حاولت كثيراً ان اضمد جراحك واعالج ندباتك، حاولت ان اجعل من نفسي وطناً يحتويك كي لا تشعر بالضياع والغربه، لكني اليوم وجدت نفسي هي التي ضاعت وتاهت من كثر محاولات تصديق انك تحبني انا التي ضعت لا انته.
﹏﹏﹏﹏﹏﹏﹏﹏﹏﹏﹏﹏﹏﹏
الـكـاتبــة فـاطمــة عـلـي🦋🦋
﹏﹏﹏﹏﹏﹏﹏﹏﹏﹏﹏﹏﹏﹏
حسين
ما اعرف ليش جاي احس بالندم
من راحت لاهلها وراها موضوع الحمل حساسي بالندم والذنب جاي يكتلني عبالك طول هل اشهر جنت مو بوعي ما حاس بقيمتها
وره ما فقدتها حسيت بيها وره ما نتهت علاقتنا حسيت اني خسرت شي مستحيل اعوضه بغير بنيه وضعي كله تخربط حته بركه بفلوسي ماكو كلشي تخربط بحياتي الصيدلية الي سويتها على اخر شي وراح افتتحها وتصير خاصه بيه حتركة برمشت عين لتماس كهربائي وصارت فحم وره هل صرف كله صفيت يادوب عندي فلوس اترس السيارة بانزين ................. بديت احضر علمود العرس بس ولا فرحان عبالك ما مقسوملي افرح بعرسي ويه شهد لان ابوي غصبني عليها كرهت كلشي وهسه ويه تماره هم نفس الشي بس هل مره اني غاصب نفسي من وره كلمه كلتها جان لازم ما احجي شي من انطيتها وعد بالزواج خليت حبل المشنقة على رگبتي حته كمت لا اخابر ولا اسال وصيح وعيط بيها ورزل اريدها بس تحس اريدها تطلع منها وتكول ما اكدر اكمل وياك بس ابد هيه ولا عبالك.............
شهد
فرحت بالتحضيرات لان عمي سوالي المشتمل يخبل وعمتي سوتلي مطبخ يجنن بس اليه عبالك مال العاب شلون جنه نحلم من جنه صغار مطبخ صغير
غرفتي نزلوها الي من شفتها رجعتني لذيج الايام الي عجبني حته المخده مالته وياهن كلها نزلوها ضليت ارتب بيها صارت المخده كبالي مديت ايدي ودمعه ترف بعيوني شلتها من الكاع وخليتها على صدري وشميتها ............... اوووووووف يا ريحتك يا حبيبي
ربي رحمتك فدوه خليني انساه ربي ارحم بحالي ..... اشم بيها ودموعي تجري اموت علي وعلى ريحته وعلى كلشي بي
بس هوه كسر گلبي واذاني حيل ...........ضهري صاير للباب ما حسيت غير واحد لازم جتفي
جفلت خفت انداريت شفته حسين ادموعي عبالك ما نازله انوب صارن عشره عشره ابجي بدون اي كلام بس اباوع علي اتأمل عيونه وجهه لو ريحته الي ترست صدري تمنيت اخلي راسي على صدره تمنيت كل هذا ما صاير بس من اتذكر شلون يكول ما اريدها ما مرتاح وياها كلش انقهر منه
حسين : شهد كافي بجي موزين عليج
شهد : ما ابجي على احد ابجي على روحي
حسين : اعتذر منج على كلشي صار صدكيني ما جنت اتمنى هيج يصير
شهد : كلشي خلص وكلشي انتهى انته ختاريت واني هم ختاريت حياتي بعد ما يربطنه بس هل طفل
حسين : بس انتي زوجتي
شهد : هذا الشي انتهى بالنسبة الي من گلبك ختار غير وحده تسكن بي من انته ختاريت غير وحده تملي حياتك
