عروس الجنوب

البـارت " الثاني "

عِشنا ما لا نريد ..ونِلنا ما لا نستحق
ونقضي أعمارنا نسأل : أكنا نستحق كل هذا الألم لنتعلم
أم أنّنا أفرطنا في أحلامنا ونسينا أننا في واقع يغتال الحلم
عشنا حياتنا بالصمت والتحمل والصبر ، وحين أخبرونا بأن نغادر ما يؤذينا وجدنا الأذى صار في قلوبنا..لسنا ضعفاء ولم يصيبنا الإحباط بعد ، لكننا وصلنا لمرحلة نفذت طاقتنا وانتهى رصيد المشاعر في قلوبنا ولا نعلم ماذا ينتظرنا بعد
"‏غداً حينما نموت إن قال لنا   "ماذا رأيتم في الحياة ؟"
ليس بإمكاننا أن نجد أيّ جوابٍ يقال
فمن شدة الركض لم نستطع رؤية أي شيء..

﹏﹏﹏﹏﹏﹏﹏﹏﹏﹏﹏﹏﹏﹏

الكاتبة فاطمه علي🦋
﹏﹏﹏﹏﹏﹏﹏﹏﹏﹏﹏﹏﹏﹏

مروه : هااا فرح ما صاير شي

فرح : هاي شبيج تشوفي وجهج كركم

عدنان : انتي هييي

فرح : بابا هاي عليه؟!

عدنان : اي عليج منو غيرج اكو اوراق ضايعه مني شايفتهن

فرح : لا بابا حته اخر مره دخلت غرفتك بيوم الي توفة بي ماما بعد ما دخلت

عدنان : امج هم مخليه يمج غراض اوراق شي يجوز وياهن

فرح : اتذكرت الاوراق .......

عدنان: وين صفنتي

فرح : لا ماكو شي بس ما عندي

مروان : لا بابا امبين عدها من صفنت

فرح : احس نار بداخلي صارت بس ما بينت مو عندي اتجاهلت الموضوع ومشيت.......... هاي غرفتي وتعال دورها اذا عندي

مروان : اي ندور ليش لا

فرح : دخل گلب الغرفه كلها لا ضلت ملابس ولا غراض كلشي صار هوسه انوب تركها وطلع يصرخ على ابوه

مروان : يابه راح اتخبل وين راحن

عدنان : هوه انته لو اني راح اتخبل شنو العليله اخذتهن وياها قابل

فرح  : من سمعت يحجي على امي ما كدرت اسكت .... ما مسموح الكم تجيبون طاري امي راحت لدار حقها

عدنان : اكول لو تسدين حلكج هواي احسن امشي ولي

فرح : عشتو بخيرها وخير جدو سنين طويله هسه صارت عليله

عدنان : اي عليله من اخذتها لحد ما ماتت هيه مريضه اني شمصبرني عليها غير فلوسها قابل كاتل روحي على وحده حياتها بس علاج

فرح :  تركني وطلع هوه والولد كمت ابجي  اجتي مروه شبكتني ...... الحمدلله هيه ماتت وما سمعت هل كلام

مروه : لا تضوجين فروحه بس بابا حجه هيج لان عصبي.

فرح : همه شنو مضيعين