من بعد ايام واشهر طويله عرفت انو احناا مالنا غير شخص واحد بااخر المطاف
راح نكتفي بي هوه وبس لو شكد مجان عدناا اصدقاء وشكد مجان عدناا ناس نحبهم ونحب نكعد وياهم ونطلع وياهم بس بالنهاية راح يجي شخص ياخذناا من هل ناس كلهم
يخليناا نكتفي بي هوه وبس نحبه وننعزل عن العالم الخارجي تماماً نصير منهتم لزعل اصدقائنا لو شنو يحجون علينا و يكلون مقصرين
نصير نخاف بس ع زعل هل شخص ' نحس الحياة بس وياه ويعوضناا عن كلشي بهل حياة
ويخليناا نحس انو شكد منقدمله راح نبقه مقصرين ويا
يخليناا نحس انو احناا داننطي نفسناا لشخص الصح
وماابيوم يخليناا نندم وعلى كلشي قدمنا
وراح نعيش ويا احلى حياة .... دائماً اكتفو بااشخاصكم المفضلين والي يستاهلون حبكم الهم
♥♥
هاي نصيحة من اختكم فاطمه علي
﹏﹏﹏﹏﹏﹏﹏﹏﹏﹏﹏﹏﹏﹏
الـكـاتبــة فـاطمــة عـلـي🦋🦋
﹏﹏﹏﹏﹏﹏﹏﹏﹏﹏﹏﹏﹏﹏
سجاد
صار شهر وره شهر واحنه كل واحد بحاله وضعنا كله اختلف حياتنا بارده
عرفت حامل ببنيه اجذب اذا اكول ما فرحت من عرفت هل شي وبنفس الوقت تحس هل سعاده ما مستمره لان الموت منتظرها بنسبة جبيرة
كل الدكاترة كالو الجنين يموت اما فرح اكو خطر عليها من الجنين
يعني اذا صارت عدها ولاده طبيعيه
والدكتورة كايله لامي اول اسبوع بشهر التاسع ادخلها عمليات هل شي خفف عليه
اما الي مضوجني شهل عناد كملت بالحمل وتعرف يموت الجنين
كل يوم بهل مده من يصير الليل و احنه نايمين تلزم ايدي لو تنام عليها اني كاعد ما نايم بس اعوفها براحتها شكد ما تحبني عدها عناد اضعاف
وكم مره حسيت بحركة الطفلة بضهري شعور حلو احمد رب العالمين على هل امتحان
اما فرح كلما يتقدم الحمل تضعف اكثر وتتعب اكثر كلبي يوجعني عليها اتمنى لو كل هل شي ما صاير تمنيت لا حامل ولا صايره هل طفلة
لان كلشي عكس ما ردنه حياتنا بس عايشين جوه سكف واحد هيه من الصبح تحضر ريوكي وتروح يم بيت خالي
اسمع صوتها يمهم
هيه جم مره اجتي تحجي وياي بس ما اتقبل منها كل احجايه
دخلت شهر الثامن واني عبالك جاي اشوف اخر ايام لحياتنا جاي تخلص فد يوم متمدد على الجربايله وجتي كعدت بصفي وبطنها عبالك بطه
فرح : سجاد اريد احجي وياك بموضوع
سجاد : واني ما عندي اي حجي وياج
فرح : ليش سجاد جاي تتعامل وياي هيج ما كافي كل هل اشهر ما كفتك كل هل ايام ما جنت اتوقع هيج گلبك قاسي عليه
سجاد : اششششششششش كافي لا كلبي مو قاسي انتي الي سويتي قاسي
انتي الي دمرتي عيشتنا انتي الي سويتي هل بيت جحيم
من ذاك الوقت واني كل يوم وكل ساعه وكل ما اشوفج اتذكر من خيرتج والمشكلة كتلج فرح اذا اختاريتي تكملين تنسين سجاد
شنو جان قرارج تركتيني اتخليتي عن حبنا وحياتنا ومستقبلنا
تعاي يا بنت الناس انزل الطفل واول وتالي نسوي غيره من تصيرين زينه
انتي شنو سويتي كتلتي كلشي حلو بيناتنا بهاي الانانيه مالتج لا عبالج ما مقدر كل تعبج علمود تسعديني بس نهاية هل طريق هوه الموت وانتي تعرفين كلش زين
جنت اكدر اخذج واخليج تسقطين الطفل بس خفت.........خفت عليج خفت اذا اجبرج يصير شي موزين وياج لا سامح الله بس انتي ما قدرتي خوفي عليج
فرح حرام عليج هيج دمرتي حياتنا وحرام عليج كل لحظه ضاعت من عمرنا واحنه بعيدين واحد عن الثاني جنت اتخيل تحبيني اكثر من روحج بس باول فرصه تخليتي عن حبنا
ولج ما حبيت احد كد ما حبيتج اول وحده بحياتي انتي واول عشك يدخل گلبي واول وحده يرجفلها گلبي بس صرتي وجعة گلبي
