قالت لي : لا تتركني!
اقتربتُ بجانبها وبصوت منخفض يحمل كل مشاعري معهُ،
وكيف لي ان اترك عالمي؟
من كتاب مرض الحب
﹏﹏﹏﹏﹏﹏﹏﹏﹏﹏﹏﹏﹏﹏
الـكـاتبـــة فــاطمـــة عـــلـي 🦋🦋
﹏﹏﹏﹏﹏﹏﹏﹏﹏﹏﹏﹏﹏﹏
شهد
واكف بعدني بالغرفه
دخل حسين بس وجه يطاير منه الشر
حسين : انتي من اي نوع من البشر
شهد : تفضل شتريد
حسين : ما رايد شي منج بس كفيني شرج و اطلعي من حياتي
شهد : چا من تطلع سد الباب وراك.......... سحبني وشمرني على الجربايه بكل قوته
حسين : احجي بأدب احسلج
شهد : تركتلك البيت انته ومرتك وطلعت لوحدي شنو بعد اسوي حته ترتاح
حسين : لسانج لزمي شهل حجي مال فنادق وغيرها
شهد : عدلت نفسي وكعدت ليش اني مجذبه ............... ليش عبالك جنت غافله عنك وعن سفرك
لا اااا جنت اعرف كلش زين شنو تسوي وين تروح بس اكول ميخالف يتغير
بس الضاهر الفنادق الها حوبه وبخت
حسين : انجبي احسلج ...........من الاخير شهد شتريدين بالضبط
شهد : اطلگني
حسين : حلم بليس بالجنة
شهد : ليش مو انه الي ما مرتاح وياها مو انه الي خانگتك شنو تغير هسه مو انه الي بعد شهر يصير عشتو عيد زواجنا وتزوجت عليه وهسه نفسك تگلي اطلعي من حياتي
حسين : شهد حجينا بهل موضوع هواي لا كل يوم عايدينه
شهد : اي وانه هم سكتت وختاريت وين اعيش
انه لا وصلت يمك ولا يم مرتك جنت يم عمي وهيه بدت بالحجي وهسه انته جاي بيتي
حسين : اجيت اكلج معليج بيها
شهد : انته شعبالك شنو اريد ادخل بمعركة علمود السلطان سليمان
لا عيني لا انته ولا مرتك ما تهموني
افضل لو تروح عليها وتكلها خلي تشيلني من راسها تره متنازله عنك بالعشره
لا عبالها راح اغار لو اريد تعدل بيناتنا ابد مستغنيه عن كل خدماتك
حسين : شهد اني زوجج لا تنسين هل شي
شوكت ما يعجبني اجي هنا وشوكت ما احب اقرر عنج كلشي
شهد : عن اي زواج تحجي عن شغله بالغصب عن جذبه عشناها مدة اشهر ......... هذاك الزمن وله احنه ولد اليوم انه ضليت هنا لان هل طفل ربطني بهل بيت
حسين : يعني ما تحبيني
شهد : ............. رفعت عيني وخليتها بعينه ..........مات هل حب من دخلت غير وحده بحياتك من كلت ما اريدها اني نفسي مو هينه عليه ورخصها الك
