حين تزرع السعادة في قلب
إنسان سيأتي يوم من يزرعها
في قــلــــبــك
فالدنيا كما تقدم لها تقدم لك
وما تزرعه اليوم تحصده غدآ
والكلمة الطيبة والقلب الصافي
هما الجمال الحقيقي لأي إنسان
﹏﹏﹏﹏﹏﹏﹏﹏﹏﹏﹏﹏﹏﹏
الكاتبة فاطمه علي🦋
﹏﹏﹏﹏﹏﹏﹏﹏﹏﹏﹏﹏﹏﹏
فرح
نمت بيومها كلش مقهوره من كلها كعدت من الصبح رحت للمقبره رحت اشوف امي كعدت يمها وسولفت لها كلشي و شكيتلها من الدنيا كتلها اخذيني يمج تعبت حيل بجيت من ضلم الدنيا الي
قريت قران وغسلت قبرها ورجعت للسكن لان ما بيه اروح للدوام
ثاني يوم جاي امشي بالجامعة شفت غيث جاي بتجاهي ولا خفت منه جانت عندي قوة مو طبيعيه انو اواجه اي شخص كان
وصل كلش قريب يمي ويباوع بعيوني
غيث : شلونج فرح
فرح : بخير
غيث : سامحيني فرح والله الليل ما جاي اكدر انامه لان ضلمتج اني اعترف شكيت بيج وخونتج وشوهت صورتج كدام اهلج بس شسوي من حبي الج من شفت الشاب بالغرفه ما ضل عقل براسي
فرح : الصار صار وما مستعده اتذكره هسه شنو المطلوب
غيث : تسامحيني
فرح : ............
غيث : رحت لبيتكم اكثر من مره حته اشوفج كالو تركت البيت، رحت لابو مروان وشرحتله الموضوع وكتله الصوج مني واني الغلطان بس هوه رفض ينطيني عنوانج لحد ما تذكرت جامعتج وجيت هنا بس ما جانت عندي القوة حته اواجهج اجيت هواي جنت اتمنى احجيلج بس ما كدرت فرح اني هواي قسيت عليج
فرح : لا شنو شسويت انته
قابل طول فترة زواجنا جنت مسممني على كلشي لو ابتلي اذا يجينه واحد من اقاربك خطار واكعد يمه بعد شيخلصني لو هنتني وكتلتني بالفندق لو قابل بسببك خسرت ابني لو من وراك تشوهت سمعتي انته كلشي ما مسوي لو من وراك انكسر گلبي
كتلك غيث انته اول شخص انعجب بي واول شخص يحسسني هوه يحبني خليت كل ثقتي بيك شنو حصلت اني الي مخبلني اعرفك تشك وغيرتك تسيطر عليك بس ما توقعت فد يوم تصدك اني اخونك
غيث : حقج ويه كل كلمه تكولينها بس مو بيدي سامحيني فرح
فرح : غيث وين گلادة امي على شكل حمامه تتذكرها جنت البسها انته اخذتها من رجعت من الشمال
غيث : اني بس وصلتج للمستشفى رجعت لبغداد كلشي ضل بالفندق
فرح : قصدك شمرتني
غيث : خابرت اهلج ومن كالو راح نجي تركتج ورجعت
فرح : شنو جان شعورك من كلولك الطفل وكع
