يربطني بك شيء أعمق مِن المَحبة
أعجز عَن شرح الأمر لك
لكنني بطريقةٍ ما أشعر أنك أنا !
﹏﹏﹏﹏﹏﹏﹏﹏﹏﹏﹏﹏﹏﹏
الـكــاتبة فـاطمـة عـلــي🦋🦋
﹏﹏﹏﹏﹏﹏﹏﹏﹏﹏﹏﹏﹏﹏
سجاد
ما اعرف ليش ضجت من كلمة فرح حزت بنفسي حيل واني هذا طبعي اذا ضجت اقفل بعد يحتاج لي وقت يله انسه اني رجال ما اتقبل على روحي زوجتي تصرف عليه اني الي انطيها واصرف عليها و هذا واجبي
حته من عتذرت فرح اني ما زعلان عليها او ضايج منها بس بعد قفلت ضليت ساكت ابد ما حجيت وياها بس ضايج من روحي على هل تصرف شسوي الشغلة مو بيدي هذا طبعي
من وصلنه لاهلي بديت ارجع طبيعي شويه سوالف ويه الولد انوب اجتي زلم لخالي ونوب العصر كلها لتمت حلو احساس واحد عايش بين اهله وناسه
لليل صعدت لغرفتنا جان اسمع شهد وفرح يسولفون
شهد : يعني كلج احبج
فرح : لا بس كلي الي أهم من كلمة "أحبج"
- أني أسف
- أني وياچ دائما
- شكلچ يجنن اليوم
- ريحي نفسج اني راح أكمل هالشغلة
- شلون چان يومج
- أريد أخذ رايچ بموضوع
- أحجي اللي تردينه أني دائما أسمعج
- گومي لبسي دنطلع
- كل المشاكل تنحل لا تهتمين
- خليج وياي مشتاقلچ
- چبتلج هدية
- عمري ماراح أتركچ
شهد هل كلمات محفورة بنص گلبي اهتمام سجاد و خوفه عليه يسوه كل كلمات العالم اني رب العالمين رزقني برجال گول وفعل الحمدلله من عوضني عن كل اهلي وناسي
سجاد السند الي جنت مفتقده تعرفين شنو سند يعني شخص يدعمج شخص يعيش وياج كل تفاصيلج المهمه والمو مهمه . .... الي يفهمج بدون ما تحجين الي يحس بيج من نبرة صوتج اذا زعلانه او فرحانه السند هوه الي يسوي كلشي حته تفرحين وما تضوجين او تنقهرين من شي الي يسوي كلشي حته تكونين مرتاحه وياه ...... ميحتاج يكلي احبج كافي هوه شنو جاي يسوي
شهد : الله يحفظكم
فرح : حبيبتي تسلمين ويرزقج بابن الحلال
شهد : ادعيلي ارجع ادرس شسوي بالزواج
.
.
سجاد : هلو شهوده
شهد : هلو سجاد........ يله فرح اني رايحه انام
سجاد : شبيج وين رايحه لو ادري ما جاي
شهد : لا والله مو يمك بس صارلنا هواي انسولف ونعست..... تصبحون على خير
فرح وسجاد : اجمعين
.
.
.
.
.
سجاد : فرح تعاي وين رايحه
فرح : اريد انام
