" خوفي من أن يكون
المتبقي من قلبي بعد تجاوز هذا كله
غير كافي لما بعده "
﹏﹏﹏﹏﹏﹏﹏﹏﹏﹏﹏﹏﹏﹏
الكاتبة فاطمه علي🦋
﹏﹏﹏﹏﹏﹏﹏﹏﹏﹏﹏﹏﹏﹏
فـرح
رجعت من الفندق كلش فرحانه لان لكيت گلادة امي بالطريق شكد شكرت عمو ابو مريم لو ما هوه ولا بعمري بعد اشوفها
انطيت ملابسي كلها والمكياج وكم جنطه واحذية لاخت مريم بنيه مخطوبه وعلى وجه زواج خطيه البنيه طارت من الفرح بيهن ضليت كم يوم ورجعنا قبل لا نرجع هم رحت للمدينة شتريتلها كم شغله وفرشه مال چربايه اعرف تقاليد هيج مناطق ريفيه لازم العروس تجي وياها هواي غراض كلت هل شغلات راح تسدلها شغله وقبل لا اطلع من ودعتهم خليت بيدها جم فلس ورجعنا
بده الفصل الثاني من السنة الدراسية
من رجعت لكيت يم الحارس دازين مصرف الي اخذتهن وجبت كم شغله ناكلها ما اخلي مريم تصرف خطيه ما عدها كتلها فلوسج خليهن بس لنفسج ثاني يوم داومنا نفس المحاضرات ونفس الوضع رجعت لشغلي بس اكو ولد دا يضايقني يباوع ويذب كلام عليه من يفوت وره ايام واكفه يم البنات اجه
خالد : من رخصتج فرح
فرح : تفضل
خالد : اريد احجي وياج على نفراد
فرح : ............. نعم تفضل
خالد : عادي اعزمج على عصير
فرح : لا مو عادي كلت اريد احجي وياج هياتني يمك كول شنو الموضوع
خالد : ما اعتقد ما تعرفين تره امبين اني معجب بيج واريدج ....... عرفت انتي منين وبت منو
فرح : وتعرف مطلقه
خالد : اي اعرف وقابل فرح اني رايدج على سنة الله ورسوله
فرح : خالد اني ما افيدك لا اكدر اتزوج ولا عندي طاقة لهل خطوه ولا عندي اهل حته تطلبني منهم و لا اكدر اسوي عرس ما عندي احد
خالد : ومنو كلج اريد اتقدملج نتزوج زواج سري
فرح : ............ ليش شايفني كاتله روحي عليك لو على الزواج شنو جابرني اسوي هيج
خالد : والي ساكنه لوحدها راح يصير سنه شسوين
فرح : خالد احترم نفسك والله لو ما زميلي جان عرفت هسه شسوي وياك
خالد : على كيفج شكلنه سبينه العنب الاسود اني من البداية كتلج كلشي اعرف عنج وتعرفين اهلي واصلين عرفت كلشي فه ماكو داعي تضمين عني ماضيج
