب حسام عينيه منو و مشا ليا حكمني من ورا رقبتي جبدني لعندو
حسام: وانتي حسابنا من بعد
كل لي درتو اني تبسمت مع انو وجعني سيبني بعدها
حسام: ايه واش تحبو تعرفو
سراج: قضايا نحبك تشوفها وتقلي شكون كان متورط فيها تفضل معايا و ريان تقدري ترجعي للغرفة
خزر فيا حسام خلا دم جمد في عروقي مغشش مني صح المرة هذي مشا هو و سراج وانا رجعت لغرفتي
___________
حسام: ايه واش تاني تحب تعرف
سراج: نحبو نعرفو اماكن تواجد تعهم و معلومات تفيدنا
حسام: صعيب تلقاهم كل مرة يتحركو والاماكن الواضحة يستعملوها تمويه فقط
مشاو لغرفة تحقيقات وين كانو أصحاب سراج
سراج: ادخل
دخل يديه في الجياب ويشوف من ومن وكلهم بقاو باهتين معاه
حسام: هههه صحيتو كملو واش ديرو انتم امل البلاد هذي وراهي في امانتكم
دزو سراج من كتافو
سراج: تحرك يزي بلا حكايات
حسام: تزيد تحط يدك عليا متفراش و راني جيعان
يتبع فيه و هاز صبعو يهدد قعدو في المكتب و واحد جاب دوسيات طوال عراض حطهم على المكتب
سراج: مرسي تقدر تروح
حسام قاعد رجل على رجل يتفرج فيهم ويتبسم
سراج: تقدر تبدا تشوف هذو وتقلي وش تعرف عليهم
حسام: منقدرش نركز وانا مكليت شي
سراج: كي نكملو من هنا تقدر تاكل
نفخ و هز اول دوسي
حسام: امممم جريمة قتل في الميناء البحري عنصرين من الشرطة و مدني
سراج: واش تعرف عليها القضية هذي بقات معلقة
حسام: هذا يحب يفهم بزاف واش يجيب مدني لهذيك البلاصة يعني
سراج: مقلتلكش حللي القضية قلت وش تعرف عليها
طبق حسام الدوسي ورماه على المكتب
حسام: انا مسؤول عليها مكانش مفروض يكونو تم
ضيق عينيه سراج وكبس يديو
حسام رجع هز واحد تاني حلو ورماه
حسام: انا
سراج: مشفتش حتى لي فيه
حسام: من الصور عرفتو
هز التالت