Unicode
ပင်လယ်ကမ်းနံပါးဘေး ဖောက်ထွင်းထားတဲ့ ဟိုက်ဝေးလမ်းမကြီး၏ ကောက်ကြောင်းဟာ ပြေပြစ်ပြစ်။
အနောက်က ထပ်ကျပ်မကွာ လိုက်သည့် မနက်နေရောင်ခြည်ကသာ အရှိန်တစ်ခုဖြင့် ထိုလမ်းမထပ် မောင်းနှင်နေသော ကားလေး၏ တစ်ခုတည်းသော အဖော်မွန်။
နေခြည်က တောက်သည်။
လှုပ်လီလှုပ်လဲ့ ရေလှိုင်းများအပေါ် ရောင်ပြန်ဟပ်တော့ ပတ်ဝန်းကျင်ဟာ ရွှေရောင်တဖိတ်ဖိတ်။
ကားအတွင်းလေထုဟာ ခပ်မျှင်းမျှင်း အသက်ရှူသံတွေကလွဲရင် ငြိမ်သက်နေဆဲ။
ကမ်းနံရံကို ပုတ်ခပ်နေသော လှိုင်းသံတွေနဲ့အတူ ဂျယ်ယွန်၏ မွန်းကျပ်ကျပ် သက်ပြင်းချသံတွေဟာ ရောပြွန်သွားရသည်။
အချိန်တန်လို့ သူ့နေရာနဲ့သူ ပြန်ရတဲ့ အိမ်ပြန်လမ်းတွေဟာ ဘယ်တုန်းက ဒီလောက်တောင် ဝမ်းနည်းစရာကောင်းသွားတာပါလိမ့်။
တူညီတဲ့ လမ်းဖြစ်နေတာတောင် ဒီအိမ်ပြန်ခရီးဟာ တော့ လွမ်းမောဖွယ်အတိ။
ကြားဖူးတာ သိပ်မကြာသေးပေမယ့် တိုးသဲ့သဲ့ သီချင်းညည်းသံလေးအား ဂျယ်ယွန်း လွမ်းမိပါရဲ့။
ထိုအသံပိုင်ရှင်လေးဟာ သူနဲ့အခုလက်တစ်ကမ်းစာလောက်ပဲ ဝေးနေရက် ဆိုရင်တောင် ရင်ထဲ ဆိုးဆိုးဝါးဝါး လွမ်းမိနေလေရဲ့။ကျော်လွန်လာခဲ့တဲ့ မိုင်တိုင်တွေရဲ့ နံပါတ်စဥ်တွေဟာ တဖြည်းဖြည်း လျော့နည်းလာလေလေ ခရီးလေးရဲ့ အဆုံးသတ်ဟာ နီးလာလေလေ။
ကုန်လွန်လာသည့် အချိန်တွေနဲ့အတူ နေရောင်ဟာလဲ ပျောက်ကွယ်လုနီးနီး။
ခရီးတစ်ထောက်တောင် မနားပဲ ဆက်တိုက် မောင်းနှင်းခဲ့ရတာမလို့ အကြောတွေတောင် တောင့်တင်းနေသလိုပင်။တစ်လမ်းလုံး နှုတ်ဆိတ်နေသူလေးအား အကြိမ်ပေါင်းများစွာ တိတ်တခိုးကြည့်ပြီးတာတောင်
မနေနိုင်စွာ နောက်တစ်ကြိမ် နောက်ကြည့်မှန်ကနေတဆင့် ကြည့်မိတော့
မှန်ပြတင်းကို ခေါင်းမှေးတင်ရင်း အိပ်မောကျနေသော ကောင်ငယ်လေးအား တွေ့ရသည်။
ချမ်းစိမ့်စိမ့် အဲယားကွန်းလေကြောင့်ထင်သည်။ လက်မောင်းလေးနှစ်ဖက်အား အချင်းချင်း ပြန်ထွေးပိုက်ထားရင်း ခပ်ကွေးကွေးလေး အိပ်မောကျနေလေရဲ့။
ပါးမို့မို့လေးတွေ ရဲတက်လာသည်အထိ အအေးပိုနေသူလေးကြောင့် စိုးရိမ်တကြီး အဲယားကွန်းကို ပိတ်လို့ အပူပေးစက်အား အရှိန်တင်မိသည်။
မှန်ကနေတဆင့် အရိပ်တကြည့်ကြည့်ကြည့်နေရာမှ အမှတ်မထင်စွာ မြင်လွှာထဲ ဝင်ရောက်လာသည့် မြင်ကွင်းကြောင့် ဂျယ်ယွန်းအကြည့်တွေဟာ စောဒကမရှိ ဖယ်ခွာရပြန်သည်။
ဆောင်းဟွန်း၏ကိုယ်လေးအား သူ့ပုခုံးပေါ် မှီတင်စေလိုက်သော ဟီဆွန်း။
ဆံနွယ်တွေကို သပ်တင်ပေးနေသော လက်တစ်စုံမှာ နူးနူးညံ့ညံ့။
အီဟီဆွန်း၏ များစွာသော ပုံစံတွေထဲက တစ်ခုဖြစိလောက်သည်။
မျက်တောင် တခပ်အတွင်းမှာ ပုံရိပ်မျိုးစုံပြောင်းနိုင်တဲ့ အီဟီဆွန်းဟာ ယခုအကြိမ်တွင်လဲ ဘယ်လိုဇာတ်ခုံမျိုး ဖန်တီးချင်သည်မသိ။
ဆောင်းဟွန်း မျက်နှာလွှဲတာနဲ့ အကြည့်တွေကို ပြောင်းလဲ ပစ်တတ်သည့် ထိုလူဟာ အခုတော့ အိပ်မောကျနေသူအား မြတ်မြတ်နိုးနိုးငေးနေပြန်သည်။
တစ်ချိန်က ပစ်ပစ်ခါခါ မချန်ရစ်ခဲ့ဖူးသလိုမျိုး
ဒီကစားပွဲအား သူ့စိတ်ကြိုက်ခြယ်လှယ်သည်။
အတွေးနဲ့အတူ ဂျယ်ယွန်း၏ မေးရိုးချွန်ချွန်မှာ တင်းခနဲ။
![](https://img.wattpad.com/cover/338593571-288-k576933.jpg)
YOU ARE READING
Lollipop
FanfictionGot a lime green lollipop , Disapearing on my tongue. Need another lollipop, Cause this one is almost gone. Next one I won't chew the top, This one didn't last that long.