وأنتِ البدايةُ في كل شيءٍ ومسك الختام ❤️
﮼سأنظر ﮼إليك﮼دائما﮼بنفس ﮼الحُب
﹏﹏﹏﹏﹏﹏﹏﹏﹏﹏﹏﹏﹏﹏
الكاتبة فاطمه علي🦋
﹏﹏﹏﹏﹏﹏﹏﹏﹏﹏﹏﹏﹏﹏
سجاد : تتزوجني
فرح : شنو
سجاد : تتزوجيني على سنة الله ورسوله
فرح : كل الي تعرفه عني وتريد ترتبط بيه
سجاد : ما اعرف عنج بس الخير اني اريد اتزوجج حته احميج من الدنيا كلها
فرح : سجاد شنو الي بالك
سجاد : لا تخافين ما بالي شي والله واهل بيته شاهدين علي ما اطلب منج شي واذا ما عاجبج الموضوع من باجر ادورلج بيت بس الج مهله منا لباجر لان لازم ارجع للعماره الوالدة شويه تعبانه
فرح : سلامتها ان شاء الله.......... سجاد شنو الي ما خلاك تعوفني طول هل فتره كلها ليش جنت رافض اطلع من الفندق
سجاد : وره كل تعبي لكيتج شلون بعد اعوفج
فرح : وليش هلكد مهتم لامري
سجاد : احممم ما مهتم عادي ........... انتظرج باجر مع السلامه
فرح : كلش ارتبك....... مع السلامه
سجاد
: طلعت منها احس حته گلبي يوجعني وعطشان...... شكد غبيه ولج كل هل فتره وهل مده طويله تكلي ليش مهتم يا مطيه احبج يا حماره اموت عليج ولج غير هسه يله حسيت بطعم الراحه انتظرج من سنين طويله جنت كل يوم اصفن وكول هم يجي يوم واحب هم تجي هاي الي توگعني وتخليني اعشكها
........... ضليت النهار كله افكر بشنو راح ترد او شنو تطلب ويمكن ترفض ضليت بقلق حته قبل اذا اشتاق لشوفتها هسه من عرفت اريد اتزوجها ما كدرت ادخل للمطبخ ما اريد تكول كاتل نفسه الثكل حلو حته طول ذيج الفترة اني قليل احجي وياها اراقبها بدون ما تعرف ضلت علاقتي بيها سطحيه مجرد تشتغل ويانه ............
بليل دخلت غرفتي وصافن زين اذا قبلت شلون راح اواجه اهلي امي شلون راح تقبل وهيه تتمنى يوم يوم حته اتزوج وتشوف عرسي شلون راح تتقبل والله ما اعرف هسه المهم فرح تقبل وراها سهله اني احلها
فرح
بس خلصت شغلي رحت كعدت بغرفتي حته عشه ما اشتهي اتذكرت كلشي من جنت صغير لحد ما تزوجت امي وكبرت وماتت امي و معاملة اهلي و زواجي من غيث اوووف يا غيث شسويت بحالي كلشي جاي اعاني منك لو هسه احنه بيتنا والطفل يكبر ابطني و مرتاحين مرضك هوه الي دمر حياتي تذكرت شنو صار وتذكرت شلون اهلي تخلو عني و وكفت مريم وابوها وياي تذكرت السكن والجامعه وخالد ليش
اكثر شي بحياتي هوه قهر
تذكرت سجاد صفنت بي من عرفته لليوم ابد ما يوم ضرني ولا سوه شي يقهرني ولا يوم حسسني اني كاعده عنده ما شفت منه بس الخير وكل هذا والي عاجبني بي من يحجي وياي عينه بالكاع ما يوم خله عينه بعيني ..... اني ليش بعدني اتذكر غيث ليش لهسه اتذكره ليش لهسه ما نسيته شنو قدملي حته كل يوم اتذكره وانقهر ومرات حته ابجي شلت الموبايل ودزيتله رساله..........
