عروس الجنوب

الـبـارت " الـثـامـن "

‏أيتها الآنسة المُعجزة
كيف أُقدم لكِ أمتناني
وكيّفَ أصِف أثرَ دخولكِ لحياتي
تحولَ قلبي من ساحة قِتال وحرب
لبستانَ مُثمر
أحبكِ ليست أربعة أحرف
بل أربعين عام
لأنني بعد الستين سأكون خرفًا
ولكن لن انسى أثرك
سوف أنظر لعينيكِ
ولو لم أمتلك أي ثمة كلمات
سأقولها أحبُكِ
بنظرة أو بلمسة وداع.♥️

﹏﹏﹏﹏﹏﹏﹏﹏﹏﹏﹏﹏﹏﹏

الكاتبة فاطمه علي🦋

﹏﹏﹏﹏﹏﹏﹏﹏﹏﹏﹏﹏﹏﹏

سجاد
السلام عليكم ورحمة الله وبركاته
اني سجاد من العماره العمر 33 سنه كملت سادس وكعدت ما درست كليه ضليت عايش يم بيت خالي ويه ولدهم اني وحيد امي لان امي وره ما توفى ابوي بعد ما تزوجت رجعت عاشت يم اهلها حته تربيني وره فتره من وفاة ابوي ماتت مرت خالي فه امي ربتنه كلنه سوه اني ولد خالي  مثل الاخوان

قبل سنتين اجاني صاحبي كردي كال اكو فندق بسليمانيه صاحبه مستعجل على بيعته وهوه خواله هناك ويعرفون صاحب الفندق وراح يأثرون علي حته ناخذه بسعر زين
كتله افكر ورجعلك خبر وره يومين من التفكير قررت اشتغل وياه امي ضامتلي فلوس من ورث ابوي وخالي ساعدني بجم فلس دخلت شريك ويه صاحبي طول هل سنتين اني اشتغل مرتاح وماشي شغلي
وكل اسبوعين انزل للعماره اشوف امي والاهل وارجع اله مره وحده ومنها طحت بعد ما كدرت اكوم

جنت واكف فاتت مني ريم سبحان رب الخالقها يعني وجها على گولة حبوبتي گيمر عرب لو المعاني بعدني صافن بيها شفت ولد دايماً يجي يمنه ينزل بوحده من والغرف بالصدفه طلع زوجها
متت بوقتها مو من شيمنا نباوع على عرض غيرنه بس والله اخذت گلبي هيه هم رفعت عينها وضلت مركزه علي انوب اني كمت اشك بنفسي معقوله اكو شي بملابسي لو شعري مخربط كملت اوراق دخولهم للفندق

دخلو اول يوم طلعو لليل كلش يله رجعو ثاني يوم بس غيث طلع
ثالث يوم كاعد افكر بيها عيونها ما جاي تفاركني ابد وجها مو غريب عليه احس هل ابنيه شي مالتي معقول حبيتها استغفرالله ربي واتوب اليه ربي سامحني .....

شبيك سجاد البنيه متزوجه لا تتخبل لازم مفتاح غرفتهم الاحتياط جاي امرر اصبعي على رقم الغرفه
شنو سويتي بيه صارلي شكد بهل شغله ماكو بنيه هزتني ولا هتميت بوحده معقوله تاليتها انعجب بوحده متزوجه وره هل عمر كله احب متزوجه استغفر الله العظيم
اجه ولد راد مفتاح غرفه كلي الرقم بس اني وين بالي بغير دنيا رحت اجيبله مفتاح رجعت اخذت نفس المفتاح ونطيته اله ضليت يمكن خمس دقائق كاعد بمكاني ما حسيت غير غيث اجه يصيح
و گلب الدنيا بالفندق من الصياح اجوي الامن اخذو الولد
صارت هوسه واني كلشي ما فتهمت من رجع صعد غيث افتهمت من صاحبي السالفه كلها
تركته واكف وصعدت ركض دكيت لمن مليت الباب وما يفتح بس اسمعه يضرب بشي واكو صوت بجي جوه من هددته اكسر الباب فتحه
اويلي عليها من فتح الباب كون بيه الوجع مو بيها رفعت عينها باوعتلي تمنيت اني اصيرلها ابن عمها لو ابن خالها يمكن ما اخلي زوجها بعد يكوم على حيله جان كسرت رجلي احجي وياه والتوسل وافهمه ماكو بعدنه نحجي شفتها تخربطت ركضنا عليها  من شفت الدم انخمش گلبي عليها
ركضنا بيها للمستشفى اني تركت الدنيا كلها ورحت وياها خلاها غيث ليوره وهوه يسوق ردت اندار اشوفها شبيها ما كدرت زوجها منا مو من حقي....................بالطريق خابر  على اهلها  وسولفلهم الشغله كلها وحته كلهم هسه رايحين للمستشفى................وصلنا بسرعه دخلوها وره نص ساعه طلعت الدكتورة كالت سقطت الطفل صار تحقيق بالشغله لان بيها اثار مال ضرب اخذو غيث بس واسطات وره ساعه طلع وبوجها تركها ورجع لبغداد ضليت يمها ما دخلت ابد بس عرفت كعدت ورجعت نامت هذا كلام من الممرضه وره ساعات وصلو اهلها من عرفتهم تركتها ورجعت قبل لا اطلع من المستشفى سالت الدكتورة عن وضعها كالت هسه احسن من ما اجتي الصبح هم اثار ضرب قويه والنزف
بس ضل بالي يمها شنو الي ربطني بيها ما اعرف طلعت و روحي ضلت يمها رجعت للفندق ما رتاحيت ايام تمر والاشهر واني مجرد اشتغل شنو الي غيرني ما اعرف اعصابي بدت تتلف على ابسط شي حته صاحبي سألني عن السبب بس اني نفسي ما اعرف تركت الفندق ورجعت للعمارة كلت لصاحبي امي تعبانه بس اني تعبني گلبي كلت ارجع احسن .....